Melkahka kan
136 Kumwail kapingkalahngan ong Siohwa, pwehki ih me kupwur mwahu;+
Sapwellime limpoak loalopwoat me poatopoat.+
2 Kumwail kapingkalahngan ong Koht en koht akan,+
Pwe sapwellime limpoak loalopwoat me poatopoat.
3 Kumwail kapingkalahngan ong Kaunen kaun akan,
Pwe sapwellime limpoak loalopwoat me poatopoat.
4 Ihete me kin ketin wiahda soahng kapwuriamwei kan,+
Pwe sapwellime limpoak loalopwoat me poatopoat.+
6 E ketikihdi sampah pohn pihl akan,+
Pwe sapwellime limpoak loalopwoat me poatopoat.
7 E ketin wiahda marain laud kan,+
Pwe sapwellime limpoak loalopwoat me poatopoat,
8 Ketipin pwe en kin kakaun nin rahn,+
Pwe sapwellime limpoak loalopwoat me poatopoat,
9 Maram oh usu kan pwe ren kin kakaun nipwong,+
Pwe sapwellime limpoak loalopwoat me poatopoat.
10 E ketin kemehla mesenihen Isip kan,+
Pwe sapwellime limpoak loalopwoat me poatopoat.
11 E ketin wahsang Israel nan Isip,+
Pwe sapwellime limpoak loalopwoat me poatopoat,
12 Sang nin lime roson+ oh manaman lapalap,
Pwe sapwellime limpoak loalopwoat me poatopoat.
13 E ketin pwalangpeseng Sehd Weitahtao ni pali riau,+
Pwe sapwellime limpoak loalopwoat me poatopoat.
14 E ketin kahrehiong Israel en keid nanwerenge,+
Pwe sapwellime limpoak loalopwoat me poatopoat.
15 E ketin sipedala Parao oh nah karis en sounpei nan Sehd Weitahtao,+
Pwe sapwellime limpoak loalopwoat me poatopoat.
16 E ketin kahluwa sapwellime aramas ako nan sapwtehn,+
Pwe sapwellime limpoak loalopwoat me poatopoat.
17 E ketin kemehla nanmwarki lapalap akan,+
Pwe sapwellime limpoak loalopwoat me poatopoat.
18 E ketin kemehla nanmwarki kehlail kan,
Pwe sapwellime limpoak loalopwoat me poatopoat,
19 Sihon+ nanmwarkien mehn Amor kan,
Pwe sapwellime limpoak loalopwoat me poatopoat,
20 Oh Ok+ nanmwarkien Pasan,
Pwe sapwellime limpoak loalopwoat me poatopoat.
21 E ketikihong sapwara ko ong sapwellime aramas kan nin duwen sohso ehu,+
Pwe sapwellime limpoak loalopwoat me poatopoat,
22 Sohso ehu ong sapwellime ladu Israel,
Pwe sapwellime limpoak loalopwoat me poatopoat.
23 E ketin tamataman kitail ni atail kin nan kapehd tikitikla,+
Pwe sapwellime limpoak loalopwoat me poatopoat.+
24 E kin ketin kapitkitailsang atail imwintihti kan,+
Pwe sapwellime limpoak loalopwoat me poatopoat.
25 E kin ketikihong mehkoaros me momour* ar kisin tungoal,+
Pwe sapwellime limpoak loalopwoat me poatopoat.
26 Kumwail kapingkalahngan ong Koht en nanleng,
Pwe sapwellime limpoak loalopwoat me poatopoat.