Melkahka kan
Ong sounpihtih keseng; en Sedudun.* En Depit melkahka.
62 Mehlel, I kin nennenla awiawih Koht.
Komourpei kin pwilisang reh.+
3 Ia erein amwail pahn kemekeme aramas emen pwehn kemehla?+
Kumwail koaros keper rasehng dihd ehu me pangapangalahr, kehl takai ehu me pahn rengkdier.*
4 Re kin koasoakoasoiapene ren sikendihsang nan dewe me ileile;*
Re kin perenki likamw.
Re kin kapingki awarail kan, ahpw loalarail re kin keria.+ (Selah)
6 Mehlel, ih me ei paip oh komourpei, ei wasahn ruk;
I sohte mwahn pahn rerada.+
7 Komourpei oh ei lingan kin pwilisang rehn Koht.
Koht me ei paip kehlail, oh ei wasahn ruk.+
8 Kumwail aramas akan, kumwail likih ih ahnsou koaros.
Kumwail kasalehiong ih amwail pepehm kan koaros.+
Koht me wia atail wasahn ruk.+ (Selah)
9 Aramas akan wiahte angin esingek ehu,
Aramas akan wiahte mehkot ehu me sohte mie.+
Ni ar kin kohpene pohn mehn tenek kan, re kin marahrahsang angin esingek.+
10 Kumwail dehr likih amwail kin kulih aramas
De pil dehr koapworopworki pirap.
Mehnda ma amwail kepwe kan tohtohla, a kumwail dehr koapworopworki.+
11 Pak ehu Koht ketin mahsen, oh I rongehr met pak riau:
Kehl kin pwilisang rehn Koht.+