Kitail Pahn Kak Pitsang Soahngen Irair Duwehte Met?

WASA KOAROS kitail soupeila ie nan rahnpwukat, kitail kin kilang salo, pepei, oh mahwen. Ahpw kaidehn ih karepe makasihn wet intingkihdi pwehn kapataiong rohng suwed kan me ke eseier. Ahpw, makasihn tohrohr wet pahn kasalehong uhk iren kamweit riau en padahk mehlel. Keiou, kokohp kan en mahs nan Paipel kin uhdahn kohpada pali laud en rohng kansensuwed en atail ahnsou; keriau, me pwuhk en kokohp wette pil kohpada duwen ehu rahn me soahngen irair pwukat me sansalda nan kilel wet pahn sohla. Solahr mahwen. Solahr pakudang kan, oh solahr sounkesik kan, oh sohla irail akan me kin uhwong kaunda kan. Solahr seri sopwoupwou kan oh pil solahr irail akan me kin tangasang sapwerail pwehki kalokolok. Sampah ehu me audaudki popohl mehlel. Komw men kilang soahngen ahnsouwo? Se kangoangehkin uhk en tehk dahme Paipel kin kosoiahki duwen met. Komw pahn diar mehn kamweit wasao laudsang me ke lemeleme.