Paipel Pwuhk Tohrohr Ehu

E wia pwuhk me keiou netila tohto nan sampah, oh met mehlel. Aramas tohto kin wadek Paipel oh kanaiong laudsang pwuhk teikan. Lau lel ahnsou pwukat, kohpeseng en pwuhk wet (me mih ni pali koaros de ekeite) mihmi ni kopi lik pak pahieu ni lokaia 2,000 samwa.

Ahpw, me kapwuriamwei sang ah kohpeseng tohto, iei me dene Koht me pein intingihdi. Kristian wanpoaron Pohl intingihdi: “Pwe audepen Pwuhk Sarawi unsek pwilsang rehn Koht.” (2 Timoty 3:16) Ia wehwehn met? Lepin lokaiao “mwekid en ngehn sarawi en Koht” (lokaiahn Krihk theopneustos) kin wehwehki “esingek en koht.” Lepin lokaiahn Krihk ehu me parekiong met, iei pneuma, me wehwehki “ngehn.” Ihme karehda, kosoi me dene ngehn sarawi en Koht kamwekidih aramas souninting kan, duwehte ma e kin ketin kadarwei pohrail engin ah esingek, pwe imwilahn arail doadoahko pahn ni pwung adaneki Mahsan en Koht, ah kaidehn ahn aramas. Mehlel, me tohto me kin onopki Paipel kin pwuriamweiki ire kan koaros ahr kin parekpene, oh e pil pwungiong pelien sains, oh pil duwen mehlel en souninting kan, oh me keiou kesemwpwal, iei ah kokohp akan ah kin pweida​—⁠oh mepwukat koaros kin kamehleleiong irail me rar kan me kin wadek pwuhk wet me e kohsang wasa ehu me ilesang rehn aramas.a

Ahpw ia uwen laud ahn Koht kawedih intingdi en Paipel? Ekei kin kose me e kin mahsaniwei iren Paipel kan pwehn intingdi. Ah ekei kin kose me dene e kin kamwekidih lamalam me dierek nan Paipel, kaidehn ni ah mahsanwei. Ahpw, ni mehlel, mwekid sang ngehnin Koht sohte kin mih ni soangen wiepe teieu, pwe Koht “kin ketin mahseniong samatail mehn mahs ako pak tohto oh ni soahngen mwohmw tohto sang rehn soukohp ako.” (Ipru 1:1; Kaparekiong 1 Korint 12:⁠6) Nan artikel en mwuri, kitail pahn kasawih ahl akan me Koht kin mahsaniong aramas souninting 40 ko me intingihdi Paipel.

[Nting tikitik me mi pah]