“Kehl en Loale me kin Poahsoankihda Pwoson”

NAN pahro 1998, mendahki kauwe tohto, mie pwuhk kapw ehu ni lokaiahn Prans me oaralap koasoia Les Témoins de Jéhovah face à Hitler (Sounkadehdehn Siohwa kan ni Mwehin Hitler), me Guy Canonici ntingihdi. Nan tepin tehn nah pwuhko me kin koasoia ia kahrepehn pwuhko, sounpoadoapoad ndand en Prans me adaneki François Bédarida ntingihdi: “Me tohto perenki pwuhk wet. Kaidehn pwehki e ihte audehda wehwe ehu, ahpw ahnsoun ah ntingda me pwung. . . . Likin irail me saman kan, ihs me kin ese duwen kalokolok en Sounkadehdehn Siohwa kan pahn Kaundahn Hitler? Ahpw, erein sounpar 12 en kaunda wet, re kin lelohng kalokolok kan me uhdahn wuk oh lemei. Re pil kin pehm kamasepwehk en imweteng kan me kalokolok kin inenen lemei (concentration camps). Re pil kin pwainki arail mour arail pwoson oh kamehlel. Dahme kahrehda poadoapoad manokehla Kristian pwukat? . . .

“Dahme kahrehda kalokolok lemei kin wiawihong pwihn wet me malaulau, mwarekpeseng, oh sohte kamasepwehk? Met iei mehkot me kin uhpene. Kaidehn ihte Sounkadehde kan nan Sehmen kin wiliwilian kisin pwihn en aramas kei​—record kasalehda me re tohtohkihte mpen meh 20,000 nanpwungen aramas rar pak 60—​ahpw re pil wia tohnwehi kan me kin meleilei, me kin wauneki kosonned oh sohte kin wia keper ong meteikan, oh re ihte men doadoahk oh kekeirada neirail seri kan ni ahl me pwung. . . .

“Kalokolok wet kin wiawihong me pwoson kan me kin tengediong oh kin kana pelianda ni pali ngehn me kak peliankinda kehl en pwunod kan en liki kan en duwehte kehl en arail pwoson Sises Krais, tepikihda kalokolok suwed kan sang polihs en Wehi​—lao lel re kamakamkihla arail pwoson.”

Koasoi en Sounkadehdehn Siohwa kan me kamakamkihla arail pwoson en Kristian sang ni en wehi kin uhwong pelien lamalam kin wia mehkot kehlail. Nan ah kousapahlih pwuhko, ehu nuhspehpa ndand en Kadohlik en Prans me adaneki La Croix, kasalehda arail pepehm oh kapataiong: “Sang arail poadoapoad me aramas malaulaute ese, Guy Canonici kihpeneiehr mehn kadehde tohto me kin kahrehong emen wadekala sang ni ahr kilang irair en kehl me mwekidikihda pwoson me sansalda ni lokaia malaulau kan, me pwoson lao lel ni imwi sohte kak ohla nanpwungen seri kan. Mehn kataman wet pahn wia poahsoan en koasoakoasoipene kan ahnsouwet me pid duwen irair en Kristian kan en Sounkadehdehn Siohwa kan.”