“Ahi Mwemweitlahng ni Kingdom Hall”

Laura,a emen tohnsukuhl en college (sukuhl laud), ale pwais en iang towehda ehu sarawi oh ntingihda ehu ripoht duwen dahme wiawi. E pilada Sounkadehdehn Siohwa kan, oh oaralap en nah doaropwe iei “Ahi mwemweitlahng ni Kingdom Hall.” Dahme Laura diarada rehn sounkadehde kan me weksang pelien lamalam teikan? Nanpwungen soahng tohto kan me e koasoiahda iei ekei me kilekilel pah.

Seri kan: “Seri kan koaros kin iangete me laud kan mih nan wasa teieu. Nan pelien lamalam kan koaros me I kin towehda, seri kan kin tohrohrsang arail pahpa oh nohno oh towehda me re kin kahdaneki Sunday School.”

Miniminpenen keinek: “Pak tohto, pelien lamalam kan kin towehkihte ehute soangen keinek de pwihn en aramas. . . . Ahpw, Sounkadehdehn Siohwa kan koaros kin mwomwohdpene oh sohte kin wiahda pwihn ehu me kin tohrohrsang meteikan.”

Ngehnin kasamwo: “Aramas tohto kin kohdo rehi oh koasoiong ie. . . . Ekei pil kin idek ma mie me kin onop Paipel rehi. Ahpw, I sohte pehm me re kin iding ie. Re . . . mweidohng ie I en pein pilada.”

Sohte dalen meirong: “Mehkot me I uhdahn pwuriamweikihla iei ire mehlelo me sohte emen me wia meirong. . . . Pelien lamalam kan me I kin iang towehda kin ale meirong kan sang rehn seri kan nan Sunday class kan.”

Mie kereniong mwomwohdisohn Sounkadehdehn Siohwa 90,000 nan sampah pwon. Dahme ke soh mwemweitlahng ehu mwomwohdiso pwukat me kerenih wasa me ke kin mihmi ie?

[Nting tikitik me mi pah]