Irail Kin Doadoahngki Mwaren Koht Nan Central Africa
PALI MORON en aramas akan nan Central Africa kin kamehlele Koht. Sohte arail peikasal me ih me Sounkapikada en mehkoaros. (Kaudiahl 4:11) Ahpw, irail duwehte aramas nan wasa teikan—irail sohte kin kautihong ese mwaren Koht—Siohwa.
Aramas akan nan Central Africa, oh pil nan wasa teikan nan sampah, irail kin koasoia duwen mwaren Koht ahnsou me re kin nda, “Mwaromwi en sarawihla rehn aramas koaros” ni arail kin wia Kapakap en Kauno. (Madiu 6:9) Erein ahnsou werei, aramas malaulau kin ese mwaro. Ahpw, ni erein pahr tohto, doadoahk en Sounkadehdehn Siohwa pwerisek kan kin wekidala ahn aramas madamadau ong doadoahkpen mwaren Koht. Rahnwet, aramas tohto kin ese mwaren Koht, pil ni lokaiahn Aperika duwehte Zulu (uJehova), Yoruba (Jehofah), Xhosa (uYehova) oh Swahili (Yehova). Ahpw, ni ahnsowohte, kawehwehn Paipel tohto ni lokaia pwukat saikinte men doadoahngki mwaren Koht.
Ehu kawehwe kaselel me kin doadoahngki mwaren Koht iei Paipel en Zande, lokaia ieu me aramas kin doadoahngki ekei wasa nan Central African Republic, Sudan, oh Democratic Republic of Congo. Wasa ko, aramas akan kin doadoahngki mwaren Koht, spellihedi Yekova ni arail lokaia. E sohte lipilipil iaduwen mwaren Koht aramas pahn nda ni pein arail lokaia, me keieu kesempwal aramas en doadoahngki mwaren Koht. Pwekihda? Pwehki “aramas koaros me kin likweriong mwaren Siohwa pahn mourla.”—Rom 10:13, New World Translation.
[Map/Picture nan Pali 31]
(For fully formatted text, see publication)
SUDAN
CENTRAL AFRICAN REPUBLIC
DEMOCRATIC REPUBLIC OF CONGO
[Credit Line]
The Complete Encyclopedia of Illustration/J. G. Heck