Limpoak me Keieu Kesempwal

PALI laud en irair akan me pwarada nan palien Pwuhk Sarawi ni lokaiahn Krihk, de Kadehde Kapw, lepin lokaia “limpoak” kin kohsang ni lepin lokaiahn Krihk a·gaʹpe.

Pwuhk me ede Insight on the Scripturesa kawehwehda lepin lokaia wet oh koasoia: “[A·gaʹpe] kaidehn pepehm en perenkihla aramas emen, oh sohla men keisang mpe duwen me aramas kin kalap wehwehki dahkot limpoak, ahpw e wia irair en limpoak me pid tiahk mwakelekel oh ehupene mwahu me kin kohsang ni pein emen ah inengkihda en wia pwehki iei me konehng oh e wia pwukoa, oh aramas en rapahki ni mehlel dahme mwahu ong meteikan nin duwen dahme pwung. A·gaʹpe (limpoak) kin kihsang kouimwintihti oh kasalehda limpoak wet sohte kin mweidohng imwintihti en kahrehong emen en kesehkihla madamadau pwung kan oh eri kasapahlikiong ahn emen ah suwed.”

A·gaʹpe kin pil pidada pepehm loal. Wahnpoaron Piter kaweidki: “Kumwail ahneki limpoak loal [a·gaʹpe] ong meteikan.” (1 Piter 4:8) Kahrehda, kitail kak nda me a·gaʹpe kin pid mohngiong oh madamadau. Kitail soh tehpene ekei iren Paipel kan me kasalehda kehl oh irair kesempwal en soangen limpoak wet? E pahn mwahu ma kitail pahn tehk iren Paipel pwukat: Madiu 5:43-​47; Sohn 15:12, 13; Rom 13:8-​10; Episos 5:2, 25, 28; 1 Sohn 3:15-​18; 4:16-​21.

[Nting tikitik me mi pahs]