Luhk Ehu ong Kapahrek en Paipel Tohrohr Ehu
Komw Kak Ahneki Pepehm en Sohte Perki Mehkot nan Sampah Wet!
Kapahrek en Paipel wet pahn wiawi nan sahpw 230 sampah pwon. Pali laud en wasa pwukat, padahk wet pahn wiawi Rahn Sarawi, April 15, 2007. Dahme ke pahn sukuhliki sang padahk wet? Medewe karasepe:
Dahme kahrehiong aramas lik kei sampah pwon en ahneki pepehm en perki mehkot?
Iahd, de ni ahnsou dah, me pepehm en epwel mwahu salongala?
Ia wasa oh iaduwen pepehm en sohte perki mehkot kak dierekda?
Ke en esehla pasapeng en peidek pwukat, ni ahmw iang towehda padahk en Paipel kesempwal wet me pahn wiawi wasa kid kid kei. Pali laud en wasa pwukat, e pahn wiawi nan Kingdom Hall en Sounkadehdehn Siohwa kan en sahpwo. Irail Sounkadehde kan nan ahmw wasa pahn perenki padahkiong uhk ahnsou oh iawasa pahn wiawi. Se uhdahn men luhke iuk en iang towehda padahk en Paipel wet me inenen warohng atail ahnsou oh pil wia mehn kangoang ong kitail.