Poadopoad, Kaidehn Soai — Watchtower ONLINE LIBRARY

Poadopoad, Kaidehn Soai

‘I medemedewe mwahu duwen mengihtik en mepwukat koaros sang nin tapio.’—LUK 1:3.

IA DUWEN PAIPEL EH WEKSANG PWUHK TEIKAN? Soai kan en mahs kin koasoia soai kaselel kan ahpw re sohte kin kasalehda oaritikpen wasa kan, rahn kan, oh eden aramas akan me mi nan poadopoad. Weksang met, Paipel kin kasalehda oaritik tohto duwen poadopoad me kamehlelehiong sounwadawad akan me dahme e mahsanih me “mehlel.”—Melkahka 119:160.

KARASEPE: Paipel koasoia me “pein Nepukadnesar . . . salihalahng [Nanmwarki en Suda] Sehoiakin nan Papilon.” Mwuhr, “Epilmerodak, nanmwarki en Papilon, ahpw kadekohng oh ketikihong ehu mwar wahu me laudsang me e ketikihong nanmwarki teikan me iangih sensel nan Papilonia.” Patehng met, “nanmwarkio kin ketikihong mehn sawas rahn koaros, e [Sehoiakin] lao mehla.”—2 Nanmwarki 24:11, 15; 25:27-30.

DAHME IRAIL ME KIN SAMANIH POADOPOAD EN WASA KAN DIARADA: Nan mohn kahnimw kan en Papilon, semen kan diarada doaropwe de nting kan me kasalehda rahn kan ni mwehin Nepukadnesar Keriemen. Soahng pwukat kasalehda nehnehpen soahng me kohwong irail me sensel oh tohndoadoahk kan me kin mihmi Papilon. “Yaukin [Sehoiakin],” me wia “nanmwarkien sapwen Yahud (Suda) pil iang mi nan eden aramas pwukat iangahki tohnimweo. A mie kadehdehpen me Epilmerodak me kaunda mwurin Nepukadnesar uhdahn mour mahs? Nting ieu pohn sah ehu me dierek limwahn kahnimw en Susa koasoia: “Tehnpas en Amil-Marduk [Epilmerodak], Nanmwarkien Papilon, nein Nepukadnesar, Nanmwarkien Papilon.”

IA OMW MADAMADAU? Mie ehu pwuhk nanpwungen pwuhk kan me sarawi me audaudki soahng pisetik tohto oh oaritikpen poadopoad me uhdahn pwung? De Paipel weksang pwuhk teikan?

[[Blurb nan pali 5]

“Ire kan me Paipel kihda duwen ahnsou oh wasa kan me soahng kan kin wiawi ie kin pwung oh likilik sang doaropwe de nting teikan en mahs.”—A SCIENTIFIC INVESTIGATION OF THE OLD TESTAMENT, BY ROBERT D. WILSON

[Kilel en pali 5]

Doaropwe de Nting kan en Papilon Duwen Nanmwarki en Suda SEHOIAKIN