PEIDEK KAN EN PAIPEL PASAPENGLA

Dahme Sises pahn ketin wia ahnsou kohkohdo?

Nan pahr 33, Sises ketin pwoula, iasada, oh ketidahla nanleng. Ahnsou werei mwurin met, Sises ketin alehdi manaman pwehn kaunda nin duwen Nanmwarki men. (Daniel 7:13, 14) Nin duwen Nanmwarki men, Sises pahn ketikihsang semwehmwe oh ketikihdo meleilei ni ahnsou kohkohdo.​—Wadek Melkahka 72:7, 8, 13.

Nin duwen Kaun en tohnsampah, Sises pahn ketin wiahda soahng kaselel kan. E pahn ketin doadoahngki manaman me Semeo ketikihong ih pwehn kasapahldo mour unsek ong aramas. Re pahn perenki mour nin sampah oh re sohte pahn mahla de mehla.​—Wadek Sohn 5:26-29; 1 Korint 15:25, 26.

Dahme Sises ketin wiewia ahnsou wet?

Ahnsou wet, Sises ketin kaukaweid doadoahk en kalohk nin sampah me sapwellime tohnpadahk mehlel kan kin wiewia. Re kin kohla tuhwong aramas akan pwehn kasalehiong irail dahme Paipel mahsanihki duwen Wehin Koht. Sises mahsanih me e pahn ketin pousehlahte utung doadoahk en sapwellime tohnpadahk kan lao Wehin Koht pahn kasohrehla koperment en aramas.​—Wadek Madiu 24:14; 28:19, 20.

Sises kin ketin kaukaweid aramas akan ong mour mwahu sang ni eh ketin doadoahngki mwomwohdisohn Kristian mehlel. E pahn ketin pousehlahte kaweid irail lao kasohrlahn koasoandi suwed wet wiawi oh pil lella nan sampah kapw me Koht ketin inoukidahr.​—Wadek 2 Piter 3:7, 13; Kaudiahl 7:17.