Service Mihding Kan Ong February
Wihk me Tepida February 3
Koul 6
10 min: Pakair en sahpwet. Pakair kan sang Atail Doadoahk ong Wehio. Koasoi duwen ripoht en kalohk sang sounpwong en October ong Micronesia pwon oh pil mwomwohdiso en Pohnpei.
20 min: Ahnsouwet kitail pahn wiahda neitail doaropwe kapw kan (doaropwe me pid duwen atail sohte pahn ale doken nta) (eden doaropwe ni lokaian wai: Advance Medical Directive/Release Card). Emen elder konehng pahn koasoi duwen kesempwalpen audehda doaropwe wet ni ahl me pwung oh kesempwalpen kolokol doaropwe ahnsou koaros. Doaropwe wet pahn kadehde duwen ahmw sohte pahn ale doken nta ma emergency wiawi oh ke sohte kak koasoi. (Tehk Lepin Padahk 22:3) Ehu ehu sounpahr, e konehng kitail en audehda doaropwe kapw ieu pwehn kasalehda me ahmw madamadau duwehte pahr teio, pwehki ekei toahkte kan oh ekei aramas kan kin nda me aramas kak kawukila arail madamadau kan oh pahr wet ahn aramas madamadau kakete en wukisang pahr teio. Ihme kahrehda, e kesempwal en wiahda doaropwe kapw pahr koaros. Mwurin mihding, koaros sounkalohk pepdaislahr pahn kak ale neirail doaropwe kapw oh irail me naineki seri kan me saikinte pepdais pahn kak ale doaropwe kapw ong neirail seri kan. Kawehwe me irail me ale neirail doaropwe kapw pahn audehda ahpw SOHTE PAHN sign doaropwe kan. Ni bookstudy en wihk mwurio, brother me kin wia bookstudy pahn sewese tohn book study en sign, sounkadehde riemen en pil sign oh ntingihdi rahno me irail koaros sign. Brothero pahn tehk me koaros nan book study ale neirail doaropwe oh ma irail anahne sawas en audehda oh sign doaropweo. Irail sounkadehde riemen anahne en kilang doaropweo ahnsou me sounkalohko sign. Ma emen sohte iang towehda mihding ahnsouo, elder kan oh irail me kin wia bookstudy pahn kihong irail neirail doaropwe kapw oh ni ahnsou me Service Mihding en wihk mwurio wiawi, irail pahn audehde oh sign neirail doaropwe kapw kan. (Kousapahlih kisin likou en October 15, 1991.) Irail sounkalohk kan me saikinte pepdais kak en wiahda pein neirail doaropwe kan (ong pein irail oh neirail seri kan), ni pein arail lokaia oh pwehn kasalehda pein arail irair kan, irail en ntingihdi mour en doaropwe me irail sounkalohk pepdaislahr kan koledi. Tehk Kohpwahn Peidek sang December 1995 Atail Doadoahk Ong Wehio. Kawehwehda duwen doaropwe adaneki “health-care power of attorney (proxy) form” me Society kin kihda oh kawehwe me doadoahk ni palien wini oh palien kosonned (lawyer kan) kin pohnese doaropwe wet ma e audehda pwung oh doaropwe wet kak utungada atail madamadau me kitail sohte pahn ale doken nta oh ire teikan me pid atail apwalih roson en paliwar oh ansoun mehla. Sounkalohk pepdaislahr kan kak ale neirail doaropweo sang secretary en mwomwohdiso. (Sohte duwehte doaropwe kan me kitail kin ale sounpahr koaros, emen pahn audehda doaropwe [health-care power of attorney (proxy) form] kapw ehu ahnsou me e me kawukila ehu wasa nan doaropweo.) Kitail en kanaieng oh wia soahng pwukat ni keneinei pwe kitail en kaperenda mongiong en Siohwa.—Lepin Padahk 16:20.
15 min: “Anehki Koahiek oh Kaunopada Mwahu Pwehn Padahk ong Mehteikan.” (Parakrap 1-6) Koasoi ni mwotomwot parakrap 1-2, oh kasalehda anahnepen atail koapwoaroapwoarki me Siohwa pahn sewese kitail en koahiekla ni atail kin padahk ong mehteikan. Koasoanehdi pahmen pwehn wia kamwomwada kan (riemen pahn wia kamwomwada parakrap 3 oh 4, oh riemen pahn wia kamwomwada parakrap 5 oh 6). Katamankin sounkalohk kan me ahnsou me kitail pahn kihla pwuhk kan, e konehng en pil ndaiong tohnihmwo duwen koasoandi en sawas oh me irail men sawas kitail pahn perenki ale.
Koul 14 oh kapakap.
Wihk me Tepida February 10
Koul 16
15 min: Pakair en sahpwet. Ripoht en mwohni. Kasalehda ire kaselel kan sang nan makasihn kapw kan. Koasoi duwen iaduwen kitail pahn kak tepida koasoi ahnsou me kitail kin kalohk ahnsou soh lipilipil. Luhke tohnmwomwohdiso kan en koasoi duwen tepin koasoi pein irail kin doadoahngki ahnsou me irail kin kalohk ni sidohwa kan, kalohk nanial, nan wasahn mwemweit, nan taxi oh bus kan, oh kalohk wasa teikan.
15 min: “Anehki Koahiek oh Kaunopada Mwahu Pwehn Padahk ong Mehteikan.” (Parakrap 7-9) Koasoi duwen eksperiens en pwurala rehn aramas nan pwuhken pahr, 1995 Yearbook, pali 45, me kin kaselehda kesempwalpen pwurala rehn aramas me kin perenki rong. Koasoanehdi sounkalohk koahiek men en wia kamwomwada sang parakrap 7-8. Mendahki nin tepio kitail kin kihong irail makasihn de brochure kan, kitail en nantiong tepida onop Paipel rehrail. Kangoange koaros en koasoanehdi wihk me pahn wad en pwurala rehn aramas akan.
15 min: Anahn en sahpwet. De “Always Throw Your Burden on Jehovah.” Padahk ehu me pahn kihda mehn kangoang oh poasoanehda pohn Watchtower (lokaian wai) April 1, 1996, pali 27-29.
Koul 15 oh kapakap.
Wihk me Tepida February 17
Koul 21
10 min: Pakair en sahpwet.
15 min: “Soangsoangen Aramas Pahn Kak Ale Komour.” Peidek oh pasepeng kan. Luhke tohnmwomwohdiso en koasoi duwen arail eksperiens en koasoiong aramas sohte lipilipil oh arail perenki rong padahk mehlel.
20 min: Wia Mehn Kadehde Mwahu Ki Atail Tiahk Mwahu. Emen elder pahn koasoiong riemen de silimen pwulopwul kan. Koasoipene pahn poasoanda pohn Watchtower (lokaian wai) August 15, 1987, pali 10-20. Koasoi duwen eksperiens kan me kohsang pwuhk kan me Society wiawihda oh eksperiens kan en sahpwet me kin kasalehda uwen mehn liki kan mwekidada arail kilang tiahk mwahu en irail Kristian pwulopwul kan.
Koul 23 oh kapakap.
Wihk me Tepida February 24
Koul 20
5 min: Pakair en sahpwet.
10 min: Secretary en mwomwohdiso pahn wia kousapahl en Kohpwahn Peidek.
15 min: “Kitail en ‘Kalohki Mahseno.’” Peidek oh Pasepeng kan. Koasoi duwen dahme kahrehda kitail anahne kesempwaliki Mahsen en Koht.—Kilang March 22, 1984, Awake!, pali 9-11.
15 min: Koasoi duwen dahme kitail pahn kihla nan March. Kasalehda ire kaselel kan sang nan brochure kapwo, Dahme Koht Kupwurki Kitail en Wia?, duwehte: (1) Daidel en iren mehn kasukuhl kan me kin kamwekidada aramas akan en men ese duwen ireo, (2) kilel color kan, oh (3) peidek kan me kin kamwekidada aramas en medemedewe. Pwehki dahme kitail ahpwtehn sukuhliki nan artikel “Kitail en ‘Kalohki Mahseno’ ” kangoange sounkalohk kan en pilada ehu iren Paipel pwehn doadoahngki. Koasoanehdi kamwomwada ehu de riau oh sounkalohko pahn anahne tamanda en koasoiong tohnihmwo duwen koasoandi en sawas. Katamankin koaros me pahn iang kalohk en ale brochure kapw kan ong kalohk.
Koul 26 oh kapakap.