Kohpwahn Peidek
◼ Dahme pahn konehng en wiawi ma kahpwal laud (rerrer en sahpw de melimel de soahng pwukat) pahn wiawi me pahn pid riatail brother oh sister kan?
Ma Kahpwal Laud Pahn Wiawi Nan Pein Sapwatail: Ke dehr salohda. Nantiong en meleilei oh medemedewe soahng kesempwal kan—mour, kaidehn dipwisou kan. Apwalih anahn kesempwal kan en ahmw peneinei. Mwuhr, kehsehki elder kan duwen ahmw irair kan oh iawasa kumwail mihmi ie. Elder kan oh ministerial servant kan pahn kak wia sawas laud. Ma pakair kan pahn kohda mwohn melimel de rerrer en sahpw de soahng pwukat pahn wiawi, brother pwukat pahn tehk me koaros sohte mihmi wasa me keper oh ma mie ahnsou, irail pahn wahla anahn akan rehrail.
Mwurin kahpwal laud wiawi, irail me kin wia pwuhk study kan (book study conductors) pahn kohla rehn peneinei koaros oh tehk ia iren irail. Irail pahn uhd kehsehkin presiding overseer de pil emen elder duwen irair en peneinei koaros, mendahki soahng koaros mwahu rehrail. Ma emen ohla, elder kan pahn song en koasoanehdi sawas ong ih. Irail pil pahn koasoanehdi anahn kan duwehte mwenge, likou, ihmw de soahng kan nan ihmw. (Sohn 13:35; Kalesia 6:10) Elder kan pahn kihda sawas ong tohnmwomwohdiso ni pali ngehn oh ni pali pehm oh pahn koasoanehdi mwadang mihding en mwomwohdiso. Mwurin elder kan tehk duwen soahng koaros, emen elder pahn wiliandi koaros elder kan oh kehsehki sounapwalih en circuit duwen soahng koaros, iangahki ma mie ekei me ohla, ma Kingdom Hall ohla, ma imwen brother oh sister kan ohla oh ma mie anahn kan. Sounapwalih en circuit pahn uhd kehsehki rahn ohpis oh ripohtki soahng koaros. Rahn ohpis pahn koasoanehdi ma mie anahn kan me brother oh sister likin wasao kak kaitarala.
Ma Kahpwal Laud Pahn Wiawi Likin Pein Sapwatail: Tamataman brother oh sister nan atail kapakap kan. (Seims 5:16b) Ma ke men sawas ni palien mwohni, ke kak kadarala ahmw sawas ong Society pwe mie arail koakon ong soahng wet. Address en Society iei: Watchtower, 25 Columbia Heights, Brooklyn, New York 11201-2483. (Wiewia 2:44, 45; 1 Kor. 16:1-3; 2 Kor. 9:5-7; kilang December 1, 1985 Watchtower, pali 20-22.) Menlau dehr kadarala dipwisou kan ong wasao me ohla laud ma irail (brother kan me apwalih soahng pwukat) sohte pakairki en kadarala soahng pwukat. Met pahn kahrehda soahng koaros pahn soandi mwahu ahnsou ma irail pahn pakairki anahn en soahng pwukat. (1 Kor. 14:40) Menlau dehr call Society ma sohte ahmw anahn kesempwal, pwe ma ke call, mwein mehteikan sang wasahn ohla song ahpw sohte kak call pwehki ahmw call.
Mwurin Society kasawiada soahng koaros, irail pahn koasoanehdi ma pahn mie koasoandi en kadarala mwohni oh mwenge oh dipwisou kan ong wasahn ohla de soh. Irail pahn kehsehki brother kan me pahn apwalih soahng pwukat. Koaros pahn sewese elder kan me koasoanehdi oh apwalih soahng pwukat.—Kilang pwuhken Jehovah’s Witnesses—Proclaimers of God’s Kingdom, pali 310-315.