Kataman—Ahnsou Ehu Me Inenen Kesempwal!
1 Rahn Sarawi, March 23, mwurin kihrlahn ketipin, kitail pahn kasarawi Katamanpen Kamatalahn Krais. (Luk 22:19) Ahnsouo inenen kesempwal! Ni en Sises lelepak ong Siohwa lao lel mehla, Sises kasalehda me aramas kakete lelepek ong Siohwa mendahki kasongosong laud, oh ih duwen irail kak utungada sapwellimen Siohwa kaunda. (Ipru 5:8) Oh pil, matalahn Krais wia meirong en aramas unsek me anahn ehu en tomwkihda dipen aramas koaros, me kin mweidong irail me pwosonla ih en kak ale mour soutuk! (Sohn 3:16) Ni atail kin iang towehda Katamano, kitail kin kasalehda atail kalangan sang mongiongatail ong sapwellimen Siohwa limpoak oh meirong en Sises ong kitail.
2 Kangoang kohwong koaros en wia arail wadek iren Paipel kan me kileledi ni 1997 Calendar of Jehovah’s Witnesses ni March 18-23. Oh pil, e pahn mwahu ma ahmw peneinei pahn wadek irelaud 112-116 sang pwuhken The Greatest Man Who Ever Lived pwehn sewese kitail koaros en medemedewe laud duwen wihk me keieu kesempwal nan poadoapoad en aramas.
3 Ke kak kalaudehla ahmw ahnsou en kalohk mwohn Kataman pahn wiawi? Sounkalohk tohto kin kalaudehla arail ahnsou ong kalohk oh isaneki ahnsou mwahu nan March en iang doadoahk en auxiliary pioneer pwehki mie Rahn Kaunop me limau oh Rahn Sarawi me limau. Dahme ke soh iang irail? Kitail koaros kak wia uwen me kitail kak ni atail ngoangki luhke aramas en iang towehda Katamano. Pwehki Katamano pahn wiawi Rahn Sarawi, e pahn mengei ong tohto en iang towehda. Luhke koaros me ke kin onop Paipel rehrail oh aramas teikan me kin men rong en iang towehda. Kasalehiong irail dahme pwuhken Knowledge, pali 127, parakrap 18 kin koasoia duwen mehnia rahn me keieu kesempwal nan sounpahr koaros oh kesempwalpen kasarawi rahno.
4 Kitail pahn kilangwong wiewia keieu kesempwal nan 1997 ki atail kalangan laud ong matalahn Sises. Iang towehda ni soutik en March 23, ahnsou me Kristian mehlel kan nan sampah pwon pahn kasarawi Katamanpen Kamatalahn Krais.