Service Mihding Kan Ong July
Wihk me Tepida June 30
Koul 181
8 min: Pakair en sahpwet. Pakair kan sang Atail Doadoahk Ong Wehio. Koasoia ripoht en kalohk ong April.
15 min: “Wia Uwen Me Ke Kakong.” Peidek oh pasepeng kan.—Pil kilang Watchtower en April 15, 1993 (lokaian wai) pali 28-30.
22 min: “Loalokong Sang Koht kin Sapengla Peidek Tohto.” Emen elder pahn koasoia artikel wet rehn sounkalohk riemen de silimen, iangahki emen sounkalohk pwulopwul. Koasoia parakrap 1, oh kasalehda dahme kahrehda pwuhken Mour Kohkohlahte kak uhdahn sewese kitail en sapengla peidek me aramas akan kihda. Wia kamwomwada en emen ni eh wia eh padahk ong tohnihmw, oh kihda mehn sawas mwurin kamwomwadao.
Koul 200 oh kapakap.
Wihk me Tepida July 7
Koul 189
10 min: Pakair en sahpwet. Ripoht en mwohni.
15 min: Mehn Kataman kan ong Ansoun Summer. Wia padahk oh mweidong tohnmwomwohdiso en kihda arail madamadau kan. Pali moron en kitail kin kaunopada en wia mehkot tohrohr ansoun summer, duwehte mwemweitseli, mwemweitla rehn peneinei, de wia mehn kamweit. Iaduwen kitail kak koasoanehdi mwahu dahme kitail wia pwehn dehr pohnsowehla soahng ngehnin kan? Koasoia ire pwukat: (1) Kaukaule iang mihding kan, mehndahki ma ke mihmi nan pein ahmw wasa de ke seikokla ehu wasa tohrohr. (2) Kaukaule iang kalohk, oh ma ke mihmi ehu wasa likin pein ahmw wasa ni imwin sounpwong, kadarala ahmw awa kan en kalohk ong mwomwohdiso. (3) Wahda tract kan, makasihn kan, brochure kan, oh pwuhk kan pwehn kak kalohk ong aramas sohte lipilipil wasa ke mih ie ahnsou me ke seilok. (4) Nsenohki iang kalohk en ni soutik. (5) Iang doadoahk en auxiliary pioneer sounpwong ehu de riau nan summer. (6) Elder kan anahne koasoanehdi mwahu soahng koaros oh koasoanehdi ihs me pahn wiliandi irail me mie arail pwais ahpw seilok.
20 min: Padahki Mehteikan—Anahn Karuwaru Ehu. Emen elder pahn wia padahk wet. Kousapahlih ripoht en kalohk sampah pwon en 1996 nan pwuhk en pahr (Yearbook) en 1997 ni pali 33. Atail nannanti en kalohk ong aramas sohte lipilipil wasa kan me kitail kak irail kin inenen pweida mwahu. Ni ahnsouwet, dahme kitail anahne wia iei en pwurehng pwurala rehn aramas pwukat oh padahkiong aramas pwukat padahk mehlel. Ni ahnsou me kitail kin tuhwong aramas me sohte mihmi nan imwarail, kitail kak, ni kadek, idek rehrail ederail kan oh iawasa irail kin mihmi ie pwehn kak pwurehng pwurala rehrail. Kitail anahne, kaidehn ihte kamwarak werentuhke en Wehio, ahpw kitail en pil kalamwurehki pihl. (1 Kor. 3:6-8) Ma werentuhkehn Wehio pahn kamwarak nan pwehlmwahu, padahk mwahu pahn sewese aramaso en uhdahn wehwehki padahk mehlel. (Madiu 13:23) Kitail anahne wia uwen me kitail kak en iang kalohk ahnsou koaros oh nantiong koahiekla ni atail kin padahk aramas teikan. (Ipru 5:12a) Koasoia ire kan sang nan pwuhken Theocratic Ministry School Guidebook, iren onop 10 (pali 49) oh iren onop 15 (pali 73); oh pahnangin oaralap “Teacher, Teaching” nan pwuhken Insight, Volume 2. Kasalehda kesempwalpen tepida onop en Paipel rehn aramas akan ni ahmw doadoahngki brochureo Kupwurki de pwuhken Mour Kohkohlahte.
Koul 204 oh kapakap.
Wihk me Tepida July 14
Koul 192
10 min: Pakair en sahpwet. Koasoia ire kesempwal kan nan makisihn kapw kan.
15 min: Anahn en sahpwet.
20 min: En Wehwehki Ma Ahmw Pelien Lamalam Mehlel de Likamw. Emen elder pahn koasoiong sounkalohk koahiek riemen de silimen, oh eh padahk pahn poahsoanda pohn Awake! en December 22, 1989, pali 18. Kitail kin pwurehng pwurala rehn aramas akan me kin perenki rong. Ahpw, ekei saikinte mweidong kitail en onop Paipel rehrail. Koasoia iaduwen kitail kak doadoahngki ire kan me pwarada nan artikel en Awake! wet pwehn sewese aramas en wehwehki pein arail anahn en mwekidki loalokong pwung. Koasoia ire kesempwal kan nan pwuhken Mour Kohkohlahte, irelaud 3: “Uhdahn Mie Katapan Ahmw Pelien Lamalam.” Wadek parakrap 11. Ke kak pwurehng pwurala rehn aramas akan pwehn kangoange irail, ni ahl kadek, en onop Paipel oh iang mihding kan.
Koul 201 oh kapakap.
Wihk me Tepida July 21
Koul 193
10 min: Pakair en sahpwet.
15 min: Dahme Irail Kin Nda Duwen Kitail? Padahk wet poahsoanda pohn ire kan nan pwuhken Watch Tower Publications Index 1986-1995, pali 341 lel 343. Pilada ekei “Statements by Others” (“Dahme Aramas Teikan Kin Nda”) duwen Sounkadehde kan en Siohwa—atail tiahk oh atail doadoahk. Kasalehda iaduwen aramas teikan kin wadekihla dahme re kilang rehtail. Kawehwe iaduwen met pahn sewese kitail en kasalehda tiahk mwahu ahnsou koaros oh nannanti en wia atail doadoahk. Koasoia iaduwen kitail kak doadoahngki dahme aramas teikan kin nda kin kitail ni ahnsou me kitail kin koasoiong aramas me kitail kin ese oh aramas me kin men ese duwen Sounkadehde kan en Siohwa.
20 min: “Pahpa oh Nohno kan—Sewese Noumw Seri kan en Koahiekla Ni Arail Kin Iang Doadoahk en Kalohk.” Peidek oh pasepeng kan. Koasoia ire kan me mihmi nan pwuhken Our Ministry, pali 99-100, pahnangin sawaspen oaralap “Helping Young People.”
Koul 211 oh kapakap.
Wihk me Tepida July 28
Koul 197
10 min: Pakair en sahpwet. Katamankin sounkalohk koaros en kapidelong neirail ripoht ni imwin sounpwong en July.
20 min: “Kumwail me Pwulopwul kan—Ia Amwail Mehn Akadei Ngehnin kan? Pahpa riemen koasoipene artikel wet. Ira koasoipene dahme kahrehda e kesempwal en sewese neira seri kan en wiahda mehn akadei ngehnin kan, me pahn wahdo kapai kan, oh mwahu sang wiahda mehn akadei en sampah kan duwehte kepwehpwehla.—Pil kilang pwuhken Our Ministry, pali 116 lel 118.
15 min: Kaunopada ong dahme kitail pahn kihla nan August. Pilada soangen brochure ehu de riau me aramas nan pein ahmw wasahn kalohk kin perenki wadek, oh kousapahlih ire kesempwal kan sang brochure kan me ke pilada. Koasoia iaduwen tohnmwomwohdiso kak doadoahngki ire pwukat en wia arail padahk. Katamankin koaros en koasoia koasoandi en sawas oh ntingihdi noumw rekord en aramaso me ke tuhwong oh en pwurehng pwurala rehn aramaso oh nantiong en tepida onop en Paipel reh.
Koul 109 oh kapakap.