Ke Kak Auxiliary Pioneer?
1 Doadoahk en Auxiliary Pioneer iei doadoahk ehu me pali laud en sounkalohk kan me pepdaisehr kak iang. Pwuhken Organized to Accomplish Our Ministry, pali 114, koasoia: “Sohte lipilipil soangen irair dah ke mihmi loale, ma ke pepdaisehr oh ke kin tiahk mwahu ahnsou koaros oh kak wiahda awa 60 nan kalohk nan sounpwong ehu de tohtosang ni ahmw iang doadoahk en auxiliary pioneer, elder en mwomwohdiso kan pahn perenki koasoipene ma irail pahn pwungkipene ken iang doadoahk en auxiliary pioneer.”
2 Ke kak iang doadoahk en auxiliary pioneer nan sounpwong en October oh November? Kitail pahn kihla Kingdom News No. 35 oh pahn mie anahn laud pwehn kalohkong aramas koaros oh wahla rehrail doaropwe wet. Sounkalohk kan me arail koasoandi nohn kedirepw mwein kak iang doadoahk en auxiliary pioneer nan November, pwe mie Rahn Kaunop limau oh Rahn Sarawi limau, oh met wehwehki me November iei ahnsou mwahu en iang doadoahk en auxiliary pioneer.
3 Ke dehpa mwadang medemedewe me ke sohte kak iang doadoahk en auxiliary pioneer. Nan sampah pwon, me mah kan oh me pwulopwul kan—ekei kehlail ni paliwar oh ekei sohte kehlail—irail koaros kin perenki iang doadoahk en auxiliary pioneer sounpwong ehu de tohtosang nan ehu ehu pahr. Ma ke pahn iang doadoahk wet, ke pahn anahne nannanti oh tohnmetei, ahpw kapai kan me ke pahn ale pahn kesempwal sang dahme ke kesehla.—Luk 13:24; 1 Kor. 9:16.
4 Pwehn lel awa 60, e pahn mwahu ma ke pahn wiahda oh idawehn koasoandi mwahu. Karasepen koasoandi kan me kitail kak wiahda ong auxiliary pioneer kin pwarada nan insert en Atail Doadoahk Ong Wehio, September 1997. Mehnia koasoandi me mwahu ong uhk? Pilada ehu pwehn koasoanehdi ahmw ahnsou.
5 Ma ke men auxiliary pioneer, e pahn mwahu en kapakap ong Siohwa pwehn seweseiuhk en wia pilipil mwahu. Oh pil, ke dehr pweiek en idek rehn mehteikan en iang uhk nan kalohk. Kumwail pahn sawaspene oh kumwail koaros pahn diarada peren mehlel ni amwail kin papah Siohwa ni amwail iang doadoahk en auxiliary pioneer.—Sohn 13:17.