Dahme I Pahn Nda?

Ni ahnsou me kitail tuhwong aramas nan kalohk me kin perenki rong, kitail kin men pwurehng pwurala rehrail pwehn kalaudehla dahme kitail kasukuhlikin irail. Ahpw, mwein ke sehse dahme ke pahn nda pwehn kahreong tohnihmw en men pwurehng rong ahmw padahk. Ke kak song met: Wia peidek ong irail me pahn kahreong irail en men rong, oh mwurin mwo, ke pahn pakalahng noumw pwuhken Reasoning pwehn kasalehda pasepeng sang Pwuhk Sarawi. E pahn mwahu ma ke pahn ntingihdi pohn doaropwe ehu peidek kan ireirekdi pwe ken kak pilada mehnia peidek me ke pahn doadoahngki ahnsou me ke pahn tuhwong emen. Peidek kan pah kin kasalehda iawasa nan pwuhken Reasoning kitail kak diarada pasepeng kan:

◼ Dahme kahrehda kitail mahla oh mehla? (98)

◼ Mie kahrepe mwahu kan me kin kasalehda me mie Koht? (145)

◼ Koht kin nsenohki dahme kin wiawiong aramas? (147)

◼ Aramas emen anahne kohdala nanleng pwehn uhdahn kak peren ni ansoun kohkohdo? (163)

◼ Dahme kahrehda e kesempwalki en ese oh doadoahngki mwaren Koht? (196)

◼ Dahme Wehin Koht pahn wia? (227)

◼ Ia kahrepen mouren aramas? (243)

◼ Dahme kahrehda pelien lamalam tohto miehki? (322)

◼ Iaduwen emen pahn ese ma pelien lamalam me e iang me mehlel? (328)

◼ Ia uwen manaman en Sehdan nan sampah en rahnwet? (364)

◼ Dahme kahrehda Koht kin mweidong lokolok en wiawi? (393)

◼ Dahme kahrehda suwed kin lalaudkihla? (427)

Ke kak ntingihdi peidek pwukat nan noumw Paipel de pwuhken Reasoning pwe ken mwadang kilang oh kak doadoahngki ahnsou me ke anahne. Ma mie mehkot me ke kaunopada en nda e pahn sewese iuk en nantiong pwurehng pwurala rehn aramas.