Mehn Kataman kan me Pid Katamanpen Kamatalahn Krais
Kataman en pahret pahn wiawi Rahn Kaunop, April 11. Pwehn kaunopada mwahu, elder kan anahne tehk duwen soahng pwukat:
◼ Ahnsou me re koasoanehdi kulok depe me Kataman pahn wiawi, re anahne tamanda me pilawa oh wain sohte pahn kohpeseng mwohn kihrlahn ketipin.
◼ Koaros, iangahki elder me pahn wia padahk, anahne wehwehki kulok depe oh iawasa Kataman pahn wiawi.
◼ Koasoanehdi emen en kaunopada pilawa oh pwainda wain me konehng.—Kilang Watchtower (lokaiahn wai) en February 15, 1985 ni pali 19.
◼ Kaunopada dahl oh klas kan oh tehpel oh likoun pohn tehpel oh koasoanehdi emen en wahla soahng pwukat nan Kingdom Hall oh koasoanehdi mwohn Kataman pahn tepida.
◼ Koasoanehdi kamwakelehda Kingdom Hall de wasa kan me mwomwohdiso pahn doadoahngki pwehn mwakelekel mwohn rahno.
◼ Pilada mehnia brother kan pahn wia attendant kan oh pil ihs me pahn kihseli pilawa oh wain oh kaweid pahn kohwong irail pwe ren wehwehki dahme re pahn wia.