Sounapwalihn Mwomwohdiso kan me kin Tiengala Mwowe—Presiding Overseer
1 Pwehn papah nin duwen emen sounapwalihn mwomwohdiso kin wia pwukoah toutou ehu. (Wiewia 20:28; 1 Tim. 3:1) Met iei keieun artikel me pahn oaralapiehda soangsoangen pwukoah kan me Kristian elder kan ahneki pwe kitail koaros en kak kalahnganki doadoahk kesempwal me re kin wia pwehki kitail.
2 Society kin idiada Presiding Overseer en papah erein ahnsou ehu me re sohte kin kileledi ia uwen werei. Ni en Presiding Overseer kin koasoanehdi ire kan, met kin sewese elder kan en apwalih kanaieng arail pwukoah kan me kohieng irail. (Organized to Accomplish Our Ministry, pali 42) Dahme met kin oarepene?
3 Presiding Overseer kin alehdi nein mwomwohdiso kisinlikou kan oh mwadangete kihong Secretary en mwomwohdiso pwehn apwaliala. Ni ah kin kaunopadahng mihding en elder kan, Presiding Overseer kin alehda iren sawas kan sang rehn elder kan ong ire kan me re anahne koasoiapene oh eri kaunopada ire kan me re pahn koasoiapene. Ih me pahn pil moangehda mihding en elder kan. Ni ahnsou me koasoandi kan kin wiawihda, e kin tehk me re kapwaiada koasoandi pwukat. Ih me kin apwalih kaunopada Service Mihding oh koasoanehdi Kapahrek en Wehipokon (Public Talks). Ih me kin kamanahla pakair kan koaros me kin pakairkihong mwomwohdiso, oh pil kamanahla pweipwei koaros ong katanga mwomwohdiso, oh pil tehk me keseupen mwohni en mwomwohdiso kin wiawi mwurin sounpwong siluh koaros.
4 Nin duwen pwukoahn chairman, Presiding Overseer kin koasoanehdi doadoahk en Congregation Service Committee. Ni ahnsou me emen tohnsukuhl en Paipel peki en wiahla emen sounkalohk me saikinte papidais de ni ahnsou me emen sounkalohk me saikinte papidais men papidaisla, Presiding Overseer pahn koasoanehdi pwe elder kan en tuhwong ih. Presiding Overseer pil kin tiengala mwowe kaunopadahng mwemweit en Sounapwalih en Circuit pwe mwomwohdiso en kak paiekihda laud wihk tohrohr en mwemweit.
5 Pwukoahn Presiding Overseer me tohto oh wekwekpeseng. Nin doken e kin apwalih ah pwukoah kan oh kin “doadoahk laud,” kitail koaros kak wia atail pwukoah ni atail pahn miniminiong elder kan. (Rom 12:8) Ma kitail kin “peik” oh “uhpaiong” irail ko me kin tiengala mwowe nanpwungatail, re kak wiahda arail doadoahk ni peren mehlel.—Ipru 13:17.