Kitail Kak Wia Doadoahk kan me Lapasang
1 En Sises Krais doadoahk en kalohk kin sansalkihda doadoahk kan me deila sang mehkoaros. Ni manaman e kin kamwenge aramas kid kan, kamwahuwiala me tohto, oh kaiasada ekei me melahr akan. (Madiu 8:1-17; 14:14-21; Sohn 11:38-44) Sapwellime doadoahk kin karehong wehi ehu pwon en tehk duwen met. Ahpw, ni kaimwseklahn nipwong mwohn eh pwoula, e padahkihong sapwellime werek lelepek kan: “Mehmen me pwoson ie pahn wia doadoahk kan me I kin wia. Ei, e pahn wia me lapasang.” (Sohn 14:12) Iaduwen atail kak wia doadoahk kan me pahn “lapasang”?
2 Kalohk Nan Sahpw Tohto: Sises kin wia sapwellime doadoahk en kalohk nan Palestin te, ahpw kehkehlik kin kohwong sapwellime tohnpadahk kan en mahs en kalohk “lellahng ni irepen sampah,” daulihla wasa ko me pein Sises kin kalohk ie. (Wiewia 1:8) Doadoahk en kalohk me e tepiada kin ahnsouwet kipehdiehr nan sampah pwon, lellohngehr nan sahpw 232. (Madiu 24:14) Komw kin iang kalohk nan wasahn kalohk kan me kilelohng ahmw mwomwohdiso?
3 Kalohkohng Aramas Tohto: Ni ahnsou me Sises mwesel sang sampah, irail tohnpadahk malaulau keite me pousehla doadoahk en kalohko. Ahpw, pwehki arail kalohk idipek ni Pendekos 33 C.E., irail ko me alehda padahk mehlel oh papidaisla rahno mihmi ni uwen aramas silikid. (Wiewia 2:1-11, 37-41) Rikirikpenen irail ko me “pilipildahngehr mour soutuk” kin pousehlahte wiawi lau lel atail ahnsou, ni atail kin papidaisiala mpen aramas 1,000 nan rahn ehu. (Wiewia 13:48) Komw kin wia soahng koaros me komw kakohng pwehn kak kalohkohng aramas mohngiong mehlel kan wasa soh lipilip kan me re kak dierek ie oh kin pwurala rehn irail kan me men rong ni ahnsou mwadang?
4 Kalohk Ahnsou Reirei: En Sises kalohk nan sampah kin reireikihte sounpar siluh elep. Pali moron en kitail kin kalokalohkiehr ahnsou reirei sang met. Mendahki ia uwen werei me kitail pahn mweimweiong en pousehla wia doadoahk wet, kitail kin kalahnganki en sewese emen emen tohnpadahk kapw tepiada kekeid pohn ahl me kahlwalahng mour. (Madiu 7:14) Komw kin soupisengki doadoahk en Kauno nan sounpwong koaros?—1 Korint 15:58.
5 Kitail kak koapworopworki me ni en Sises kin utungada kitail, kitail pahn wiewiahte doadoahk me lapasang nin duwen sapwellime tohnpadahk mehlel kan.—Madiu 28:19, 20.