Service Mihding Kan Ong September
Wihk me Tepida August 31
Koul 216
10 min: Pakair kan en sahpwet. Pilada ekei pakair kan sang Atail Doadoahk Ong Wehio. Koasoia ripoht en kalohk en June.
15 min: “Kitail Pahn Wiahiong Ehu Sounpwong en Siklasang Koaros?” Peidek oh pasapeng kan. Kangoangehki koaros en iang kalohk erein sounpwong en September oh ehu ehu sounpwong kan en pahr en kalohk kapwo.
20 min: “Doadoahngki Brochure kan en Kamwekid Lamalam oh Mongiong.” Tohnmwomwohdiso iang pasapeng. Ni mwotomwot, kousapahlih brochure kan me wiawihda wereilahr pwehn kehsehki aramas kan duwen iren Pwuhk Sarawi kesempwal kan. (Kilang Watch Tower Publications Index 1986-1995, pali 652-3.) Kasalehda ire kesempwal kan nan brochure kapw kan, oh koasoia ihs me pahn perenki ale ehu ehu brochure pwukat. Kamwomweda padahk ehu de riau, oh koasoia duwen koasoandi en sawas.
Koul 191 oh kapakap.
Wihk me Tepida September 7
Koul 127
10 min: Pakair kan en sahpwet. Ripoht en mwohni. Koasoia mehn akadei en sounkalohk kan koaros me iang kalohk erein September.
15 min: “Me Pwulopwul kan—Isaneki Amwail Sukuhl.” Peidek oh pasapeng kan. Kapataiong ekei ire kan me konehng sang Awake! en April 8, 1992, pali 17-19, oh Watchtower (lokaiahn wai) en July 15, 1991, pali 23-6.
20 min: “Doadoahk en Pioneer—Ke Kak Iang?” (Parakrap 1-14) Service overseer pahn, ni mwotomwot, tepiada padahk wet ni e pahn kangoangehki koaros en medemedewe ni keneinei duwen doadoahk en regular pioneer. Ih eri koasoia peidek 1, iangahki ire kan sang 1998 Yearbook, pali 104-105, pahn sawaspen oaralap me koasoia “Enthusiastic Pioneer Spirit” (“Ngoang en Ngehnin Pioneer”). Tohnmwomwohdiso emen de riemen me iang doadoahk en pioneer pahn iang ih kohdahla pohn staig pwehn koasoia peidek 2. Re pahn kasalehong koaros lamalam pwung en iaduwen re kak apwaliala ara anahn en wahr nin duwen pioneer kan. Mwurin mwo, pahpa oh nohno riemen pahn pil kohdahla pohn staig pwehn koasoia peidek 3. Re pahn kasalehda kahrepe mwahu kan me pwulopwul kan anahnehki en medemedewe en wiahkihla arail doadoahk en pioneer. Kangoangehki koaros en iang towehda Service Mihding en wihk mwuri pwe luhwen peidek kan pahn kohda.
Koul 37 oh kapakap.
Wihk me Tepida September 14
Koul 163
10 min: Pakair kan en sahpwet. Luhke ekei en koasoiahda ni mwotomwot iaduwen ren alehdi eden aramas me re kalohk ong nanial, nan wasahn mwemweit kan, de wasa sohte lipilipil oh wasa me e kin kousoan ie pwe ren pwurehng pwurala rehn aramas pwukat.
15 min: Doadoahngki Mwahu Atail Doadoahk Ong Wehio. Tohnmwomwohdiso iang koasoi. Doadoahngki karasepe kan me ahpwtehn kohda, karasahda ire kan me konehng ahnsouwet me diarek nan Atail Doadoahk Ong Wehio oh kapai kan me kitail kihsang met: (1) artikel kan me kin kamwekid kitail en iang kalohk ahnsou koaros; (2) ekspiriens kan me kin kangoange kitail nan atail papah Koht; (3) iren sawas kan me kin sewese kitail en padahngki rongamwahuwo ni lipwalipw; (4) pakair en pwuhk kapw kan me wiawihda me pahn mwahu ong kalohk en sahpwet; (5) ripoht en kalohk, me kin kasalehda kekeiradahn doadoahk en Wehio; (6) Theocratic Nuhs, me kin ripohtki kekeiradahn doadoahk en Wehio nan sampah pwon; (7) pakair kan oh koasoandi kan me kin kehsehkin kitail dahme pahn wiawi erein sounpwongo; (8) Koakon en Peidek kan me kin sapengla ire toutou kan me kitail kin nsenohki; oh (9) insert kan me kin padahkihong kitail duwen kapokon kan, oh kalohk tohrohr kan, oh ire teikan me pahn kamwekid kitail en nsenohki atail anahn en pali ngehn. Kangoangehki koaros en wadek ehu ehu doaropwehn Atail Doadoahk Ong Wehio oh kapwaiada iren sawas kan loale oh wahdohng nan Service Mihding kan oh mihding en kalohk kan oh nekidala neitail doaropwe kan nan atail library pwe kitail en doadoahngki mwuhr.
20 min: “Doadoahk en Pioneer—Ke Kak Iang?” (Parakrap 15-25) Emen elder pahn wia padahk wet. Koasoanehdi mwowe pioneer kan oh irail me iang pioneer mahs en ehukihong koaros arail pepehm ni arail sapengla peidek 4 oh 5. Re kasalehda anahnepen ahneki ehu koasoandi mwahu oh kesempwalpen kapwaiada koasoandio oh karasepen koasoandi en kalohk kan me uhdahn pweida. Eldero kaimwsekihla ehu padahk kangoang me pahn sapengla peidek 6. Tepin pahr en kalohk nan September kin wia ahnsou mwahu ong pioneer kapw kan en tepida regular pioneer. Sohte lipilipil emen tohn Congregation Service Committee kak kihda kisinlikoun pekipek (application) en regular pioneer.
Koul 108 oh kapakap.
Wihk me Tepida September 21
Koul 213
10 min: Pakair kan en sahpwet. Pwehki imwin wihk ehute me luhluhwe nan September, kangoangehki koaros en iang kalohk mwohn sounpwongo imwisekla. Kousapahlih “Prokram en Kapokon en Circuit Kapw.”
20 min: Anahn en sahpwet.
15 min: Sewese Noumw Seri Kan En Kak Powehdi Kahpwal Kan Nan Sukuhl. Emen elder pahn koasoiong pahpa oh nohno riemen de silimen me naineki seri kan me iang sukuhl. Ni mwotomwot koasoia ekei kahpwal akan me kin kalap lelohng seri kan, duwen me sansalda nan Awake! en August 8, 1994, pali 5-7. Eri, doadoahngki pali 8-10 oh koasoia iaduwen pahpa oh nohno kan kak pere neirail seri kan oh kolokolte arail nanpwungmwahu rehn sounpadahk kan.
Koul 210 oh kapakap.
Wihk me Tepida September 28
Koul 65
10 min: Pakair kan en sahpwet. Katamankin koaros en kapidelong neirail ripoht en kalohk en September. Koasoia pwuhk kan me kitail pahn kihpeseng nan October. Ni mwotomwot, kamwomweda ehu padahk me kapwarehda peideko, “Dahme Kahrehda Kitail Anahne Doadoahngki Mwaren Koht?” Sapengla peidek wet ni atail doadoahngki pwuhken Mour Kohkohlahte, pali 43, parakrap 24.
15 min: “Sounapwalihn Mwomwohdiso kan me kin Tiengala Mwowe—Presiding Overseer.” Presiding Overseer pahn wia padahk wet. Mwurin ah kousapahlih ah pwukoah kan, e kasalehda ah kalahnganki en mwomwohdiso kin miniminiong elder kan ni ahr kin apwalih tohnmwomwohdiso.
20 min: Kapokon en District en “Sapwellimen Koht Elen Mour.” Brother koahiek riemen kousapahlih ire kesempwal kan en prokram en kapokono. Kasalehda kesempwal en mouren ire kan me emen kak pein kapwaiada oh kak doadoahngki nan kalohk. Pasapeng kan me tohnmwomwohdiso kihda anahne en mwotomwot oh koasoiahte mouren ireo.
Koul 24 oh kapakap.