Kakehlailla Selen Peneinei
1 Ni en sounpahr kan kin wie daudauli, pahpa oh nohno kan kin kilang neirail seri kan laudla oh kohkohsang nan imwarail. Pak tohto re kin men doadoahngki ahnsou laud en mih rehn neirail seri kan oh wiahpene soahng kan nin doken miehte arail ahnsou mwahu ong met. Ma noumw seri kan kin wie lalaudla, ele sounpwong wet pahn wia ahnsou mwahu ong kumwail en pilahnihda oh wiahpene soahng kan.
2 Eklesiasdes 3:1 (New World Translation) padahkiong kitail: “Mie ahnsou konehng en wia soahng koaros.” E mwahu en koasoia soahng pwukat ong ahmw peneinei oh wiahda koasoandi mwahu ong onop, ong kalohk oh ong doadoahk kan en nan ihmw.
3 Keieu tamataman kaweid en nan Deuderonomi 6:6-9 oh koasoanehdi ehu prokram en kasukuhl en Paipel kaukaule. Patohngete koasoiapene iren rahn ehu ehu rahn, koasoanehdi ehu ahnsou ehu ehu wihk ong amwail onop en peneinei. Pwehki ih ahnsou pwukat me pahn wahdohng ehu peneinei nsenamwahu, pahpa oh nohno kan anahne wia onop pwukat ni ahl kaperen ehu me seri kan kak iang koasoi de pasepeng.
4 Ahpw pwehki pahpa oh nohno kan anahne siaikihong sampah lamalam oh limpoak en neirail seri kan pwe sampah de kihsang, ihme e konehng pahpa kan oh nohno kan en koasoanehdi ahnsoun seiloak tohrohr kan de mwemweit kan ong arail peneinei. Sounpwong en kommoal en sukuhl kan kin wia ahnsou mwahu en kakehlailla selen minimin oh limpoak en peneinei.
5 Pahpa oh nohno kan kak kapatapene ahnsoun mwemweit oh kasukuhl ni arail pahn pilahnihda me arail peneinei en mwemweitlahng wasahn nekinek en kepwehn mahs kan de wasa teikan me seri kan kak sukuhlkihsang ie mehkot. Mweidohng sounpwong wet en wia sounpwong ehu me ahmw peneinei pahn tamatamante, ehu me re sohte pahn manokehla oh pahn wahdo kapai kan sang rehn Siohwa.