Sounapwalihn Mwomwohdiso kan me kin Tiengala Mwowe—Secretary
1 Secretary en mwomwohdiso kin wia doadoahk kesempwal ni e kin tehk pwehn “wiahda mehkoaros nin duwen me konehng oh koasoandi pwung.” (1 Kor. 14:40) Ih emen me kin iang kisehn pwihn en Congregation Service Committee, ihme e kin pwukoahki kisin likou kan en mwomwohdiso oh kin apwalih doaropwe kesempwal kan en mwomwohdiso. Mendahki kitail sohte kin kilang doadoahk me e kin wia, dahme e kin wia kin inenen kesempwal oh kitail anahne en kalahnganki.
2 Ni ahnsou me mwomwohdiso kin ale kisin likou sang Society de mehteikan, Secretary kin wadek, oh ma e anahne sapengla kisin likouo, e kin ntingihda ehu kisin likou oh kadarala. Ma mie kisin likou me kin kohdo ong pwihn en elder kan, e kin tehk pwe elder koaros pahn wadek oh mwurin mwo, e pahn nekidala kisin likouo. E kin tehk oaht en makasihn kan oh pwuhk kan oh kin kadaralahng Society. E kin tehk duwen irail me pwukoahki mwohni en mwomwohdiso oh subscription kan iangahki soahng kan me pid duwen kapokon.
3 Pwehki Secretary anahne kadaralahng Society ripoht en kalohk mwohn rahn weneu en sounpwong koaros, ihme kahrehda kitail anahne mwadang kapidelong neitail ripoht en kalohk ni imwin sounpwong koaros. E kin ntingihdi neitail ripoht pohn doaropwe kan me adaneki “Congregation Publisher Record.” Ma emen sounkalohk men kilang pein nah doaropwe, e kak idek rehn Secretary.
4 Ni ahnsou me sounkalohk men kin kosoudo nan mwomwohdiso de kosoula wasakis, Secretary kin idek rehn elder kan me mihmi nan mwomwohdiso teio de kin kadaralahng elder kan kisin likou me pahn kawehwe duwen sounkalohk menet oh iangahki nah Congregation Publisher Record.—Our Ministry, pali 104-5.
5 Secretary kin tehk duwen doadoahk en pioneer kan, oh ma mie kahpwal me kin pwarada rehn emen pioneer, e kin kehsehki elder teikan, keieu elder kan me wia Sounapwalih en Kalohk. Ma emen sounkalohk sohte iang kalohk nan ehu sounpwong, e kin kehsehki brother me wia Pwuhk Study en Mwomwohdiso nan wasao me sounkalohk menet kin iang. Ma emen sounkalohk sohte iang kalohk sounpwong weneu de wereisang sounpwong weneu, Secretary oh Sounapwalih en Kalohk kin sawaspene pwehn sewese sounkalohk menet.—Atail Doadoahk Ong Wehio en November 1987, pali 1 (lokaiahn wai).
6 Ma kitail kalahnganki doadoahk me Secretary kin wia, kitail kak wia uwen me kitail kak pwehn kamengeila ah doadoahk.—1 Kor. 4:2.