Service Mihding Kan Ong December
Wihk me Tepida November 30
Koul 38
10 min: Pakair kan en sahpwet. Koasoia duwen ripoht en kalohk nan August.
15 min: “Kitail Anahne ‘Ngoangki Pwoson Mahsen en Koht’!” Peidek oh pasepeng kan.
20 min: “I Men Tepiada Onop Paipel Rehn Emen!” Sounapwalih en Kalohk pahn wia peidek oh pasepeng kan oh tohnmwomwohdiso pahn iang koasoi. Kawehwe iaduwen elder kan en sahpwet pahn koasoanehdi en pwurehng pwurala rehn aramas akan me kin perenki rong. Ma kak, brother kan pahn koasoanehdi sounkalohk koahiek kan en iang sounkalohk kapw kan. Sounkalohk malaulau pahn iang sidohsa pwoat pwehn kak pwurehng pwurala rehn aramas tohto. Kousapahlih iren sawas kan nan insert en Atail Doadoahk Ong Wehio en June 1998, parakrap 12-15. Koasoanehdi emen sounkalohk koahiek en wia kamwomwada en iaduwen sounkalohk men kak tepiada onop Paipel rehn emen ahnsoun e pwurehng pwurala rehn tohnihmwo. Kangoange koaros en akadeiong tepiada onop Paipel rehn emen.
Koul 35 oh kapakap.
Wihk me Tepida December 7
Koul 187
13 min: Pakair kan en sahpwet. Ripoht en mwohni. Koakon en Peidek.
15 min: Anahn en sahpwet.
17 min: “Kakehlailla Emen Emen Ni Atail Wia Pasepeng kan nan Mihding kan.” Peidek oh pasepeng kan. Kawehwe iaduwen iang pasepeng kan kin sewese emen en kekeirada ni pali ngehn. (Kilang School Guidebook, study 38, parakrap 4.) Luhke ekei en koasoia iaduwen re powehdi pepehm me re sohte men iang pasepeng oh iaduwen re paiekihda iang pasepeng ni mihding kan.
Koul 51 oh kapakap.
Wihk me Tepida December 14
Koul 182
10 min: Pakair kan en sahpwet. Ekei pakair kan sang Atail Doadoahk Ong Wehio.
20 min: “Sounapwalih en Mwomwohdiso kan me kin Tiengala Mwowe—Sounapwalih en Theocratic Ministry School.” Sounapwalih en Theocratic Ministry School pahn wia padahk wet. Kousapahlih School Guidebook, pali 10-11, parakrap 6-12.
15 min: “En Koahiekla Ni Ahmw Kalohk.” Peidek oh pasepeng kan sang parakrap 1-6 en insert. Koasoia ire kan me pid pein sapwatail.
Koul 167 oh kapakap.
Wihk me Tepida December 21
Koul 89
8 min: Pakair kan en sahpwet. Koasoia koasoandi en kalohk ong December 25.
17 min: “En Koahiekla Ni Ahmw Kalohk.” Peidek oh pasepeng kan sang parakrap 7-15 en insert. Koasoia ire kan me pid pein sapwatail.
20 min: Iren Sawas kan Pwehn Kamwahuiala Ahmw Koasoandi en Wadawad en Paipel. Padahk wet poahsoanehda pohn Watchtower (lokaiahn wai) en May 1, 1995, pali 16-17. Koasoia kapai kan en pali ngehn me pahn kohsang atail koasoandi mwahu en wadawad en Paipel. Kousapahlih iren sawas kan oh koasoia iaduwen kitail kak doadoahngki iren sawas pwukat. Koasoanehdi sounkalohk riemen de silimen en koasoia iaduwen re paiekihda arail koasoandi en wadawad en Paipel kaukaule.
Koul 46 oh kapakap.
Wihk me Tepida December 28
Koul 64
15 min: Pakair kan en sahpwet. Katamankin sounkalohk koaros en kapidelong neirail ripoht en kalohk. Kangoange koaros me saikinte tepiada onop Paipel rehn emen nan December en nannanti pil nan January pwehki kitail pahn kihla pwuhken Mour Kohkohlahte iangahki New World Translation. Koasoanehdi sounkalohk koahiek en kamwomwada dahme kitail kak nda ma kitail pahn pwurehng pwurala rehn tohnihmw oh doadoahngki pwuhken Mour Kohkohlahte nan pali 47 pahnangin sawaspen oaralap me koasoia “Sohte Ehu Pwuhk Duwehte Paipel;” sounkalohk menet pahn pil kawehwe iaduwen pwuhken Mour Kohkohlahte pahn kak sewese tohnihmw en wehwehkihla Pwuhk Sarawi oh sounkalohk kak tepiada onop Paipel reh.
15 min: Doadoahngki Mwahu Neitail Calendar en 1999 en Sounkadehdehn Siohwa kan. Padahk ehu. Kousapahlih ire kesempwal kan en calendar: (1) kilel kaselel kan me kin kasalehda dahme wiawi mahs nan Paipel oh padahk en Paipel kan, (2) kileledi wadawad en Paipel ong Theocratic Ministry School, (3) kileledi wadawad en Paipel wihk ehu mwohn Kataman, (4) kileledi iahd Kousapahl en Nting pahn wiawi, oh (5) mehn kataman kan en kaukaule iang kalohk oh kihla makasihn kan. Koasoia iaduwen kitail kak koasoanehdi atail koasoandi en kalohk nan calendar oh ntingihdi atail awahn kalohk kan oh inou kan me kitail wiahda, oh kilelehdi iahd atail padahk kan pahn wiawi, oh kileledi iahd Sounapwalih en Circuit pahn mwemweitdo rehtail oh pil kileledi iahd kapokon kan pahn wiawi. Ma kitail pahn kihda calendar wasao me aramas tohto pahn kilang, mwein aramas pahn idek rehtail duwen calendar oh e pahn kihong kitail atail ahnsoun kalohk ong irail. Koasoia ekspiriens me ntingihdi nan pwuhken 1988 Yearbook, pali 8.
15 min: Paiekihda Brochure Kapw, What Happens to Us When We Die? Kousapahlih ire kesempwal kan. Brochure kapwo kin kasalehda iawasa padahk me soul sohte kak mehla tepida ie oh kin kasalehda iaduwen padahko wiahla padahk kesempwal ehu ong pelien lamalam tohto. Brochure pil kin kawehwe dahme Paipel koasoiahki soul, dahme kahrehda kitail kin mehla, oh irair en me mehlahr kan, oh ia koapwoaroapwoar ong me mehlahr kan, oh dahme kahrehda kitail anahne wehwehki duwen ire pwukat. Kitail koaros anahne wadek brochure kapw. Luhke sounkalohk kan en koasoia iaduwen re pahn doadoahngki brochure wet nan kalohk.
Koul 121 oh kapakap.