Kousapahl En Theocratic Ministry School
Kousapahl me pid padahk kan me kitail sukuhlikier nan Theocratic Ministry School erein wihk en September 7 lel December 21, 1998, oh kitail sohte pahn doadoahngki neitail pwuhk kan. Doadoahngki ehu doaropwe tohrohr pwehn kak ntingihdi pasepeng kan uwen me ke kak erein ahnsou me mweimweiong.
[Tehk kanaieng: Ahnsou me kousapahl pahn wiawi, kitail kak doadoahngkihte neitail Paipel. References me ntingdi mwurin peidek kan kak kadoadoahk ni pein atail ahnsou. Me pid reference en The Watchtower, pali oh parakrap kan sohte ntingdi ahnsou koaros.]
Komw pahn sapeng Pwung de Sapwung:
1. Nan 2 Timoty 1:6, “kisakis” me kohwong Timoty kin wehwehki koahiek en lokaiahki lokaia tohrohr me kohsang manaman en sapwellimen Koht ngehn sarawi. [Wadawad en Paipel erein wihko; kilang w85 5/1 p. 16 par. 15.]
2. Emen Kristian me mah ni pali ngehn ‘kin doadoahngki eh koahiek en esehla wekpeseng en me mwahu oh me suwed’ oh e kin koahiekla ni e pahn sukuhliki loalokong pwung sang Mahsen en Koht. (Ipru 5:14) [Wadawad en Paipel erein wihko; kilang w85 6/15 p. 9 par. 7.]
3. Mendahki Sounkadehdehn Siohwa kan alehier manaman sang register rehn koperment kan pwe ren pohnese irail nin duwen pelien lamalam ehu, menemen en wia kaudok mehlel sohte kin tepisang rehn irail koperment kan de aramas akan. [jv p. 696 par. 1]
4. Seims me ntingihdi pwuhken Seims nan Paipel iei ih Seimsohte me wia sounkair en “wahnpoaron kan oh me mah ko” ni ahnsou me re wiahda koasoandio me pid sirkumsais. (Wiewia 15:6, 13; Seims 1:1) [si p. 248 pars. 2-3]
5. Mendahki nan 1 Piter 5:13 e koasoia me Piter mihmi nan Papilon ahnsou me e ntingihdi keieun nah kisin likou, re pil diarada me Papilon pil kin wehwehki Rom. [si p. 251 par. 4]
6. “Imwintihtien Krais” nan 1 Sohn 2:18 kin wehwehkiong aramas emente. [Wadawad en Paipel erein wihko; kilang rs p. 32 par. 3.]
7. Nanpwung suwed nanpwungen Pohl oh Mark me ntingihdi nan Wiewia 15:36-41, sohte mwahula. [it-2 p. 320 par. 4]
8. Pwuhken Kaudiahl me kaimwsekla Pwuhk Sarawi pwehki wahnpoaron Sohn ntingihdi pwuhken Kaudiahl keieu mwuhr. [si p. 263 par. 1]
9. Kaudiahl 13:11-15 kin kasalehda me Anglo-America utungada League of Nations oh pil mwuhr, United Nations. [Wadawad en Paipel erein wihko; kilang w88 12/15 p. 19 par. 3.]
10. Kehkehlik en limpoakpene nanpwungatail, me ntingihdi nan Sohn 13:34 wia “kosonned kapw ehu” pwehki e kapw sang Kosonned en Moses. [jv p. 711 par. 3]
Wia ahmw pasepeng kan ong peidek pwukat:
11. Ia wehwehn wasao me ntingihdi me emen sounapwalih en mwomwohdiso sohte pahn “lemei”? (Taitus 1:7) [Wadawad en Paipel erein wihko; kilang w90 9/1 p. 27 par. 21.]
12. Iaduwen kitail kak wehwehki me Timoty sukuhliki Pwuhk Sarawi sang ah nohno kahlap Lois oh ah nohno Iunis? [it-2 p. 262 par. 9]
13. Ia wehwehn mahsen ko me Sises mahsanih, “Komw sohte ketin kupwurki meirong oh kisakis en mahn”? (Ipru 10:5) [Wadawad en Paipel erein wihko; kilang w96 7/1 p. 14 par. 3.]
14. Iaduwen Kristian kan kak ‘kalowehdi sampah’? (1 Sohn 5:3, 4) [si p. 258 par. 12]
15. Iaduwen kitail kak ‘kasikasik sapwellimen Koht rahno’ nin duwen dahme Piter mahsanih? (2 Piter 3:12) [Wadawad en Paipel erein wihko; kilang w97 9/1 p. 19 par. 2.]
16. Ia wehwehn en mwakelekel ni pali ngehn, oh iaduwen tiahk mwakelekel kak sewese pwehn pere atail peneinei? (2 Korint 7:1) [fy p. 46 par. 14]
17. Nin duwen dahme Kaudiahl 1:7 kasalehda, iaduwen irail me kemehla Sises pahn kilang ih “kohdo pohn depwek kan”? [Wadawad en Paipel erein wihko; kilang w93 5/1 p. 22 par. 7.]
18. Iaduwen Kristian kan kak ‘kasawihada pein irail oh mwasamwasahn’? (Luk 21:34, 36, NWT) [jv p. 714 par. 4]
19. Iaduwen irail me kisehn pwihn en Kristian mehlel kan kak wehwehkihla pwung Mahsen en Koht? [jv p. 708 par. 3]
20. Kosonned en Pwuhk Sarawi dah kei me pwihn en Kristian mehlel ehute pahn anahne kapwaiada? [jv p. 706 par. 3]
Ntingihdi lepin lokaia de lepin lokaia kan me konehng pwehn kak kaunsekehla koasoio pwon:
21. Ohl pwopwoud oh lih pwopwoud anahne _________________________ ong emen emen, oh anahne tamataman me _________________________ kesempwal sang pali liki. [fy p. 26 koakon en kousapahl]
22. Kisin likou en Pohl ong mehn Ipru kan kin kasalehda me ire kesempwal kan nan _________________________ wia kilel ehu sang Koht me pahn kasalehda mehkot laud kohkohdo oh _________________________ me pahn kapwaiada Kosonnedo. [si p. 247 par. 23]
23. Nan 2 Piter 1:5-8, wahnpoaron Piter kaweidki me _________________________ pahn sewese emen en kekeirada ni pali ngehn oh pahn sewese ih en dehr _________________________ de _________________________ . [si p. 255 par. 9]
24. Ni ahnsou me ohl pwopwoud kan oh lih pwopwoud kan pahn kapehsepene nanpwungara, _________________________ oh _________________________ kin inenen kesempwal. [fy p. 36 par. 21]
25. Mery, inen Sises, kohsang keinek en _________________________ oh e wia kadaudok en Depit; oh pwehki ih, Sises sapwellimaniki pwungen _________________________ pwehn kakaun oh mwondi pohn “mwoalen seme Depit” nin duwen nanmwarki men. (Luk 1:32) [it-2 p. 346 par. 4]
Pilada pasepeng pwung nan ehu ehu sentence kan:
26. Ahnsou me Pohl mihmi nan imweteng nan Rom, (Onesiporus; Onesimus; Onan) emen ladu me tangsang imwen (Pilip; Pestus; Pailimwon) oh iang rong Pohl ni eh kin kalohk ong aramas. [si p. 241 par. 2]
27. (Limpoak; Wahu; Kasamwo aramas) kin wehwehki “nsenohki aramas teikan, kesempwaliki irail.” [fy p. 30 par. 7]
28. Nan Luk 14:28, Sises kin koasoia duwen (ahnsou me kitail pilahn dahme kitail pahn wia ahnsou kohkohdo; en dehr doadoahngki mwahl neitail mwohni; en dehr pweipwand ong mehteikan). [fy p. 40 par. 4]
29. “Manaman” me ntingihdi nan Sud 8 kin wehwehki (pwukoah en Sises; manaman en Siohwa nin duwen Kaun en Lahng oh Sampah; manaman me kohsang Koht ong mwomwohdiso en Kristian). [si p. 263 par. 9]
30. Nan Kaudiahl 11:11, “rahn siluh elep,” ni ahnsou me luhwen me keidi kan mwomwen mehla mwohn mesen sapwellimen Siohwa imwintihti kan, kin wehwehki (sounpahr siluh elep; ahnsou mwotomwot; sounpwong siluh elep). [Wadawad en Paipel erein wihko; kilang re p. 167 par. 21.]
Pilada mehnia iren Paipel me pahn pahrekiong sentence kan: Lepin Padahk 8:30; Madiu 19:13-15; Ipru 2:1; Seims 4:15; 1 Piter 3:4
31. Ma kitail men uhwong padahk likamw akan me kin kohsang sampah, kitail anahne “tehk kanaieng” Mahsen en Koht ni atail pahn onop mwahu oh koasoanehdi mwahu atail ahnsou pwehn kaukaule wadek Pwuhk Sarawi. [Wadawad en Paipel; kilang w98 1/1 p. 7 par. 9.]
32. Ahnsou koaros me kitail kin koasoanehdi atail koasoandi kan, kitail anahne kapakap oh tehk mwahu ma dahme kitail pilahn kin kapwaiada kupwuren Koht. [Wadawad en Paipel erein wihko; kilang w97 11/15 p. 21 pars. 10-11.]
33. Ma emen Kristian lih pwopwoud oh nohno kin kasalehda irair en “meleilei oh opampap,” e kin kaperenda kaidehn ihte eh pwoud, ahpw keieu kesempwal, e kin kaperenda Koht. [Wadawad en Paipel erein wihko; kilang w89 5/15 p. 19 par. 12.]
34. Ma emen men wia pahpa mwahu, e pahn idawehn mehn kalemeng mwahu en Siohwa, oh wiahda nanpwung mwahu rehn nah seri kan sangete ahnsou me re ipwidi. [fy p. 54 par. 7]
35. Pwehki Sises sohte kin lipilipilki seri kan, kitail pil sohte men lemeleme me seri pwutak kan mwahu sang seri serepein kan. [fy p. 52 par. 4]