Doadoahngki Mwahu Pwuhk Mering kan
1 Aramas nekidalahr pwuhk mering rar kei nan library kan wasa koaros nan sampah. Ahpw, pwuhk pwukat kak wahdo kating poatopoat ong tohnsampah? (Ekl. 12:12) Me keieu katapan laud sang pwuhk pwukat iei pwuhk kan me kin kahluwa madamadau en aramas ong Wehin Koht oh dahme e pahn wia ong tohnsampah. Nan mwomwohdiso tohto, mie pwuhk tohto me mie pali 192, oh erein sounpwong en February kitail pahn kihong wehipokon pwuhk mering pwukat.
2 Audepahr Me Katapan: Nin doken ekei kitail ele pahn lemeleme me pwuhk pwukat meringlahr ni ahr pahn kapahrekiong neitail pwuhk kapw kan, kitail anahne en tamataman me re audaudki padahk mehlel en Pwuhk Sarawi. Rongen Wehio me re kin kawehwehda kin katapante rahnwet oh ma aramas pahn kapwaiada, kak komourirailla. (Sohn 17:3) Ihme kahrehda, kitail anahne nantiong laud sang mahso en doadoahngki mwahu pwuhk mering pwukat.
3 Sansalpen katapan en pwuhk pwukat kin kohsang mehkot me wiawihong emen lih me sohsohkihsang ah nohno kahlap pwuhk en Watch Tower mering tohto. Emen Sounkadehde kalelepek rehn liho ma e ese duwen katapan en pwuhk ko. Liho sapengki: “I sehse ia uwe ahr katapan, ahpw iaduwen I pahn kak diarada duwen met?” Liho pwungkihda en onop Paipel, oh eri iangala padahk mehlel, oh mwuri kesempwalkihla nein ah nohno kahlapo library en pwuhk mering pwukat. Ia uwen pwuhk pwukat wiahla sohso kesempwal ehu!
4 Kihong Aramas Koaros Pwuhk Pwukat: Patohngete kihla pwuhk mering pwukat ong aramas kan me kitail kin kalohkong sang ihmw lel ihmw, kitail en pil kihong irail ko me kitail kin pwurehng pwurala rehrail me kitail ese me re kin perenki wadek neitail pwuhk kan, iangahki irail ko me kin subscribe The Watchtower oh Awake! oh irail ko me kitail kin wahla rehrail makasihn kapw kan nan sounpwong koaros. Ong irail ko me kitail kin wia onop en Paipel rehrail, re kak wadek pwuhk mering pwukat me kitail pilada me pahn mwahuong irail me kak kehsehkin irail mouren oaralap ehu me re sukusukuhliki pwehn kalaudehla arail wehwehkihla padahk mehlel. Dehr manokehla en ale ekei noumw pwuhk mering pwukat ma sohte nan pein noumw library. Ni ahl wet, ke pahn nainkihpene ehu library katapan me audaudki ire sarawi kan, me ke kak doadoahngki pwehn wiahiong pein omw onop en mie katepe.
5 Dehr nekinekidte pwuhk mering pwukat, ahpw kitail en doadoahngki mwahu pwuhk pwukat pwehn kamwekid aramas kan me kitail tuhwong en “lemmwiki Koht mehlel, oh kapwaiada sapwellime mahsen.”—Ekl. 12:13, New World Translation.