Pakair Kan

◼ Pwuhk en kihla nan February: Pwuhk soh lipilipil me mie pali 192 me mihmi nan Kingdom Hall. March: Wiaiong Mour En Ahmw Peneinei Nsenamwahu. April: Ke Kak Mour Kohkohlahte Nan Paradais Nin Sampah. Kitail koaros pahn nantiong tepiada onop Paipel rehn aramas kan. May: The Watchtower oh Awake! Kihong aramas kan me perenki rong brochureo Kupwurki, oh nantiong tepiada onop en Paipel rehrail.

◼ Sounkalohk papidais koaros me iang towehda Service Mihding wihk en February 1 pahn ale neirail doarepwehn Advance Medical Directive/Release oh Identity Card ong neirail seri kan.

◼ Rahn ohpis en Guam wiahdahr pwuhk en koul me audaudki koul kapw 100 ni lokaiahn Mwahsel oh Ruk, oh pwuhk pwukat kakehr oaht. Re pil pilipilahn en wiahda pwuhk en koul kapw ong ni lokaiahn Micronesia teikan.

◼ Tepiada nan February, oh sohte pwand sang March 1, kapahrek en wehipokon me Sounapwalih en Circuit kan pahn wia iei “Ia Uwen Mehlel en Koht ong Komwi?”

◼ Mwomwohdiso kan anahne en koasoanehdi koasoandi kan en kasarawi Katamano nan pahret Ni Epeng, April 1, mwurin ketipino kihrla. Mendahki kapahreko pahn tepiada mwadang sang met, passeli en pilawa oh wain sohte pahn wiawi lao ketipino kihrla. Tehk rehn aramas me kin pwukoahki ripohtki irair en mesenlahng pwehn wehwehki kuloak depe ketipino pahn kihrla. E konehng me ehuehu mwomwohdiso en pein wia arail Kataman. Ma mwomwohdiso tohtohsang ehu pahn doadoahngki Kingdom Hall ehute ong arail Kataman, e mwahu en mweidohng ehuehu mwomwohdiso en tepida arail Kataman mwurin minit 40 mwurin ehu mwomwohdiso kin nek pwehn mie ahnsoun kasamwo irail kan me lukedo, oh kangoange me perenki rong kan, oh en paiekihda laud ahnsouwo. Mwomwohdiso kan pil anahne tehk tangatang oh peidi en sidohsa kan, iangahki arail kin wahdo oh kapwurehla irail kan me kin iang wararail sidohsa. Pwihn en elder kan pahn anahne en koasoanehdi dahme pahn keieu doadoahk mwahu nan sapwerail.

◼ Kapahrek tohrohr ong wehipokon mwohn Kataman en 1999 pahn wiawi Rahn Sarawi, April 18. Oarelap en kapahreko iei “Kompoakepah Mehlel en Koht oh Mehn Mpetail kan.” Society pahn kihong elder kan audepen padahk wet. Mwomwohdiso ko me Sounapwali en Circuit pahn mwemweitla rehrail, de kapokon en circuit pahn wiawi, de pahn wia ehu kapokon tohror ni imwin wihko pahn uhd kosoula kapahrek tohrohro ni wihk en mwuri. Mwomwohdiso koaros sohte pahn koasoanehdi kapahrek tohrohr en wiawi mwohn April 18, 1999.