Service Mihding Kan Ong February
Wihk me Tepida February 1
Koul 36
10 min: Pakair kan en sahpwet. Ekei pakair kan sang Atail Doadoahk Ong Wehio.
15 min: “Doadoahngki Mwahu Pwuhk Mering kan.” Peidek kan oh pasapeng kan. Kasalehda pwuhk mering kan me mihmi nan Kingdom Hall. Kasalehda ekei ire mwahu kan me re audaudki, oh kawehwehda iaduwen kitail kak kihong mehteikan. Kangoangehki koaros en kihla pwuhk pwukat ni ahnsoun kalohk oh ni ahnsou soh lipilipil kan me kitail kin kalohk erein sounpwong en February. Koasoanehdi ehu kamwomweda en ehu padahk me mwotomwot, oh mengei.
20 min: Wiahda Pilipil Me Pwungong Kosonned Ong Epwelpen Pali Roson Me Sohte Kin Doadoahngki Nta (Wie. 15:28, 29). Emen elder koahiek me pahn wia padahk wet, me poahsoanda pohn peidek kan oh pasapeng kan me iangete nein Society doarepwe me adaneki ni lokaiahn wai health-care durable power of attorney, de doarepwe me kin wilian met, oh doarepwe me oarelape kosoia ni lokaiahn wai “Information About the Society’s Health-Care Durable Power of Attorney (DPA) Forms,” me rahn me nting powe January 1997. Doarepwe me adaneki ni lokaiahn wai Advance Medical Directive/Release card (doarepwe me pid duwen atail sohte pahn ale doken nta): Mwurin mihding wet, Sounkadehde papidais kan pahn ale neirail doarepwe kapw kan, oh irail ko me naineki seri kan me saikinte papidais pahn ale ong emenemen nein neirail seri kan doarepwe me adaneki Identity Card. Re sohte pahn audehda doarepwe pwukat pwong en mihding wet. Re pahn audehda mwahu doarepwe pwukat ni ahnsou me re kohla imwarail ahpw re SOHTE pahn sain. Sainih doarepwe oh kadehde, oh ntingdi en rahn me doarepwe ko sainla pahn wiawi mwurin Onop en Pwuhk en Mwomwohdiso pahn kaweid en brothero me kin wia Onop en Pwuhk en Mwomwohdiso. Mwohn sainlahn doarepwe ko, anahne en tehk me re audauda unsek. Irail me wia sounkadehdehn sainlahn doarepweo pahn anahne uhdahn kilang me aramas me naineki doarepweo sainla doarepwe. Irail sounkalohk kan me saikinte papidais kak wiahda pein neirail doarepwe kan (ong pein irail oh neirail seri kan), ni arail pahn ntingihdi mouren lokaiahn doarepwe me sounkalohk papidais kan kin kolokol, pwehn kasalehda pein arail irair kan. Doarepwe me adaneki Durable power of attorney, de doarepwe me wilian met: Society me wiahda doarepwe wet oh e kin pid pelien rosonmwahu me kin kihda perepen pali en kosonned. Toahkte tohto kin pwungki doarepwe wet pwehki e kin audaudki iretik kan me anahn pwehn kak wini Sounkadehde soumwahu kan ni ahl me pwung. Sounkalohk kan me saikinte audehda doarepwe wet oh me men audehda kak ale neirail kopi sang rehn sekretari en mwomwohdiso. (Re sohte anahne audehda doarepwe kapw ehuehu sounpar.) Patongete met, ma doarepwe wet me adaneki durable power of attorney, de doarepwe me wilian, kin wiawihdahr, ke anahne ntingihdi pohn kilin doarepwe wet me adaneki Advance Medical Directive/Release, ni pein omw nting: “Pil mie nei doarepwehn health-care power of attorney.” Brother kan me kin wia Onop en Pwuhk en Mwomwohdiso anahne en tehk me irail kan koaros me iang arail pwihn en onop aleiehr sawas me re anahne pwehn audehda doarepwe pwukat Advance Medical Directive/Release card oh durable power of attorney, de doarepwe me kin wilian met. Pwehn pere pein kowe oh noumw seri kan ni pelien kosonned, ke anahne audehda doarepwe pwukat koaros.
Koul 61 oh kapakap.
Wihk me Tepida February 8
Koul 88
10 min: Pakair kan en sahpwet. Ripoht en mwohni.
20 min: “Atail Inou—En Ideidawehn Sapwellimen Siohwa Ahlo.” Padahk. Kangoange koaros en kaukaule iang towehda mihding en mwomwohdiso limau kan me kin wiawi nan ehuehu wihk.
15 min: “Kasalehda Kanengamah.” Ehu peneinei me koasoakoasoipene. Re kousapalih elen arail kak kasalehda kanengamah laud nan arail kalohk. Kapataiong ekei koasoi konehng kan sang Watchtower en June 15, 1995, pali 12, ni lokaiahn wai [English].
Koul 135 oh kapakap.
Wihk me Tepida February 15
Koul 169
5 min: Pakair kan en sahpwet.
10 min: Anahn en sahpwet.
15 min: “Sounapwalihn Mwomwohdiso kan me kin Tiengla Mwowe—Brother kan me kin Wia Onop en Pwuhk en Mwomwohdiso.” Padahk wet pahn kohsang rehn emen brother me kin wia onop en pwuhk me kin wia mehn kalimeng mwahu, me pahn kousapahlihda ah pwukoah kan. E kasalehda iaduwen soahngen doadoahk wet kin kahrehda tohnmwomwohdiso en kekeirada oh epwel kin kohwong arail anahn en pali ngehn. Kapataiong ekei ire kesempwal kan sang pwuhko Organized to Accomplish Our Ministry, pali 43-5, 74-6.
15 min: Dahme Koht Kupwurki Kitail En Wia? Padahk. Kitail pahn tepiada onopki brochure wet nan wihk kohkohdo ni onop en pwuhk. Kangoangehkin koaros en kaunopada mwowe oh iang towehda ahnsoun onop kan koaros pwe ren wehwehkihla brochureo oh sukuhlkihdi iaduwen ren onopkiohng meteikan. Wadek parakrapo pahn oarelapo “Iaduwen en Doadoahngki Brochure wet.” Doadoahngki ire kan nan Watchtower en January 15, 1997, pali 16-17, ni lokaiahn wai [English], pwehn kasalehda kesempwalpen en padahk doadoahngki peidek kan, iren Paipel kan, oh kilel kan nan brochureo. Brother kan me kin wia onop en Pwuhk anahne en wiahda mehn kalimeng mwahu ong irail ko me kin wia onop en Paipel rehn mehteikan, ni ahr sohte pahn kalap koasoakoasoi oh kapataiong oaritik teikan.
Koul 197 oh kapakap.
Wihk me Tepida February 22
Koul 201
10 min: Pakair kan en sahpwet.
15 min: “Wekideklahn Uwen Tohtohn Awa me Pioneer kan Anahne Wiahda.” Emen elder pahn wia padahk wet. Kapinga pioneer kan nan mwomwohdiso, oh kangoange sounkalohk tohto en iang auxiliary pioneer oh regular pioneer, tamataman me mie doadoahk tohto nan sounpwong en March, April, oh May. Kapataiong ire kan sang nan insert en Atail Doadoahk Ong Wehio en sounpwong en March 1997 oh September 1998.
20 min: Komw Kin Kasakasawih Pwuhk Sarawi Rahn Koaros? Padahk oh tohnmwomwohdiso iang koasoi. Ehuehu sounpar Society kin wiahda kisin pwuhko Examining the Scriptures. Pein kowe kin wadek de omw peneinei kin wadek pwuhk wet? Kawehwehda kahrepe katapan kan me kitail en kasawih iren Pwuhk Sarawi ehuehu rahn. Koasoia tepin lokaia kan ni pali 1 en pwuhken Examining the Scriptures Daily—1999, pali 3-4. Luhke sounkalohk kan en kasalehda arail kin nannanti en wadek iren rahn oh en lokaia mehlel nin duwen emenemen aramas de peneinei.
Koul 225 oh kapakap.