Kalohk ong Aramas Koaros
Ni ahnsou me kitail kin iang kalohk, kitail kin tuhwong aramas akan me kin lokaiahki ehu lokaia me wiksang lokaia kan me kitail wehwehki. Nan Micronesia, soangen aramas pwukat wie tohtohla. Ke kaunopada pwehn kalohk ong aramas pwukat ahnsou me ke tuhwong irail?
E kin apwal en koasoiong emen me sohte kak wehwehki lokaia kan me ke kin doadoahngki, ahpw mie mehn kalohk kesempwal me kin kak sawas. Karasepe ehu, ke kak doadoahngki booklet me oaralap koasoia Good News for All Nations. Dahme ntingihdi loale mihmi ni lokaia 59. Ni ahnsou me ke wehwehki lokaia dah me tohnihmw doadoahngki, ke kak mweidohng ih en wadek dahme ntingihdi nan booklet ni pein eh lokaia, oh ndaiong ih me ke pahn pwurala reh oh kihong ih pwuhk kan ni pein eh lokaia.
E pahn mwahu ma ke pahn wahda doaropwe kan (tracts) oh brochure Kupwurki ni lokaia kan me aramas kin doadoahngki nan ahmw wasa. Ma doaropwe oh brochure pwukat sohte mihmi nan Kingdom Hall, brother kan me apwalih pwuhk kan kak oaht sang Rahn Ohpis en Guam.
Ke pil kak kihong tohnihmwo brochure Kupwurki ni lokaiahn wai. Mendahki ma tohnihmwo sohte samanih lokaiahn wai, ahpw mwein ah wehwehki lokaiahn wai pahn itar en kak tepida onop Paipel reh.
Ni atail kin kaunopada mwahu pwehn kalohk ong aramas akan me kin doadoahngki lokaia sohte lipilipil nan atail wasa, kitail kin kapwaiada kehkehlik me Sises wia en “katohnpadahkih tohn wehi kan koaros.”—Madiu 28:19, New World Translation.