Mie Noumw Oaht en Makasihn kan?
1 Mie pak me ke mihmi nan wasahn kalohk oh ke kilang me sohte noumw makasihn en kihla nan ahmw ehd? Eri, tamataman dahme artikel en Atail Doadoahk Ong Wehio [lokaiahn wai] en September 1995 (insert) koasoia: “Make the Best Use of Our Magazines.” (“Doadoahngki Mwahu Neitail Makasihn kan”) Artikelo koasoia: “Wiahda noumw oaht en makasihn kan rehn brothero me kin apwalih makasihn kan. Ni ahl wet, komwi oh ahmw peneinei pahn kaukaule ale makasihn kan me itar ong kihla oh pein onop.” Komw wiahier met?
2 Dahme ke soh wiahda noumw oaht en makasihn kan? Ahnsou me ke wia met, e pahn kalaudehla ahmw tamataman ahmw pwukoahn kihseli makasihn kan ehu ehu wihk, oh ke pahn kilang me ahmw perenki wia met pahn lalaudla. Ma miehr noumw oaht, medemedewe ma ke anahne en kalaudehla noumw oaht. Oh pil, kitail anahne tamataman en ahnsou koaros ale neitail makasihn kan me kitail kin oahte. Ma ke pahn seiloak de wia mehkot oh ke sohte kak ale noumw oaht, padahkihong brother me kin apwalih makasihn kan me e kak kihong emen brother oh sister me men ale makasihn ko.
3 Insertohte kin pil koasoia en “koasoanehdi ehu rahn en kihla makasihn kan.” Ke kak utungada koasoandi en Rahnen Kihla Makasihn kan me kileledi wihk koaros? Nin duwen 1999 Calendar of Jehovah’s Witnesses (Kalendar en Sounkadehdehn Siohwa kan en 1999) kin kasalehda, Rahn Kaunop koaros wia Rahnen Kihla Makasihn kan! Ken dehr mwamwahleki kesempwalpen kihla The Watchtower oh Awake! Ni atail kin utungada doadoahk en kihla makasihn, kitail “wa rongamwahu, rongamwahu en popohl” ong mehn mpatail kan.—Aiseia 52:7.