“Dahme I Pahn Wia?”
1 Nin duwen emen me pwulopwul me kohkohiengehr wiahla aramas laud, ele ke pahn idek pein rehmw, ‘Dahme I pahn wia nan ahi mour?’ Irail Kristian pwulopwul kan men kalaudehla arail papah Siohwa ni kalohk. Ahpw iaduwen ke kak wia met ni ahmw ale ahmw pwukoah nin duwen aramas laud, me kin wehwehki apwalih ahmw anahn en paliwar? En diarada pasepeng en peidek wet sohte kin mengei.
2 Ekei me pwulopwul kan kin pwunod ni ahnsou me re kilang irair en sampah me pid duwen kahpwal en mwohni oh pil dahme aramas lemeleme pahn wiawiong sampah ni ahnsou kohkohdo. Re kin medemedewe: ‘I pahn kalaudehla ahi sukuhl mwurin high sukuhl? I pahn tepida regular pioneer mwadang mwurinte high sukuhl?’ Ma e men wiahda pilipil mwahu, e anahne sapeng, ni lokaia mehlel, peidek wet, ‘Dahme keieu kesempwal nan ahi mour?’ E pahn anahne rapahki dahme e kin mwekidki.
3 Dahme keieu kesempwal nan ahmw mour sang ni ahnsou me ke tikitik kohda? Ke men kepwehpwehla, de ke men doadoahngki ahmw mour pwehn rapahki mahs Wehio? Mendahki emen kin ale nah doaropwe me kasalehda me e kanekehla sukuhl laud, e kakete sohte ale doadoahk mwahu. Tohto kin iang prokram kan me kin sewese irail en wia soangen doadoahk me pisnis kan anahne, de ekei kin iang vocational oh technical sukuhl kan, de pil ekei kin iang soangen sukuhl laud me kin reireiki sounpahr ehu de riaute pwehn dehr kangala arail ahnsou laud.
4 Likih Sapwellimen Siohwa Mahsen: Kitail anahne tamataman me Siohwa Koht padahkiong kitail me e pahn kaitarala anahn akan en irail kan me kin rapahki mahs Wehio nan arail mour. (Madiu 6:33) Met kaidehn inou mwahl ehu. Brother tohto me kin iang Ministerial Training School kin iang sukuhl laud oh ale neirail doaropwe kan mwohn re sukuhliki padahk mehlel. Ahpw soangen doadoahk dah kan me re wia met? Malaulau rehrail me kin wia doadoahk me re sukuhliki nan arail sukuhl laud. Pali tohtohn irail kin wia doadoahk en papah aramas, oh arail doadoahk kin sewese irail en kaitarala arail anahn akan. Ni arail kalaudehla arail kalohk, re kin ale kapai kan laud sang kapai en mwohni.
5 Ma ke medemedewe duwen dahme ke pahn wia mwurin high sukuhl, medemedewe mahs duwen soahng koaros iangahki dahme ke kin keieu kesempwalki nan ahmw mour oh dahme kahrehda. Pwehn wia pilipil mwahu, wadek Awake! (lokaiahn wai) en March 8, 1998, pali 19-21 oh medemedewe duwen dahme ke wadek. Koasoiong ahmw pahpa oh nohno, elder kan, Sounapwalih en Circuit, oh pil irail me kin iang doadoahk en regular pioneer nan ahmw wasa oh pweida mwahu. Koasoiong irail pahn sewese iuk en wia pilipil mwahu duwen dahme ke pahn wia nan ahmw mour.—Ekl. 12:1, 13.