Paiekihda Ahmw Iang Sukuhl
1 Ih soangen ahnsou nan pahr koaros me irail tohnsukuhl kin idek: “I anahne pwurehng pwurala sukuhl?” Mehlel, mendahki kahpwal kan oh kapwunod kan kin pwarada ahnsou me tohnsukuhl kan pahn anahne pwurehng pwurala sukuhl, mie kapai kan me irail kak ale ma re pahn nantiong sukuhliki uwen me irail kak.
2 Kasukuhl mwahu kak sewese emen kakeirada ni pali ngehn. Dahme emen kin wia ahnsou me e pwulopwul kin pid soangen aramas dah men ih ahnsou me e pahn laudla. Me pid kasukuhl, “mehkot me aramas pahn padokedi, ihme e pahn dolung.” (Kalesia 6:7) Me pwulopwul kan me pahn nannanti en onop oh ale kasukuhl pahn koahiekla ni soangen wasa kan me pahn sewese irail en papah Siohwa.
3 Pahpa oh nohno kan oh neirail seri kan pahn anahne medemedewe laud pwehn pilada mwahu mehnia mehn onop kan seri kan pahn ale. Pahpa oh nohno kan pahn sewese neirail seri kan pilada mehn onop kan me pahn keieu sewese irail pwehn lel arail mehn akadei ngenin kan. Ma seri kan pahn koahiekla ni soangen wasa kan me pahn sewese irail papah Siohwa, re kak doadoahk elep en ahnsou pwehn apwaliala arail anahn kan ahnsou me re pioneer. Ma seri kan pahn sukuhl mwahu, e pahn sewese irail en kapinga Siohwa sohte lipilipil iawasa irail pahn papah Ih.
4 Kumwail pwulopwul kan, nantiong en paiekihda amwail iang sukuhl. Ni amwail kin wia met, medeweong amwail mour en papah Siohwa ni peren oh nsenamwahu, kaidehn mour en doadoahk en sampah. Nantiong en doadoahngki ahmw mour pwehn kaperenda kupwuren Siohwa. Ih duwen met ke pahn pweida nan ahmw mour oh kapinga Siohwa.—Melkahka 1:3.