Service Mihding Kan Ong June
Wihk me Tepida May 31
Koul 7
8 min: Pakair kan en sahpwet. Ekei pakair kan sang Atail Doadoahk Ong Wehio. Theocratic Nuhs.
17 min: “Padahkiong Mehteikan Iaduwen Re Pahn Wia Kamwahu Ehu Ong Pein Irail.” Wia ahmw tepin koasoi en reireiki minit 1 oh mwurin mwo, wia peidek kan oh mweidohng tohnmwomwohdiso en pasepeng. Doadoahngki irelaud 26 en pwuhken Mour Kohkohlahte pwehn kasalehda iaduwen aramas kak paiekihda arail onop, wehwehki oh kapwaiada padahk kan en Pwuhk Sarawi.
20 min: “Dahme Ke Kak Wia Pwehn Kalaudehla Ahmw Papah Siohwa.” Elder riemen pahn koasoiapene artikel wet pwehn sapengla peidek kan sang tohnmwomwohdiso kan. Emen sounkalohk pwulopwul oh pwopwoud ehu oh emen brother me kommoalsang doadoahk wia peidek kan duwen dahme re kak wia pwehn kalaudehla arail papah Siohwa. Elder kan pahn koasoia iren sawas kan sang artikel wet oh irelaud 9 en pwuhken Our Ministry ni pali 116-118 oh kasalehda ire kan pahnangin sawaspen oaralap me koasoia “What Are Your Spiritual Goals for the Future?” Sounkalohk kan kin kasalehda arail kalahnganki iren sawas kan me Society kin kihda pwehn sewese kitail en pilahni iaduwen sounkalohk kan kak kalaudehla arail papah Siohwa nan rahn pwukat.
Koul 11 oh kapakap.
Wihk me Tepida June 7
Koul 15
10 min: Pakair kan en sahpwet. Ripoht en mwohni.
15 min: Dahme Kumwail Pilahn en Wia nan Summer? Peneinei ehu koasoiapene duwen arail koasoandi kan ong iang towehda kapokon, auxiliary pioneer, seiloak, oh mwemweit. (Kilang Atail Doadoahk Ong Wehio en June 1998, pali 7.) Re koasoiapene iaduwen re pahn wia kalohk ni ahnsou sohte lipilipil, oh re kamwomwada iaduwen re pahn tepiada koasoiong aramas. Kasalehda kesempwalpen pein onop oh onop en peneinei, iang towehda mihding kan ni ahnsou me re seiloakseli, oh kadarala ripoht en arail awahn kalohk ong arail mwomwohdiso. Peneineio pil koasoiapene duwen arail ekspiriens mwahu kan ni arail seiloakseli oh iaduwen met kihong irail peren. Re pil koasoiapene iaduwen re kak kasamwo irail me mwemweitdo kan nan arail mwomwohdiso.
20 min: “Sawas Mehlel Ong Peneinei.” Emen elder pahn wia padahk wet oh koasoia iren sawas kan sang artikelo nan Kahn Iroir en January 1999, pali 3-5. Luhke tohnmwomwohdiso en koasoia iaduwen doadoahngki padahk kan en Pwuhk Sarawi kamwahuiala mour en peneinei.
Koul 19 oh kapakap.
Wihk me Tepida June 14
Koul 27
10 min: Pakair kan en sahpwet.
15 min: “Pilahnda Mwowe!” Brothero me pahn wia padahk wet pahn kousapahlih koasoandi kan nan sounpwong kohkohdo. Kangoange koaros en kilelehdi rahn kan me koasoandi kan pahn wiawi nan neirail kalendar oh en dehr mweidohng mehkot en kahreong irail en katiasang.
20 min: “Koht Kin Kamwekid Omw Mour?” Padahk wet poahsoanehda pohn artikel nan Kahn Iroir en April 1999, pali 29-31. Interview emen sounkalohk me kin wia pein ah onop Paipel oh kin kapataiong met ni ah kin pil wadek pwuhk en Society pwehn kalaudehla pein ah onop. Kangoange koaros me iang towehda mihding rahno en wiahda arail koasoandi en wadek Pwuhk Sarawi rahn koaros.
Koul 29 oh kapakap.
Wihk me Tepida June 21
Koul 41
15 min: Pakair kan en sahpwet. Kousapahlih kisinlikou sang Society me ntingihdi October 15, 1998, me pid duwen ehu doaropwe me adaneki “Please Follow Up” (S-43). Kawehwehda iaduwen ke kak doadoahngki doaropwe wet ni ahmw men diarada iawasa emen kin mihmi ie mwurin sounkalohk men audehda doaropwe wet ahnsou me e diarada emen me perenki rong nan kalohk ni ahnsou sohte lipilipil. Oh pil kitail kak doadoahngki doaropwe wet ni ahnsou me kitail diarada emen me kin doadoahngki lokaia ehu me kitail sehse. Kangoange sounkalohk kan en doadoahngki mwahu doaropwe pwukat.
12 min: Koakon en Peidek. Emen elder pahn wia padahk wet.
18 min: Kitail Kin Pidada Doadoahk en Katohrohrpeseng Sihpw oh Kuht kan? Sounapwalih en Kalohk pahn wia padahk wet me poahsoanehda pohn Watchtower (lokaiahn wai) en July 1, 1997, pali 30-31.
Koul 32 oh kapakap.
Wihk me Tepida June 28
Koul 43
15 min: Pakair kan en sahpwet. Katamankin koaros en kapedolong neirail ripoht en kalohk en June. Kousapahlih mehnia pwuhk me kitail pahn kihla nan July. Ni ahnsou me kitail kin kihla pwuhken Mour Kohkohlahte, sounkalohk kan kak pil kihla pwuhk mering (me teh 192) me tohto nan Kingdom Hall. Kamwomwada iaduwen sounkalohk kan kak kihla pwuhk kan oh pil koasoia koasoandi en sawas.
15 min: Anahn en sahpwet.
15 min: Dahme Ahi Pelien Lamalam Sapwungki? Ministerial Servant riemen koasoipene. Kitail kin tuhwong aramas me kin perenki rong oh kin wadekala Sounkadehdehn Siohwa kan. Ahpw, re sohte kak iangala Sounkadehde kan pwehki arail iangala pein arail pelien lamalam kin irehdi irail. Re apwalki kamehlele me kitailte me ahneki pelien lamalam me pwung oh arail pelien kaudok me likamw. Irair wet kin kerempwa arail kekeirada ni pali ngehn. Brother kan pahn kousapahlih irair weneu nan pwuhken Reasoning, pali 204, me kin kasalehda me padahk kan en pelien lamalam teikan sohte poahsoanehda pohn Pwuhk Sarawi. Kangoange tohnmwomwohdiso en doadoahngki ire kan ni arail pahn sewese irail me perenki rong en kasawihada dahme re kamehlele.
Koul 50 oh kapakap.