Service Mihding Kan Ong September
Wihk me Tepida August 30
Koul 39
10 min: Pakair kan en sahpwet. Ekei pakair kan sang Atail Doadoahk Ong Wehio. Koasoia duwen ripoht en kalohk en May. Kangoange sounkalohk koaros en iang kalohk nan September.
17 min: “Wauneki Mwaren Siohwa Lingan.” Wia ahmw tepin koasoi en reireiki minit 1 oh mwurin mwo, wia peidek kan oh mweidong tohnmwomwohdiso en pasepeng. Koasoia iren Paipel kan me sohte ntingihdi nan artikel.—Kilang pwuhken Mour Kohkohlahte, pali 184 lel 185.
18 min: “Sukuhl oh Ahmw Mehn Akadei kan Ni Pali Ngehn.” Emen pahpa koasoia artikel wet rehn nah pwutak de nah serepein. Re pil koasoia ire kan me pid artikel wet sang nan Awake! en December 22, 1995, pali 7-11.
Koul 148 oh kapakap.
Wihk me Tepida September 6
Koul 138
8 min: Pakair en sahpwet. Ripoht en mwohni.
12 min: Pioneer kan kin Sewese Meteikan—Soangen Kekeirada Dah Wiawi? Sounapwalih en Kalohk pahn wia padahk oh interview kan. Kousapahlih kaweid me mihmi nan Atail Doadoahk Ong Wehio en October 1998, pali 8. Koasoia iaduwen elder kan koasoanehdi koasoandi wet nan pein ahmw wasa oh kasalehda iaduwen irail kan me ale sawas kekeirada. Interview pioneer emen de riemen me kihda sawas oh ekei sounkalohk kan me paiekihda sawas me re ale. Kangoange irail me pahn ale sawas ehu rahn en isaneki sawas me re pahn ale sang koasoandi wet.
25 min: “Ke Kakehr Iang Doadoahk en Pioneer?” Emen elder pahn wia peidek kan oh mweidong tohnmwomwohdiso en pasepeng. Ni ahl me pahn kasalehda iaduwen emen kak pweida mwahu, kasalehda iaduwen sounkalohk kan kakehr iang doadoahk en pioneer. Interview ekei pioneer kan me kak koasoia pein arail ekspiriens kan oh iaduwen re powehdi kahpwal kan oh kin pweida mwahu nan doadoahk en pioneer. Kasawihada “Karasepen Koasoandi kan en Regular Pioneer kan,” oh kasansalehda me emen anahne onopada mwahu ma e pahn lel awa kan. Pakairki me ma emen me audehda “Regular Pioneer Application” e kak ale doaropwe wet mwurin mihding.
Koul 202 oh kapakap.
Wihk me Tepida September 13
Koul 131
10 min: Pakair kan en sahpwet. Kousapahlih artikel me oaralap koasoia “Prokram Kapw ong Kapokon en Circuit kan.”
15 min: Anahn en sahpwet.
20 min: Ke Iang Kisehn Doadoahk en Katohnpadahk? Mweidong tohnmwomwohdiso en kihda arail pasepeng kan. Pwehki kitail kin kihla pwuhk tohto oh brochure tohto oh makasihn tohto, atail mehn akadei iei en tepiada onop en Paipel rehn aramas me kin ale sawaspen Paipel pwukat. Mweidohng sounkalohk kan en kihda arail madamadau ong soangen kahpwal dah kan kin kahrehda re sohte kak tepida onop en Paipel kan rehn aramas: (1) E apwal en diarada irail me men onop Pwuhk Sarawi. (2) Ekei aramas me kin perenki rong kin nda me re sohte kak onop pwe re kedirepw. (3) Mwurin ke tepidahr onop en Paipel rehn emen, ke sohte kak diarada ih oh ihme aramaso sohte kak kaukaule onop. Oh pil, ke kak koasoia pepehm kan me ekei sounkalohk kan kin ahneki me pid onop Paipel rehn aramas akan: (1) ‘I sohte warohng wia sounpadahk men.’ (2) ‘Sohte ahi ahnsou en kaukaule onop Paipel rehn emen ehu ehu wihk.’ (3) ‘I sohte men pwukoahki mour en emen.’ (4) ‘I itarki iangte doadoahk en ihmw-lel-ihmw de soahng teikan likin doadoahk en onop Paipel rehn aramas akan.’ Kihda iren sawas kan ong iaduwen emen kak powehdi kahpwal pwukat pwehn kak iang kisehn doadoahk en katohnpadahk. Mweidohng ekei sounkalohk kan me kin pweida mwahu nan doadoahk en katohnpadahk en koasoia peren me re kin ale ni arail kin onop Paipel rehn aramas akan.—Kilang insert en Atail Doadoahk Ong Wehio en June 1998, parakrap 3-8, 15.
Koul 100 oh kapakap.
Wihk me Tepida September 20
Koul 94
10 min: Pakair kan en sahpwet.
15 min: Sewese Irair me Kapw kan en Kesempwalki Inoun Pwopwoud. Emen elder pahn wia peidek kan oh mweidohng tohnmwomwohdiso en pasepeng. Padahk wet pahn poahsoanehda pohn pwuhken Reasoning, pali 248-250. Kitail kin tuhwong ohl kan oh lih kan me kin perenki rong duwen Wehio ahpw kin pwand en mwekidki rohng wet pwehki re mihmipene ahpw saikinte inou sarawi. Koasoia iaduwen kitail kak sewese irail en wehwehki me Kristian kan anahne inou sarawi oh loalopwoatpene. (Kilang Awake! en January 8, 1992, pali 26-27.) Kihda mehn sawas kan ong dahme kitail kak nda pwehn sewese irail pwukat en wehwehki me ma re sohte wie ara inou sarawi, re sohte kak kisehn mwomwohdiso.
20 min: “Kasalehda Ahmw Nsenohki Mehlel Irail Me Perenki Rong.” Peidek oh pasepeng kan. Kasalehda kesempwalpen pwurehng pwurala rehn irail koaros me perenki rong. Kihda iren sawas kan ong iaduwen kitail kak ale adres en irail me kitail kin tuhwong nan sidowa kan de nanial akan de wasa teikan likin pein imwarail kan pwe kitail kak pwurehng pwurala rehrail oh pousehla atail koasoiaiong irail. Koasoanehdi ekei sounkalohk koahiek kan me kak kamwomwada padahk riau sang parakrap 6 lel 9. Kousapahlih koakon me mihmi nan insert en Atail Doadoahk Ong Wehio en May 1997, pali 3 me oaralap koasoia, “Iaduwen Kitail Kak Pweida Mwahu ni Atail Kin Pwurala Rehn Aramas Akan.” Kangoange koaros en koasoanehdi arail ahnsou wihk koaros pwehn pwurehng pwurala rehn aramas akan.
Koul 133 oh kapakap.
Wihk me Tepida September 27
Koul 99
10 min: Pakair kan en sahpwet. Katamankin koaros en kapedolong neirail riport en kalohk ong September.
15 min: Kitail Kin Poakohng Riatail kan. Emen elder pahn wia padahk wet oh e pahn wia peidek kan oh pahn mweidohng tohnmwomwohdiso en pasepeng. Padahk wet pahn poahsoanehda pohn Watchtower [lokaiahn wai] en December 1, 1995, pali 15-17, parakrap 7-11. Kasansalehda ia kamwahupen wehwehki mwahu riatail kan, kangoange emenemen, oh sewese meteikan en powehdi kahpwal kan oh kasongosong kan. Kihda iren sawas kan ong iaduwen met kak wiawi laud sang ni ahnsouwet. Luhke tohnmwomwohdiso en koasoia arail ekspiriens kan ong iaduwen kangoang sang meteikan sewese irail oh kakehlailirailda.
20 min: “Kitail en Ahnsou Koaros Nantihlahte Mwowe Ni Ahl me Soandi.” Peidek oh Pasepeng kan.
Koul 129 oh kapakap.