Koasoandi En Service Mihding
Wihk me Tepida February 7
Koul 107
10 min: Pakair kan en sahpwet. Ekei pakair kan sang Atail Doadoahk Ong Wehio.
15 min: “Lohkseli Mwaren Siohwa Nan Sampah Pwon.” Peidek oh pasepeng kan. Koasoia duwen kalohk ni ahnsou sohte lipilipil sang nan pwuhken Our Ministry, pali 93-94.
20 min: Wiahda Pilipil Me Pwung ong Kosonned Ong Epwelpen Pali Roson Me Pid Sohte Doadoahngki Nta. (Wiewia 15:28, 29) Emen elder koahiek pahn wia padahk wet me poahsoanda pohn doaropwe (peidek oh pasepeng kan kin ntingihdi pohn doaropweo) me kin iang nein Society doaropwe me adaneki ni lokaiahn wai: “Health-care durable power of attorney or proxy” oh pil doaropwe me oaralap koasoia: “Information About the Society’s Health-Care Durable Power of Attorney (DPA) Forms” me rahn me nting powe January 1997. Mwurin mihding wet, Sounkadehde papidais kan pahn ale neirail doaropwe kapw kan me adaneki ni lokaiahn wai: “Advance Medical Directive/Release card,” oh irail ko me naineki seri kan me saikinte papidais pahn ale ong emen emen nein neirail doaropwe me adaneki “Identity Card.” Re sohte pahn audehda doaropwe pwukat pwong en mihding wet. Re pahn audehda mwahu doaropwe pwukat ni ahnsou me re kohla imwarail ahpw re SOHTE pahn sain. Sainih doaropwe, oh kadehde, oh ntingdi rahn me doaropwe ko sainla pahn wiawi mwurin Pwuhk Study en Mwomwohdiso pahn kaweid en brothero me kin wia Pwuhk Study en Mwomwohdiso. Mwohn sainlahn doaropwe ko, anahne en tehk me re audauda unsek. Irail me wia sounkadehdehn sainlahn doaropwe pahn anahne uhdahn kilang me aramas me naineki doaropweo sainla doaropwe. Irail sounkalohk kan me saikinte papidais kak wiahda pein neirail doaropwe kan (ong pein irail oh neirail seri kan), ni arail pahn ntingihdi mouren lokaiahn doaropwe me sounkalohk papidais kan kin kolokol, pwehn kasalehda pein arail irair kan. Society wiahda doaropwe me adaneki “Durable power of attorney, or proxy, form” pwehn pid epwelpen roson mwahu me kin kihda perepen palien kosonned. Sounkadehde kan me saikinte audehda neirail doaropwe wet oh me men wia kak ale neirail doaropwe sang Secretary en Mwomwohdiso. Oh pil, ma doaropwe me adaneki “Durable power of attorney, or proxy, form” me wiawihdahr, ke anahne ntingihdi pohn kilin doaropwe wet me adaneki “Advance Medical Directive/Release card” ni pein ahmw nting: “Pil mie nei doaropwehn health-care power of attorney.” Pwehn pere pein komwi oh noumw seri kan ni palien kosonned, ke anahne audehda doaropwe pwukat koaros.
Koul 155 oh kapakap.
Wihk me Tepida February 14
10 min: Pakair kan en sahpwet. Ripoht en mwohni.
15 min: Anahn en sahpwet.
20 min: “Doadoahngki Tract kan Pwehn Tepiada Koasoi ong Aramas akan.” Koasoia duwen tract pahieu (sohte lipilipil) me sounkalohk kan kin kalapw doadoahngki nan kalohk. Koasoia duwen peidek me kitail kak wia ahnsou me kitail doadoahngki tract pwukat. Luhke tohnmwomwohdiso en koasoia iaduwen re kak doadoahngki peidek pwukat pwehn tepiada koasoi ong aramas akan pwehn kak tepiada onop en Paipel rehrail. Koasoanehdi kamwomwada pwehn kasalehda iaduwen kitail kak doadoahngki tract riau sang tract pahieu me ke koasoia.
Koul 57 oh kapakap.
Wihk me Tepiada February 21
Koul 110
10 min: Pakair kan en sahpwet oh ekspiriens kan sang kalohk.
15 min: “Kitail en Kasawihada Mahsen en Siohwa Rahn Koaros!” Padahk oh iangahki peidek oh pasepeng kan. Kangoange koaros en doadoahngki mwahu neirail Examining the Scriptures Daily—2000. Koasoia dahme ntingihdi ni tepin pwuhko ni pali 3-4. Luhke sounkalohk kan en koasoia iaduwen re kin wia uwen me re kak en wadek iren rahn rahn koaros.
20 min: “En Kaukaule Iang Towehda Mihding kan—Pwukoah Kesempwal Ehu.” Peidek oh pasepeng kan. Ni ahmw pahn wia parakrap 2, interview sounkalohk kan me anahne powehdi kahpwal kan pwehn kaukaule iang towehda mihding kan.
Koul 157 oh kapakap.
Wihk me Tepida February 28
12 min: Pakair kan en sahpwet. Katamankin sounkalohk koaros en kapedolong neirail ripoht en kalohk ong February. Koasoia duwen dahme kitail pahn kihla ong March: pwuhken Peneinei. Koasoanehdi kamwomwada ong iaduwen kitail kak kihla pwuhko.
15 min: Iaduwen Kitail Pahn Wehwehki Ihs me Pwuhk Sarawi Koasoia me Kitail Pahn ‘Kileledi.’ Emen elder pahn wia padahk wet, oh padahk wet pahn poahsoanda pohn Watchtower (lokaiahn wai) en July 15, 1999, pali 29-31.
18 min: Iaduwen Kitail Kak Sewese Meteikan en Diarada Kaudok Mehlel. Emen Ministerial Servant koahiek oh emen sounkalohk koahiek de riemen pahn koasoia me aramas kin perenki Sounkadehdehn Siohwa kan ahpw sohte kin uhdahn wehwehki iaduwen kitail kin weksang pelien lamalam teikan. Kousapahlih ire eisek me ntingihdi nan Awake! en May 8, 1995, pali 20. Kawehwehda iaduwen ire pwukat pahn sewese emen me mehlel ong ah men diarada kaudok mehlel pahn kak kilang wekpeseng en kaudok mehlel oh kaudok likamw oh me e anahne sukuhlikihsang sapwellimen Siohwa aramas akan oh miniminiong irail.
Koul 60 oh kapakap.
Wihk me Tepida March 6
Koul 113
8 min: Pakair kan en sahpwet.
17 min: Dahme Kahrehda Siohwa Kin Mweidong Sapwellime Aramas akan en Lelohng Kalokolok? Emen elder pahn wia padahk wet, oh padahk wet pahn poahsoanda pohn pwuhken Jehovah’s Witnesses—Proclaimers of God’s Kingdom, pali 676-677. Nin duwen me Sises kohpada, ‘aramas koaros pahn kailongkinkumwailla.’ (Madiu 10:22) Eri, ahnsou me kitail pahn kalohk, de tuhwong atail peneinei me sohte iang pwoson mehlel, de kohla doadoahk de sukuhl, mie aramas me pahn kak uhwong kitail. Ahpw, ni ahl me mwahu, eldero pahn kawehwe dahme kahrehda Siohwa kin mweidong sapwellime aramas akan en lelohng kalokolok de uhwong oh ma kitail kin powehdi lokolok wet, kitail pahn ale kapai laud kan.
20 min: Re Wia Pilipil Mwahu. Padahk wet pahn poahsoanda pohn Watchtower (lokaiahn wai) en October 15, 1997, pali 19-21, parakrap 3-16. Koasoia duwen dahme pioneer kan kin nda, oh me re pehm me arail mour kin katapan oh mwahu. Kangoange koaros en medemedewe ma re kak pioneer.
Koul 182 oh kapakap.