Koasoandi En Service Mihding
Wihk me Tepida March 13
Koul 113
10 min: Pakair kan en sahpwet. Ekei pakair kan sang Atail Doadoahk Ong Wehio.
15 min: “Kalohki Mahseno . . . Ni Karuwaru.” Wia ahmw tepin koasoi en reireiki minit 1 oh mwurin mwo, wia peidek kan oh mweidohng tohnmwomwohdiso en sapeng. Koasoia ire kesempwal kan nan pwuhken Our Ministry, pali 170. Kihda ekei iren sawas kan ong iaduwen kitail kak kalaudehla atail kalohk.
20 min: “Kitail Kak Wia Uwen Me Kitail Kak Nan April 2000?” (Parakrap 1-11) Peidek oh pasepeng kan. Koasoia duwen meh depe me iang doadoahk en Auxiliary Pioneer nan ahmw mwomwohdiso sang pahr samwalahr ko. Koasoanehdi ekei irail en koasoia kamwahu kan me pein irail alehda pwehki arail kalaudehla arail kalohk. Kangoange tohnmwomwohdiso en iang doadoahk en Auxiliary Pioneer nan April pwe sounkalohk kan me iang Auxiliary Pioneer en kak tohtohsang pahr samwalahr kan. Kousapahlih iaduwen kitail ese ihs konehng en iang doadoahk en Auxiliary Pioneer me mihmi nan pwuhken Our Ministry, pali 113-114.
Koul 182 oh kapakap.
Wihk me Tepida March 20
10 min: Pakair kan en sahpwet. Ripoht en mwohni.
15 min: “Lih akan me Kin Doadoahk Laud ong Kauno.” Wia ahmw tepin koasoi en reireiki minit 1 oh mwurin mwo, wia peidek kan oh mweidong tohnmwomwohdiso en sapeng. Koasoia ire kesempwal kan nan Watchtower (lokaiahn wai) en September 15, 1996, pali 14-15, parakrap 18-19. Kapinga sister kan ong arail utungada koasoandi kan sang mohngiongarail, dahme re kin wia pwehn kihda kamwahu ong meteikan, oh pil arail ngoangki iang kalohk.
20 min: “Kitail Kak Wia Uwen Me Kitail Kak Nan April 2000?” (Parakrap 12-18) Peidek oh pasepeng kan. Koasoanehdi kamwomwada mwotomwot pwehn kasalehda iaduwen emen luhke kompoakepah ong Kataman. Kousapahlih “Kalendar me Soahng Ngehnin kan kileledi powe ong April 2000,” oh koasoia koasoandi en kalohk nan pein ahmw wasa. Katamankin koaros en wiahda koasoandi en kalohk ong pein irail en wia uwen me kitail kak nan kalohk nan April, oh akadeiong sounkalohk koaros en kalaudehla arail kalohk nan sounpwongo. Kangoange koaros me kak en iang doadoahk en Auxiliary Pioneer oh en ale doaropwe en “Auxiliary Pioneer application” mwurin mihding pwehn kak audehda oh iang doadoahk en Auxiliary Pioneer nan April.
Koul 82 oh kapakap.
Wihk me Tepida March 27
10 min: Pakair kan en sahpwet. Katamankin sounkalohk koaros en kapedolong arail ripoht en kalohk ong March. Kousapahlih ni mwotomwot sawaspen oaralap me koasoia “Ewen Kahk Pahieu me Mengei” me mihmi nan Atail Doadoahk Ong Wehio en February 2000 ni pali 4 me kin koasoia iaduwen kitail kak doadoahngki tract kan en tepiada atail koasoi ong aramas akan. Koasoanehdi kamwomwada me kin kasalehda iaduwen kitail kak doadoahngki tract en Sampah Meleilei ong tepiada koasoia duwen pwuhken Mour Kohkohlahte. Mwurin ke wadek peidek kan ni keieun parakrap en tracto, wadek keieun parakrap ni pali 3, iangahki Melkahka 37:29. Ma tohnihmwo perenki rong, kasalehda kilel kan me mihmi ni pali 11-13 en pwuhken Mour Kohkohlahte oh wadek parakrap 19 ni pali 15, oh tepiada onop rehn tohnihmwo.
15 min: Anahn en sahpwet.
20 min: “Iaduwen Kitail Kak Koahiekla Ni Atail Kawehwe ong Aramas akan.” Padahk oh kamwomwada. Kawehwe duwen ia kahrepe atail koahiekla ni atail kawehwe ong aramas akan padahk mehlel kin inenen kesempwal oh iaduwen kitail anahne koahiekla ni ahl wet. Koasoanehdi sounkalohk koahiek riemen en koasoipene iaduwen re pahn kaunopada ong kalohk ni ara pahn doadoahngki mehn sawas kan nan parakrap 3 en artikel wet oh mwurin mwo, re pahn kamwomwada ara padahk me re kaunopada.
Koul 61 oh kapakap.
Wihk me Tepida April 3
Koul 116
10 min: Pakair kan en sahpwet. Katamankin koaros en sewese aramas me kin onop rehrail oh aramas teikan en iang towehda Kataman. Aramas pwukat wehwehki ihs me warohng en kang pilawa oh nim wain ni Katamano? Kousapahlih dahme ntingihdi nan Watchtower (lokaiahn wai) en April 1, 1996, pali 6-8, oh kawehwe iaduwen kitail kak sewese aramas kapw kan en wehwehki ia wehwehn oh ia kahrepen Katamano.
5 min: Koakon en Peidek. Emen elder pahn wia padahk wet.
10 min: “Tehk Ma Ke Kin Rong Kanahieng.” Tapwin peneinei men koasoiong eh pwoud oh nah seri kan dahme re kak wia pwehn kalaudehla arail paiekihda mihding kan en mwomwohdiso oh kapokon kan. E koasoia me tohn eh peneinei koaros kakete rong kanahieng sang dahme re wia met. Re kousapahlih iren sawas kan me ntingihdi nan kisin artikel wet oh koasoipene iaduwen re pahn doadoahngki ehu ehu iren sawas kan, iangahki kesempwalpen koasoiapene ire kesempwal kan me re sukuhliki sang mihding oh kapokon kan. Re koasoia iaduwen re kak nantihong dehr katiasang mihding kan oh pil kapokon kan ni sohte kahrepe mwahu.
20 min: “Dahme Kak Sewese Kitail en Kesihnenda Teng Nan Pwoson?” Emen elder pahn wia padahk wet. Kitail kin mihmi nan ahnsou apwal kei, oh kitail koaros anahne sawas ni soangsoangen ahl kan. Kousapahlih dahme elder kan oh ministerial servant kan kak wia pwehn kangoange irail me kin lelohng kahpwal kan. (Kilang sawaspen oaralap me koasoia “Shepherding That Is Upbuilding” nan Watchtower (lokaiahn wai) en September 15, 1993, pali 21-23.) Kawehwehda iaduwen kitail kak kangoange meteikan nan ahl kan me kin kak sewese kitail koaros en kesihnenda teng nan pwoson.—Rom 1:11, 12.
Koul 186 oh kapakap.