Koasoandi En Service Mihding
Wihk me Tepida August 14
Koul 114
12 min: Pakair kan en sahpwet. Ekei pakair kan sang Atail Doadoahk Ong Wehio. Koasoia ekis duwen ripoht en kalohk en May. Ihte Rahn Kaunop riau oh Rahn Sarawi riau luhwe nan August, eri kangoange koaros en iang kalohk mwohn imwin sounpwonget. Kousapahlih koasoandi en mihding en tuhpenehn kalohk ong Rahn Kaunop oh Rahn Sarawi.
15 min: “Tangowei Uwen Omw Kak Nan Weirentang en Pwoson.” Tepin koasoi pahn mwotomwot sang minit ehu, oh mwurin mwo, peidek oh pasepeng kan. Koasoia ire kesempwal kan sang pwuhken Our Ministry, pali 44-45, me koasoia iaduwen brother kan me kin wia Pwuhk Study en Mwomwohdiso kak koasoanehdi arail pwihn kan oh sewese irail me anahne sawas ong kalohk oh ripohtki arail kalohk kaukaule.
18 min: “Ke Kin Kalahnganki Soahng Ngehnin kan?” Emen elder pahn wia padahk. Koasoia kesempwalpen iang towehda kapokon—rahn siluh koaros en kapokono.
Koul 127 oh kapakap.
Wihk me Tepida August 21
Koul 143
15 min: Pakair kan en sahpwet. Ripoht en mwohni. Koasoanehdi kamwomwada me sounkalohk kan kaunopada mwahu oh re pahn kasalehda iaduwen emen kak sapeng peidek wet: “Dahme kahrehda Koht limpoak men pahn mweidohng kalokolok en wiawihte nan sampah ahnsou werei—sangete mahs mahsie lel met?” (pwuhken Reasoning, pali 395-396) Kangoange koaros en iang kalohk ni imwin wihket.
10 min: “Prokram Kapw en Kapokon Tohrohr en Rahn Ehu.” Padahk ehu. Pakairki rahn en Kapokon Tohrohr en Rahn Ehu, ma elder kan ese mehnia rahn e pahn wiawi oh kangoange koaros en iang towehda kapokono rahno pwon. Kangoange sounkalohk kan en luhke aramas me re tuhwong me kin perenki rong oh pil aramas me re kin onop Paipel rehrail.
20 min: Iaduwen Ke Kak Ale Kamwahu kan Sang Sukuhl. Emen pahpa koasoiong nah seri kan pwehn sewese irail en wehwehki kahrepe e kesempwal en sukuhl. (Kilang pwuhken Young People Ask, pali 133-139.) Me pwulopwul tohto kin wehwehki me iang sukuhl rahn pwukat kin apwal pwehki kahpwal kan en aramas rahnpwukat. Ekei pwulopwul kin pehm me iang sukuhl kapwang, oh re pehm me dahme re sukuhliki sohte pahn pid arail mour en ehu ehu rahn. Pahpao kin kousapahlih iren Paipel kan oh kahrepe kan e kesempwal en iang sukuhl. E kangoange nah seri kan en onop mwahu oh rong kanahieng nan sukuhl.
Koul 152 oh kapakap.
Wihk me Tepida August 28
Koul 165
10 min: Pakair kan en sahpwet. Katamankin sounkalohk koaros en kapedolong neirail ripoht en kalohk en sounpwong en August. Brother kan me kin wia Pwuhk Study en Mwomwohdiso kak tehk rehn irail me mihmi nan arail Pwuhk Study ma re kapedolong neirail riport pwe Secretary kak kihpene riport kan mwohn September 6.
15 min: “Tehk Kanahieng Pakair Sarawi kan.” Peidek oh pasapeng kan. Kasalehda kahrepe kan kitail koaros en mwohndi nan dewetail mwohn prokram en kapokon pahn tepida.
20 min: “Mihding kan kin Sewese me Pwulopwul kan.” Emen elder pahn wia artikel wet ni e pahn wia peidek oh pasapeng kan. Ni ahnsou me ke koasoia parakrap 8, tehk duwen soahng kan me kitail kak wia pwehn kamwahuwihala atail rong kanahieng padahk kan me kin wiawi nan mihding kan. (Kilang Awake! [lokaiahn wai] en September 22, 1998, pali 19-20.) Kangoange pahpa oh nohno kan en kehlail ahnsou me re pahn kangoange neirail seri kan en iang towehda mihding kan.—Kilang ekspiriens me mihmi nan Watchtower [lokaiahn wai] en September 1, 1997, pali 25.
Koul 176 oh kapakap.
Wihk me Tepida September 4
Koul 196
10 min: Pakair kan en sahpwet. Koakon en Peidek.
15 min: Anahn akan en sahpwet.
20 min: “Ke Kin Dadaurete?” Emen brother pahn wia padahk sang artikel wet oh e pahn mweidohng tohnmwomwohdiso en koasoi. Kangoange koaros en medemedewe iaduwen pein irail kin pweida mwahu ni arail kin dadaurete nan kalohk. Ma atail luwet kan kin pwarada, kitail anahne kakehlail pein kitail ni pali ngehn. Koasoia ire kesempwal kan sang Watchtower [lokaiahn wai] en October 1, 1999, pali 20-21, parakrap 17-21. Koasoanehdi rehn sounkalohk riemen de silimen me dadaurete sounpahr tohto en koasoia dahme re kin wia pwehn dadaurete.
Koul 206 oh kapakap.