Kousapahl En Theocratic Ministry Sukuhl
Kousapahl wet me pid padahk kan me kitail sukuhlikier nan Theocratic Ministry Sukuhl erein wihk en September 4 lel December 18, 2000. Doadoahngki ehu doaropwe tohrohr pwehn ntingihdi pasapeng kan uwen me ke kak erein ahnsou me mweimweiong.
[Tehk kanahieng: Ahnsou me kousapahl pahn wiawi, kitail kak doadoahngkihte neitail Pwuhk Sarawi. Reference kan me ntingdi mwurin peidek kan kak kadoadoahk ni pein atail ahnsou. Me pid reference en The Watchtower, pali oh parakrap kan sohte kin kileledi ahnsou koaros.]
Ke pahn sapeng Pwung de Sapwung:
1. Depit kauhdi Apisai ahnsou me Apisai men kemehla Simei pwehki Depit wehwehki me e wiahda sapwung kan me Simei nda me e wia. (2 Sam. 16:5-13) [Wadawad en Paipel erein wihk; kilang w99 5/1 p. 32 par. 3.]
2. Kadeikpen loalatail me mwakelekel oh kaiahn en pali ngehn kin kohwong kin kesempwal ma kitail men ahneki nanpwung mwahu rehn Koht oh pil ma kitail men ale komourpatail. (Ipru 10:22; 1 Pit. 1:15, 16) [w98 9/1 p. 4 par. 4]
3. Pwuhken 1 Nanmwarki sohte kesempwal ong mour en Kristian kan (ihte e kin kasalehda poadoapoad en aramas) pwehki ihte nanmwarki riemen sang nanmwarki ehk pahmen me kaunda Israel oh Suda mwurin pwoula en Solomon me kin lelepek ong Siohwa. [si p. 64 par. 1]
4. Sapwellimen Sises kaundahn pahr kid kin pahrekiong sapwellimen Solomon kaundahn sounpahr 40 me meleilei oh soahng koaros pweida mwahu. (1 Nan. 4:24, 25, 29) [Wadawad en Paipel erein wihk; kilang w90 6/1 p. 6 par. 5.]
5. Apaisa kin wia emen tohnkaudok en Siohwa me lelepek (ih te kelepw me lelepek ong Siohwa sang nein Seropoham) oh me sansalda ahnsou me e pwoula, re sarepedi ih ni ahl me konehng. (1 Nan. 14:10, 13) [Wadawad en Paipel erein wihk; kilang w95 4/1 p. 12 par. 11.]
6. Ahnsou me emen kin papidaisla nin duwen Kristian, met kin wehwehki me ih Kristian me mah ni pali ngehn. [w98 10/1 p. 28 par. 2]
7. Siohwa ketikihong Elaisa eimah me kin siksang eimah me aramas kak ahneki oh e pere ih sang masepwehk. (1 Nan. 18:17, 18, 21, 40, 46) [Wadawad en Paipel erein wihk; kilang w98 1/1 p. 31 par. 2.]
8. Tehnpas Sarawi en Solomon inenen wadawad kaidehn ihte pwe e lingan oh dirki kepwe kan ahpw pwehki e kin karasaiong sapwellimen Siohwa Tehnpas Sarawi en pali ngehn oh me eh lingan siksang tehnpas en aramas akan. [si p. 69 par. 26]
9. Ahnsou me Pwuhk Sarawi mahsanih me Elisa kahrehda mesen sounpei en Siria kan rotala, met wehwehki me arail madamadau rotala pwehki re kakete kilang Elisa oh ese me ih. (2 Nan. 6:18, 19) [Wadawad en Paipel; kilang si pp. 70-1 par. 10.]
10. Ahnsou me 2 Nanmwarki 11:12 kin mahsanih me e kin patohwandiong “Kosonnedo” pohn tapwi, met kin wehwehki me sapwellimen nanmwarki kawehwehn Kosonned en Koht kin pwung oh aramas akan anahne kapwaiada. [Wadawad en Paipel erein wihk; kilang w91 2/1 p. 31 par. 6.]
Wia ahmw pasapeng kan ong peidek pwukat:
11. Pwehn kapwaiada 1 Sohn 2:15-17, dahme pahpa oh nohno me kin papah Koht pahn kaweidih neirail seri kan pwehn sewese irail en pilada doadoahk en mwohni me konehng atail ahnsou? [w98 7/15 p. 5 par. 2]
12. Ia wehwehn dahme ntingdi nan 2 Samuel 18:8 me mahsanih: “Me mehla nanwelo tohtohsang me mehla nan mahweno”? [Wadawad en Paipel erein wihk; kilang w87 3/15 p. 31 par. 2.]
13. Rahnwet, ihs me kin karasaiong irail kodon ko (duwehte Kolaiad) me adaneki Repaim, oh dahme re kin nantihong wia? (2 Sam. 21:15-22) [Wadawad en Paipel erein wihk; kilang w89 1/1 p. 20 par. 8.]
14. Dahme kitail kak sukuhliki sang 2 Samuel 6:6, 7? [si p. 63 par. 30]
15. Dahme kitail kak sukuhliki sang ahnsou me emen ohl kamakamala pwe e kauwehla kosonned en Sapad? (Nempe 15:35) [w98 9/1 p. 20 par. 2]
16. Dahme kitail pahn wia ma kitail men alasang Lih Nanmwarkien Sipa me seiloak reirei pwe e men rong “sapwellimen Solomon erpit”? (1 Nan. 10:1-9) [Wadawad en Paipel erein wihk; kilang w99 7/1 p. 31 pars. 1-2.]
17. Nin duwen dahme ntingihdi nan 1 Kings 17:3, 4, 7-9, 17-24, ni ahl siluh dah kan Elaisa kasalehda me e pwoson Siohwa? [Wadawad en Paipel erein wihk; kilang w92 4/1 p. 19 par. 5.]
18. Dahme kahrehda kitail kak nda me ahn Napod kahng kihong Eihap eh mwetuwel kaidehn pwehki Napod me emen me keptakai? (1 Nan. 21:2, 3) [Wadawad en Paipel erein wihk; kilang w97 8/1 p. 13 par. 18.]
19. Iaduwen dahme ntingihdi nan 2 Nanmwarki 6:16 kak kangoange sapwellimen Siohwa ladu kan rahnwet? [Wadawad en Paipel erein wihk; kilang w98 6/15 p. 18 par. 5.]
20. Ni ahl dah kan Kristian mehlel akan pahn kasalehda me re sohte pahn pid tiahk kan duwehte lipilipilki aramas oh kapinga likamw? [w98 11/15 p. 28 par. 5]
Ntingihdi lepin lokaia de lepin lokaia kan me konehng pwehn kaunsekehla koasoio pwon:
21. Kristian mehlel akan sohte pahn _________________________ oh iang tiahk kan me kin kansensuwedih _________________________ . (Lepin Padahk 29:25; Madiu 10:28) [w98 7/15 p. 20 par. 5]
22. Ni ahnsou me Pohl kalohk ong Nanmwarki Akripa, Pohl doadoahngki eh _________________________ , oh koasoia soahng kan me ih oh Akripa pahn kak _________________________ . (Wiewia 26:2, 3, 26, 27) [w98 9/1 p. 31 par. 3]
23. Pwehki kitail sohte kak _________________________ Koht, ekei kin lemeleme me aramas sohte kak karanih Ih, ahpw ma kitail pahn kaukaule _________________________, e pahn sewese emen pwe ‘likamwete e kilang Koht me soh sansal.’ (Ipru 11:27) [w98 9/15 p. 21 pars. 3-4]
24. Nin duwen me kitail tehk duwen dahme wiawi ong kaun lapalap en karis kan en nanmwarkien Siria, _________________________ , ekei pak kitail kak ale kapai laud kan ma kitail pahn kasalehda _________________________ . [Wadawad en Paipel erein wihk; kilang w99 2/1 p. 3 par. 6–p. 4 par. 1.]
25. Duwehte Sonadap oh Nanmwarki Sehu ara lamalam duwepenehte, rahnwet _________________________ kin pohnese oh miniminiong Sehu Lapalap, _________________________ , me kin doadoahngki _________________________ nan sampah. (2 Nan. 10:15, 16) [Wadawad en Paipel erein wihk; kilang w98 1/1 p. 13 pars. 5-6.]
Pilada pasapeng pwung nan ehu ehu sentence kan:
26. (Sehdan; Siohwa; Sohap) kahrehong Depit en dihp ni ahnsou me e ‘wadekedi tohn Israel.’ (2 Sam. 24:1) [Wadawad en Paipel erein wihk; kilang w92 7/15 p. 5 par. 2.]
27. Nin duwen dahme 1 Nanmwarki 8:1 oh Eklesiasdes 1:1 kin kasalehda, Solomon kapokonpene aramas akan pwehn (kauwada Tehnpas Sarawi; pwakih imwintihti en mehn Israel; kaudokiong Siohwa). [Wadawad en Paipel erein wihk; kilang si p. 112 par. 3.]
28. Sounpahr 20 me Solomon kauwada Tehnpas Sarawio oh sapwellime tehnpas nan Serusalem kin karasaiong ahnsou me soahng kan me pid padahk kan oh pil pid koasoandi en pwihn sansal kapwungpwungla me tepida nan pahr (1919; 1923; 1931) oh imwisekla nan pahr (1938; 1942; 1950). (1 Nan. 9:10) [Wadawad en Paipel erein wihk; kilang w92 3/1 p. 20 koakon.]
29. Lepin lokaia “nanleng” me mihmi nan 2 Nanmwarki 2:11 kin wehwehki (wasao me Koht kin ketiket ie ni pali ngehn; uhdahn lahng; nan wehwe, wasao me menpihr kin pipihr oh kisinieng kin ipido). [Wadawad en Paipel erein wihk; kilang w97 9/15 p. 15 koakon.]
30. (Erod Lapalap; Sihsar Akustus; Daipirius Sihsar) me koasoanehdi wadawad en aramas me kahrehda Sises ipwidi nan Pedleem kaidehn Nasaret. [w98 12/15 p. 7 box]
Pilada mehnia iren Paipel me pahn pahrekiong sentence kan:
Melkahka 15:4; 2 Sam. 12:28; 2 Sam. 15:18-22; 2 Nanmwarki 3:11; Kolose 3:13
31. Kitail anahne wauneki koasoandi en tapwi me Siohwa ketin koasoanehdi. [si p. 63 par. 30]
32. Kitail anahne kolokolete lelepek ong sapwellimen Siohwa pwihn oh aramas akan me e kin ketin doadoahngki. [si p. 63 par. 30]
33. Ma emen kin kalahnganki sapwellimen Siohwa mahk, e pahn kamwekid ih en kanengamah oh pohnsehse sapwung kan en meteikan. [w98 11/1 p. 6 par. 3]
34. E kin wia pwais kaselel en kasamwo aramas akan me kitail ahpwtehn tuhwong oh papah sapwellimen Siohwa ladu lelepek kan ni karakarahk. [Wadawad en Paipel erein wihk; kilang w97 11/1 p. 31 par. 1.]
35. Emen me kin lemmwiki Koht kin wia uwen me e kak en kapwungala eh pweipwand kan, mendahki e kin apwal sang dahme e lemeleme nin tepio. [w98 11/15 p. 27 par. 1]