Koasoandi En Service Mihding

Wihk me Tepida August 13

Koul 30

13 min: Pakair kan en sahpwet. Ekei pakair kan sang Atail Doadoahk Ong Wehio. Kangoange koaros en kilang video cassette me oaralap koasoia The New World Society in Action pwehn kaunopada ong Service Mihding me pahn wiawi nan wihk me tepida August 27. Oh pil, koasoia artikel me oaralap koasoia “Prokram Kapw en Kapokon Tohrohr en Rahn Ehu.” Kangoange koaros en iang towehda rahno pwon, oh pil luhke irail me kin perenki rong oh pil irail me kitail kin onop Paipel rehrail.

17 min: “Ke Men Wia Laud Sang Dahme Ke Wia Met?”a Kasalehda iren sawas kan ong iaduwen kitail kak kalohk ong aramas akan me kin mihmi nan atail wasahn kalohk me kin doadoahngki lokaia ehu me kaidehn pein atail lokaia. Kasalehda, ni mwotomwot, duwen ire kesempwal kan me mihmi nan Watchtower (lokaiahn wai) en June 15, 1997, pali 26-29.

15 min: “Koasoanehdi Ahnsoun Mwemweit en Dehr Nohn Daulihla Dahme Konehng.” Emen elder me kin wia Pwuhk Study en Mwomwohdiso kin koasoi ong pwopwoud ehu mwurin mihding en Pwuhk Study. E kasalehda, ni kadek, me e tehkada me nan rahn pwukat pwopwoudo sohte kin iang kalohk oh pil sohte kin iang mihding kan ni imwin wihk kan. Pwopwoudo kawehwehda me re seiloak oh pil wiewia teikan nan sounpwong en June, July oh August kahrehda re kedirepwla oh sohte iang kalohk oh mihding en imwin wihk kan. Eldero kousapahlih ire kesempwal kan nan artikel wet oh e kin song en sewese pwopwoudo en wehwehki me soahng ngehnin kan anahne en keieu nan ara mour. Pwopwoudo kalahnganki iren kaweid oh mehn kataman kan me e kihong ira. Re pwungki me re anahne pwurehng koasoanehdi arail koasoandi kan pwe soahng ngehnin kan pahn keieu kesempwal nan ara mour.​​—⁠Kilang Watchtower (lokaiahn wai) en October 1, 2000, pali 19-​20.

Koul 68 oh kapakap.

Wihk me Tepida August 20

Koul 33

8 min: Pakair kan en sahpwet. Ripoht en mwohni.

17 min: “Ke Kin Wia ‘Mehn Kapoudiahl’!”b Kasalehda ahnsou kan de nuhs kan me pwarada nan pein ahmw wasa me aramas akan kin kapinga doadoahk de tiahk en Sounkadehdehn Siohwa kan.​​—⁠Kilang Watchtower [lokaiahn wai] en March 15, 1998, pali 10, oh January 15, 1999, pali 32.

20 min: “Rong Kanahieng oh Ale Kaweid.” Padahk oh tohnmwomwohdiso pahn iang pasapeng. Kawehwehda dahme kahrehda kaweid me kin kohda nan kapokon kan kin wia mwengehn ngehn me kesempwal me kitail koaros anahne. Kasalehda me ahnsou laud oh doadoahk laud kin wiawi pwe prokram en kapokon pahn kak pweida. Luhke sounrongorong kan en koasoia dahme emen emen kak wia pwehn ale kamwahu kan ong pein ih oh meteikan. Kasalehda kahrepe kan me kitail anahne mwohndi nan dewetail mwohn prokram pahn tepida.

Koul 72 oh kapakap.

Wihk me Tepida August 27

Koul 40

10 min: Pakair kan en sahpwet. Katamankin sounkalohk kan en kapedolong neirail ripoht en kalohk ong August. Kasalehda, ni mwotomwot, iren sawas ehu de riau ong dahme kitail kak nda ni ahnsou me kitail pahn kihla pwuhken Nei Pwuhk en Poadoapoad Kan en Paipel nan September.​​—⁠Kilang iren sawas kan nan Our Kingdom Ministry en August 1982, pali 4, oh August 1980, pali 4.

15 min: “Kapokon kan​​—⁠Ahnsou kan me Kitail Kak Peren!” Emen elder pahn wia padahk wet. Kawehwehda dahme kahrehda kapokon kan wiawi mahs (ni ahnsou me Paipel wiawihda) oh dahme kahrehda re pil kesempwal ong kitail rahnwet. Soangen ahnsou pwukat (kapokon kan) kin kihda mwengehn ngehn me kesempwal oh pil ahnsou me kitail kak ale kehl sang atail miniminiong riatail brother oh sister kan. Kasalehda kesempwalpen koaros en iang towehda rahn koaros en kapokon kan.

20 min: “Video Cassette me Oaralap Koasoia The New World Society in Action.” Koaros nan Kingdom Hall kak iang koasoi. Nan October, kitail pahn kousapahlih video cassette me oaralap koasoia United by Divine Teaching.

Koul 74 oh kapakap.

Wihk me Tepida September 3

Koul 80

5 min: Pakair kan en sahpwet.

15 min: “Ia Uwen Kesempwal Atail Miniminiong Riatail Kristian kan?”* Koasoia ire kan pahnangin sawaspen oaralap me koasoia “Through the Congregation” nan Watchtower (lokaiahn wai) en January 15, 1996, pali 22.

10 min: Anahn en sahpwet.

15 min: Ma Emen Pahn Nda​—⁠. Emen brother pahn koasoia oaralap wet oh koasoanehdi kamwomwada kan. Nan kalohk, ni ahnsou me aramas pahn nda mehkot de wia peidek kan me kitail sohte kin kasik, kitail en nantihong sapeng soahng pwukat oh dehr kawekila oaralap me kitail koasoia oh kauhdi atail koasoi ong aramaso. Pwuhken Reasoning pahn sewese kitail ni ahl wet. Kasalehda ekei koasoi kan me aramas kin kalap nda, oh koasoanehdi kamwomwada kan me sounkalohk kan pahn sapeng oh doadoahngki dahme ntingihdi nan pwuhken Reasoning. Karasepe ehu: ‘I sohte kin kamehlele Koht.’ (pali 150-151) ‘Dahme kahrehda ke sohte kin iang soangen doadoahk me kin sewese wehi kan de kousapw kan en kamwahuwihala atail wasa kan?’ (pali 207-208) ‘Sohte katepe mehnia pelien lamalam kitail kin iang.’ (pali 332) Kangoange koaros en doadoahngki wasao nan pwuhken Reasoning me kin koasoia “If Someone Says​—⁠” (“Ma Emen Pahn Nda​—⁠”) ni ahnsou me aramas pahn koasoia soahng kan me kitail sohte kin kasik.

Koul 121 oh kapakap.

[Nting tikitik me mi pahs]