Koasoandi En Service Mihding
Wihk me Tepida October 8
10 min: Pakair kan en sahpwet. Ekei pakair kan sang Atail Doadoahk Ong Wehio. Kangoange koaros en kilang video cassette me oaralap koasoia United by Divine Teaching pwehn kaunopada ong Service Mihding ong wihk me tepida October 22. Koasoanehdi kamwomwada mwotomwot riau ong kihla makisihn kan oh doadoahngki iren sawas ni pali 8, ehu kamwomwada pwehn kihla Watchtower en October 15 oh pil ehu kamwomwada pwehn kihla October 22 Awake!
35 min: “Ke Kin Doadoahngki Dahme Ke Sukuhliki Sang Kapokon en District me Oaralap Koasoia ‘Sounpadahk kan en Mahsen en Koht’?” Brother me kin wia Onop en Watchtower pahn wia pwais wet oh tohnmwomwohdiso pahn koasoia dahme re sukuhliki nan Kapokon en District. Mwurin ahmw wia tepin koasoi me reireiki minit ehu, ke kak koasoia ire kesempwal kan sang padahk kan oh pil luhke tohnmwomwohdiso en koasoia duwen (1) iaduwen re kin kapwaiada dahme re sukuhliki oh pil (2) soangen kamwahu kan re ale ni arail kapwaiada dahme re sukuhliki, oh (3) dahme re pehm me re anahne wia met. Ke kak doadoahngki peidek kan me pahn kahrehong tohnmwomwohdiso en medemedewe laud duwen arail mour. Sewese koaros pwe ren kak wehwehki dahme re sukuhliki oh kilang kesempwalpen arail doadoahngki dahme re sukuhliki.
Koul 64 oh kapakap.
Wihk me Tepida October 15
10 min: Pakair kan en sahpwet. Ripoht en mwohni.
15 min: Ke Kin Ahneki “Mohngiong me Kin Peik”? (1 Nanmwarki 3:9) Emen elder pahn wia padahk wet on padahk wet pahn poahsoanda pohn Watchtower [lokaiahn wai] en July 15, 1998, pali 29-31. Koasoia ahl kan me kitail kak kasalehda peik ni atail kin sawaspene nan mwomwohdiso.
20 min: Doadoahngki Mwahu Neitail Makisihn kan. Sounapwalih en Kalohk oh brother me kin apwalih makisihn kan koasoiapene duwen anahn kan me pid kihpeseng makisihn kan. Re koasoiapene duwen makisihn depe me mwomwohdiso kin ale ehu ehu sounpwong oh pil makisihn depe sounkalohk kan kin kihla ehu ehu sounpwong. E kin sansal me ekei makisihn mihmihte nan imwen sounkalohk kan de mwuhr, sounkalohk kan kin kesehla makisihn pwukat me mihmi nan imwarail wereilahr. Iaduwen sounkalohk kan kak doadoahngki makisihn kan ni ahl me keieu mwahu? Brother riemen koasoia ire isuh me mihmi nan Atail Doadoahk Ong Wehio en November 1999, pali 2, wihk me tepida November 1 me oaralap koasoia “Wia Uwen Me Kitail Kak en Kihla Makisihn kan!” Brother riemen pil pahn koasoia ekspiriens me mihmi nan Watchtower [lokaiahn wai] en February 15, 1998, pali 28 oh 29 oh re koasoia ekei ahl kan me sounkalohk kan kak doadoahngki nan pein arail wasa. Brother kan kin kangoange koaros en doadoahngki padahk kan me kin mihmi nan Atail Doadoahk Ong Wehio.
Koul 67 oh kapakap.
Wihk me Tepida October 22
10 min: Pakair kan en sahpwet. Koasoanehdi kamwomwada mwotomwot riau en kihla makisihn me pahn kasalehda kihla Watchtower en November 1 oh pil ehu kamwomwada, re pahn kihla Awake! en November 8.
10 min: Dahme Ke Kak Nda? Kasalehda, ni mwotomwot, pwuhken Reasoning, pali 204 oh 205, me kin kasalehda dahme kitail kak nda ma emen pahn wia peidek wet ong kitail: “Dahme kin poahsoankihda ahn Sounkadehdehn Siohwa kan padahk kan me pid Pwuhk Sarawi?” Koasoanehdi kamwomwada me sounkalohk men me kaunopada mwahu oh e wia pasapeng ni ahnsou me aramas me e pwurehng pwurala reh wia peidek wet, oh mwurin mwo, e luhke aramaso en iang towehda mihding kan.
25 min: “Kitail Kilang Duwen Miniminpene Ni Mehlel Nanpwungen Sounkadehde kan Ni Atail Kilang Video Cassette me Oaralap Koasoia United by Divine Teaching.” Tohnmwomwohdiso pahn koasoi. Doadoahngki keieun parakrap pwehn tepida wia pwais wet oh pil doadoahngki kaimwiseklahn parakrap pwehn kaimwisekila pwais wet. Pwehn sewese tohnmwomwohdiso en perenki koasoia arail kilang video cassette wet, wia peidek koaros me mihmi nan Atail Doadoahk Ong Wehio ong irail. Ma mie tohnmwomwohdiso me iang towehda kapokon kan likin kapokon me wiawi nan sahpwomw, mweidong irail en koasoia duwen arail pepehm kan ahnsou me re kilang miniminpenehn riatail kan wasa koaros nan sampah oh pil koasoandi en Sounkadehde kan kin duwepenehte wasa koaros nan sampah. Ma sohte tohnmwomwohdiso me iang towehda kapokon likin kapokon nan sahpwomw, ke kak koasoia ekei ekspiriens kan sang 1994 Yearbook (Pwuhken Pahr en 1994), pali 7-9, oh pil ekei sang 1995 Yearbook (Pwuhken Pahr en 1995), pali 8-11. Nan December, kitail pahn kousapahlih video cassette me oaralap koasoia To the Ends of the Earth.
Koul 22 oh kapakap.
Wihk me Tepida October 29
12 min: Pakair kan en sahpwet. Katamankin sounkalohk kan en kapedolong neirail ripoht en kalohk en October. Nan sounpwong en November, kitail pahn kihla brochure Kupwurki de pwuhken Knowledge. Koasoanehdi kamwomwada me pahn doadoahngki padahk wet: “Nan atail ahnsou me kahpwal tohto me pid mwohni kin pwarada, aramas tohto diarada me re apwaliki apwalih pein irail oh arail peneinei. Ke lemeleme koperment en aramas kak kamwahuwihala kahpwal wet ni ahl ehu me pahn mwahu ong koaros oh sohte pahn lipilipilki aramas? [Mweidong en sapeng.] I diarada me inou wet sang nan Pwuhk Sarawi kin kihong ie kangoang laud.” Wadek Melkahka 72:12-14. Mwurin mwo, kihong ih brochure Kupwurki de pwuhken Knowledge oh kasalehda ire sang nan brochure de pwuhk me ke doadoahngki me pid ahmw padahk.
15 min: Anahn en sahpwet.
18 min: “Ia Iren Ahmw Kin Wia Mwengmwenge Ni Pali Ngehn?”a Brother me pahn wia pwais wet kak idek rehn tohnmwomwohdiso duwen arail madamadau kan me pid artikel me mihmi nan Watchtower [lokaiahn wai] en April 15, 1997, pali 28-31, pwehn kawehwehda dahme kahrehda oh iaduwen kitail pahn kak kaiahne pein kitail en ahneki koasoandi mwahu en mwenge ni pali ngehn.
Koul 81 oh kapakap.
Wihk me Tepida November 5
10 min: Pakair kan en sahpwet.
18 min: Kaunopada Ong Mihding kan Nin Duwen Peneinei ehu. Pahpa men kin koasoiong eh peneinei iaduwen irail koaros kak kaunopada ong mihding kan pwe irail pahn kak iang pasapeng nan mihding kan. Re doadoahngki iren sawas kan me mihmi nan Watchtower [lokaiahn wai] en July 1, 1999, pali 19-20, parakrap 9, oh re kaunopada arail pasapeng kan ong Onop en Kahn Iroir nan wihko. (1) Emen emen tohnpeneinei kin pilada peidek ehu de riau pwehn iang pasapengla peidek pwukat. (2) Mwurin kousapahlih parakrap pwukat, re kin koasoanehdi arail pasapeng kan ni pein arail lokaia. (3) Re pilada iren Paipel kan me kileledi, oh koasoiapene ni ahl dahieu iren Paipel pwukat kin pid ong audepen onopo oh re pil koasoanehdi dahme re pahn pasapeng pwehn pid oaralap re me wia. Koaros kin wia uwen me re kak en iang pasapeng ahnsoun mihding.
17 min: “Dahme Kitail Kin Akadeiong Ni Atail Kin Onop Paipel Rehn Aramas akan?”b Kasalehda kesempwalpen sewese irail me kin onop Paipel rehtail en kesempwaliki iang towehda mihding kan. Koasoanehdi kamwomwada me sounkalohk men kaunopada mwahu pwehn kak kamwomwada iaduwen en wia met, doadoahngki pwuhken Knowledge, irelaud 17, parakrap 6-8, de pwuhken Mour Kohkohlahte, irelaud 22, parakrap 19-20.
Koul 89 oh kapakap.
[Nting tikitik me mi pahs]
a Tepin koasoi pahn mwotomwot sang minit ehu, oh mwurin mwo, peidek oh pasapeng kan.
b Tepin koasoi pahn mwotomwot sang minit ehu, oh mwurin mwo, peidek oh pasapeng kan.