Koasoandi En Service Mihding
Wihk me Tepida November 12
8 min: Pakair kan en sahpwet. Ekei pakair kan sang Atail Doadoahk Ong Wehio.
15 min: “Likih Siohwa en Kakehleiukala.”a Koasoia, ni mwotomwot, duwen Watchtower [lokaiahn wai] en October 1, 1999, pali 18-19, parakrap 6-8.
22 min: “Tiahk Mwahu kan—Kasalepen Aramas en Koht.” Emen elder pahn wia padahk me reireiki minit 5 duwen parakrap 1-5. Mwurin mwo, e pahn koasoiong pil emen elder oh emen ministerial servant oh re pahn koasoiapene luwen parakrap kan. Re pahn koasoiapene duwen dahme re pahn wia pwehn kapwungala soahng kan me kin kahrehong tohnmwomwohdiso en dehr rong mwahu padahk kan oh ale kapai kan sang mehpwukat. Re koasoia iaduwen atail miniminiong riatail kan kin wia mehkot me kangoang laud ahnsou me kitail kin kasalehong mehteikan limpoak oh nsenohki irail.—Pilipai 2:4.
Koul 85 oh kapakap.
Wihk me Tepida November 19
8 min: Pakair kan en sahpwet. Ripoht en mwohni.
15 min: Anahn en sahpwet.
22 min: “Kaiahnehda Ahmw Koahiek en Kasawihada Dahme Mwahu Sang Dahme Suwed.”b Emen elder kin kousapahlih ire kesempwal kan me kohda ahnsou me Kapokon en Rahn Tohrohr wiawi nan pahr en kalohk me ahpwtehn nek.
Koul 87 oh kapakap.
Wihk me Tepida November 26
15 min: Pakair kan en sahpwet. Katamanki sounkalohk kan en kapedolong neirail ripoht en kalohk kan en November. Koasoanehdi kamwomwada riau me sounkalohk kan kaunopada mwahu oh re pahn doadoahngki padahk kan me mihmi pahn oaralap me koasoia “Dahme Kitail Kak Koasoia Duwen Makisihn kan”—emen pahn doadoahngki Watchtower en December 1 oh emen pahn doadoahngki Awake! en December 8. Mwurin mwo, kawehwe iaduwen ke pahn kak diar padahk ong kihla pwuhken Nei Pwuhk en Poadoapoad kan en Paipel de pwuhken Mour Kohkohlahte nan December. Kilang nan pwuhken Watch Tower Publications Index pahnangin oaralap me koasoia “Presentations” oh pil pahnangin “List by Publication.” Kasalehda padahk ehu de riau.
15 min: “Iawasa I Kak Diar Ahi Ahnsou en Wia Soahng Pwukat?” Padahk oh tohnmwomwohdiso pahn pil iang pasapeng. Kasalehda ire kesempwal kan sang Watchtower [lokaiahn wai] en October 1, 2000, pali 20-21, parakrap 9-10, pahnangin sawaspen oaralap me koasoia “How Some Make Room for Studying.” Luhke tohnmwomwohdiso en kasalehda iaduwen re kin koasoanehdi arail ahnsou ong soahng kesempwal kan ni arail kin solahr wia ekei soahng kan me sohte nohn kesempwal. Kasalehda kesempwalpen koasoanehdi atail ahnsou ong pein atail onop, onop en peneinei, kaunopada ong mihding kan, kalohk, oh wadek Pwuhk Sarawi ehu ehu rahn.
15 min: Irail me Pwulopwul kan kin Kapinga Siohwa. Tohnmwomwohdiso kak iang koasoi. Pali laud en mwomwohdiso kan mie neirail me pwulopwul kan me kin iang kalohk. E kin konehng ren iang kalohk, mendahki pali laud en ahnsou re kin kalohk ong aramas laud kan. (Mel. 148:12, 13; Matt. 21:15, 16) Ni ahnsou me pahpa oh nohno kan oh sounkalohk teikan kin nsenohki irail, oh kin kihong irail kaiahn ong kalohk oh kangoange irail, irail me pwulopwul kan kin kak perenki kalohk. Luhke tohnmwomwohdiso en kasalehda dahme re kak wia pwehn sewese me pwulopwul kan en iang kalohk ihmw-lel-ihmw oh en pil pwurehng pwurala rehn irail me kin perenki rong. Luhke pahpa oh nohno kan en kasalehda dahme re kin wia pwehn sewese neirail seri kan en sukuhliki iaduwen re kin kihla makisihn kan, doadoahngki neirail Pwuhk Sarawi ni ahnsou me re kin padahk, oh pil ahneki eimah ni arail kin koasoiong aramas ni imwarail kan. Kasalehda duwen kapai kan me kin kohsang kapinga seri kan. Interview sounkalohk emen de riemen me pwulopwul, oh mweidohng ira en koasoia dahme kahrehda re perenki iang doadoahk en kalohk.
Koul 98 oh kapakap.
Wihk me Tepida December 3
5 min: Pakair kan en sahpwet.
10 min: “Kisinlikou Sang Governing Body.” Kousapahlih ire kesempwal kan rehn tohnmwomwohdiso.
15 min: Ire Kesempwal kan nan Pwuhken Reasoning. Tohnmwomwohdiso pahn iang koasoi. Tehk duwen ekei ire kan nan pwuhken Reasoning me kitail kak doadoahngki ahnsou me kitail men kawehwe duwen padahk kan nan Paipel: Pwuhken Reasoning kin kasalehda wasa kan me mwaren Koht kin pwarada nan ekei Pwuhk Sarawi en wai kan (pali 191-193) oh padahk mehlel me pid duwen ehl (pali 169-170); iaduwen dahme kitail kin kamehlele kin weksang dahme pelien lamalam teikan kin kamehlele (pali 199-201) oh iaduwen emen kak wehwehki mehn pelien lamalam me pwung (pali 328-330); oh poadoapoad kan me kin kasalehda iaduwen kasarawi en Kristmas tepida (pali 176-178) oh tepin Kristian akan kin soupoupali (pali 273-275); oh mehn kadehde sang palien sains me kin kasalehda me Koht kapikada soahng koaros (pali 85-86) oh kasalehda kasuwedpen doadoahngki maruwana oh tipaker (pali 108-111). Kangoange sounkalohk kan en doadoahngki pwuhken Reasoning ahnsou mwahu koaros nan kalohk.
15 min: “Kapai kan me Kin Kohsang Kalahnganki Sapwellimen Siohwa Limpoak—Pali 1.”c Ni ahmw pahn koasoia parakrap 3-6, luhke tohnmwomwohdiso en kasalehda duwen arail ekpiriens kan en kalohk ihmw-lel-ihmw, kalohk nanial, pwurehng pwurala rehn aramas me kin perenki rong (return visit kan) oh onop Paipel rehn aramas akan (Paipel Study).
Koul 88 oh kapakap.
[Nting tikitik me mi pahs]
a Tepin koasoi pahn mwotomwot sang minit ehu, oh mwurin mwo, peidek oh pasapeng kan.
b Tepin koasoi pahn mwotomwot sang minit ehu, oh mwurin mwo, peidek oh pasapeng kan.
c Tepin koasoi pahn mwotomwot sang minit ehu, oh mwurin mwo, peidek oh pasapeng kan.