Kousapahl En Theocratic Ministry Sukuhl
Kousapahl wet me pid padahk kan me kitail sukuhlikier nan Theocratic Ministry Sukuhl erein wihk en September 3 lel December 24, 2001. Doadoahngki ehu doaropwe tohrohr pwehn ntingihdi pasapeng kan uwen me ke kak erein ahnsou me mweimweiong.
[Tehk kanahieng: Ahnsou me kousapahl pahn wiawi, kitail kak doadoahngkihte neitail Pwuhk Sarawi. Reference kan me ntingdi mwurin peidek kan kak kadoadoahk ni pein atail ahnsou. Me pid reference kan en The Watchtower, pali oh parakrap kan sohte kin kileledi ahnsou koaros.]
Ke pahn sapeng Pwung de Sapwung:
1. Pwehki pwoson kin wia kisehn wahn ngehnen Koht, met kin wehwehki me aramas me sohte ahneki pwoson sohte mwahuki ngehnen Koht en kamwekid arail mour, de re wia met pwehki kahrepe sapwung kan de re kin pelianda ngehnen Koht oh sohte kin mweidong ngehnen Koht en kamwekid arail mour. (Luk 11:13; Kalesia 5:22) [rs p. 129 par. 1]
2. Melkahka 58:4 kin kasalehda me mahn sineik me adaneki “kopra”—mie ‘salengarail’ ahpw re sohte kin doadoahk pwe re uhdahn sohte kak rong wasa. [Wadawad en Paipel erein wihk; kilang Rbi8 p. 1583.]
3. “Karis laud” en lih kan me Melkahka 68:11 kin koasoia kin wehwehki lidu kan (lihen mehn liki kan) me ohlen Israel akan kin parokedi ahnsou me re kalowehdi wehin liki kan oh re mweidohng lih pwukat en saledekla. [Wadawad en Paipel erein wihk; kilang w86 10/15 p. 30 par. 6.]
4. Ma e kileledi ong emen emen kitail iahd oh iaduwen kitail pahn mehla, kitail sohte anahne kanahieng pwehn dehr lelohng irair kan me keper ong atail mour de irair kan me kin kauwehla atail roson en paliwar, oh soahng pwukat sohte pahn pid ma emen pahn mehla de soh. [rs p. 138 par. 3]
5. Sapwellimen Pohl mahsen “ke dehr mweidohng emen en mwamwahlikin uhk pwehki omw pwulopwul” kin kasalehda me Timoty me wia emen pwulopwul (teenager de sounpahr 20 samwa) ahnsowo. (1 Tim. 4:12) [w99 9/15 p. 29 pars. 1-3; p. 31 par. 2]
6. Nin duwen dahme ntingihdi nan Melkahka 110:1, “ei Kaun” kin wehwehki Sises. [Wadawad en Paipel erein wihk; kilang w94 6/1 p. 28 par. 5.]
7. Nan pwuhken Melkahka, mwaren Siohwa kin pwarada mpen pak 700, oh mwaren Siohwa ni mwotomwot: “Jah” kin pwarada pak 43, eri, met wehwehki me mwaren Siohwa kin pwarada pak 5 (average) nan ehuehu melkahka. [si p. 104 par. 23]
8. Mendahki Pwuhk Sarawi kin mahsanih me Sises kin mwareneki “emen koht” oh pil “Koht kehlail men” ahpw sohte wasakis nan Paipel Sises kin mwareneki “Koht Wasa Lapalahpie.” (Sohn 1:1; Aiseia 9:6; Sen. 17:1) [rs p. 150 par. 2]
9. Ahnsou me kitail pahn onopki pwuhken Lepin Padahk kan, ni mehlel, kitail kin onopki sapwellimen Solomon erpit. [si p. 106 par. 1]
10. Kaweid en Paipel, me dierek nan Lepin Padahk 21:17, en dehr “mourenki kamadipw” kin kasalehda me e sapwung en mwadong de ahneki peren sang mehn kamweit oh soahng pwukat pwehki mehpwukat kin kihsang atail ahnsou sang soahng kan me kesempwal. [Wadawad en Paipel erein wihk; kilang w97 10/1 p. 27 par. 7.]
Wia ahmw pasapeng ong peidek pwukat:
11. Kaweid me Sises kihong Marda kin kasalehda dah? (Luk 10:40, 41) [w99 9/1 p. 30 par. 7]
12. Soangen “lingan” dahieu me Siohwa kupwurki sounmelkahka en ahneki? (Mel. 73:24) [Wadawad en Paipel erein wihk; kilang w86 12/15 p. 28 par. 3.]
13. Iaduwen sounmelkahka kin kilangwong wiewia kan me pid eh kaudok ong Siohwa nin duwen Melkahka 84:1-3 kasalehda? [Wadawad en Paipel erein wihk; kilang w97 3/15 p. 8 pars. 5-7.]
14. Iaduwen Kaudiahl 22:17 oh Rom 2:4, 5 kin kasalehda me Siohwa sohte kin mwahngih soahng koaros mwohn e wiawi oh E pil sohte kin koasoanehdi soahng koaros me aramas kin wia? [rs p. 141 pars. 1-2]
15. Pwehki Kristian akan en mahs kin kamehlele duwen Krais a pahn kaunda erein pahr kid me pwuhken Kaudiahl kin kasalehda, dahme kahrehda irail me kin lahlahwe padahk mehlel soikala padahk wet mwuhr? [w99 12/1 p. 6 par. 3–p. 7 par. 5]
16. Soangen wiewia dah kan Kristian kan pahn liksang me pid “nsenohki mehteikan”? (Pilipai 2:4) [w99 12/1 p. 29 par. 1]
17. Ia wehwehn Melkahka 128:3 me mahsanih duwen seri kan kin “rasehng tuhke olip” kapilpene tehpel en pahpa/nohno? [Wadawad en Paipel erein wihk; kilang w00 8/15 p. 30 par. 4.]
18. Ma kitail pehm me wia doadoahk en Koht kin sewese kitail en wauneki Ih, iaduwen e pahn kamwekid kitail? (Mel. 139:14) [Wadawad en Paipel erein wihk; kilang w93 10/1 p. 15 par. 18.]
19. Dahme kahrehda Lepin Padahk 5:3, 4 kin karasaiong lipwen dipen nenek de kamwahl ong mehkot me “katik duwehte wormwood” oh “kamedek duwehte kedlas me au riau”? [Wadawad en Paipel erein wihk; kilang w00 7/15 p. 29 par. 2.]
20. Nin duwen dahme Lepin Padahk 14:29 kin kasalehda, iaduwen dehdehki pahn sewese kitail en liksang soahng kan me kin wiawi ma kitail sohte kasalehda kanengamah oh kitail lingeringer daulihla? [Wadawad en Paipel erein wihk; kilang w97 3/15 p. 13 pars. 7-8.]
Ntingihdi lepin lokaia de lepin lokaia kan me konehng pwehn kaunsekehla koasoio pwon:
21. Soukohp mehlel kan kin kohpada _________________________ oh kin kasansalehda _________________________ . (Deud. 18:18-20; 1 Sohn 4:1-3) [rs p. 132 par. 3; p. 133 par. 2]
22. Lepin Padahk ntingdi pwehki kahrepe riau—pwehn padahkiong aramas duwen _________________________ oh pil kihda _________________________ . (Lepin Padahk 1:1-4) [w99 9/15 p. 13 par. 1]
23. “Wasahn ruk rehn Kauno” kin wia wasahn _________________________ ong irail akan me kin uhpali Koht me pid duwen _________________________ ; e kin wia mehkot “rir” ong aramas me _________________________ . (Mel. 91:1) [Wadawad en Paipel erein wihk; kilang w86 12/15 p. 29 par. 6.]
24. ‘Dehr manokehla sapwellimen Siohwa wiewia kan koaros’ kin wehwehki me kitail pahn _________________________ duwen “sapwellime wiewia kan,” sapwellime wiewiahn limpoak oh kadek me Melkahka 103 kin kawehwehda. (Melkahka 103:2) [Wadawad en Paipel erein wihk; kilang w99 5/15 p. 21 pars. 5-6.]
25. Lepin padahk kin wia lepin koasoi ehu me kin doadoahngki _________________________ oh kin sewese _________________________ . [si p. 107 par. 6]
Pilada pasapeng pwung nan ehu ehu sentence kan:
26. Mendahki Depit ahneki kahrepe mwahu en lingeringer pahn Sohl, e kin kanengamah pwehki (e wehwehki me Sohl kin wia aramas soh unsek oh e wehwehki me sapwellimen Koht ladu kan anahne en mahk ong meteikan; e medemedewe me e sohte men wia mehkot me pahn kauwehla ah nanpwung mwahu rehn Siohwa; e wehwehki me e pahn sapwung en kadeikada Sohl). (1 Sam. 24:6, 15) [w99 8/15 p. 8 par. 7]
27. (Erpit; Kaiahn; Pwung) kin wehwehki patpenehn irair tohto, iangahki wehwehki, loalokong, kanahieng, oh doadoahngki ahmw madamadau; (kamwahu; dehdehki; doadoahngki ahmw loalokong) kin wehwehki koahiek en kilang mehkot oh wehwehki duwen soahng oaritik kan me kahrehda e wiawi, oh uhdahn wehwehki mehkot. (Lepin Padahk 1:1-4) [w99 9/15 p. 13 par. 2]
28. Kehl me Sosep ahneki kahrehda e sohte lohdi pahn kasongosong kan me kohsang en Podipar eh pwoud en wendi reh kohsang (ah wehwehki Kosonned en Moses, me kasalehda me nenek oh kamwahl me sapwung; e wauneki pwukoa toutou en Podipar; e kesempwaliki eh nanpwung mwahu rehn Siohwa). (Sen. 39:7-9) [w99 10/1 p. 29 par. 3]
29. E sansal me sounmelkahka en Melkahka 119 kin kesempwaliki (Mahsen en Koht me wehwehki kosonned en Koht; kisakis en mour; koapworopwor en ale komour), me sounmelkahkao kin koasoia nan Melkahka 119 pwon. [Wadawad en Paipel erein wihk; kilang w99 11/1 p. 9 par. 5; w87 3/15 p. 24 par. 2.]
30. Nan irelaud 1 oh 2 en sapwellimen Pohl kisinlikou ong (mehn Rom kan; mehn Kalesia kan; mehn Ipru kan), kitail diar me Pohl kin doadoahngki lepin koasoi tohto sang Melkahka me koasoia (pwukoa ileile; papidais; doadoahk en kalohk) en Sises Krais. [si p. 105 par. 28]
Pilada mehnia iren Paipel me pahn pahrekiong sentence kan: Lepin Padahk 2:19; 14:15; 18:17; Rom 10:17; Ipru 13:18
31. Pwehn ahneki pwoson, emen anahne wehwehki mahs dahme Paipel kin mahsanih oh kasawihada audepen Paipel ni keneinei. [rs p.130 par. 3]
32. Kristian kan sohte kin iang wiewiahn pisnis me sohte kin mehlel oh kin pohnsehsehla pepehm en meteikan. [w99 9/15 p. 10 par. 2]
33. Irail akan me kin wia dipen nenek de kamwahl ele mwein pahn kakete mehla. [w99 11/15 p. 27 pars. 4-5]
34. Emen me ahneki erpit oh dehde kin medemedewe duwen lipwen eh wiewia kan oh sohte kin idawehn dahme meteikan kin wia pwehki e wia mehkot ndand. [Wadawad en Paipel erein wihk; kilang g94 12/8 p. 16 par. 1.]
35. Mendahki ma kitail rong dahme emen kin nda duwen kahpwal me wiawi nanpwungen riemen de pwihn riau oh dahme e koasoia me mwomwen pwung oh wehwe, e pahn wia elen loalokong en rong pali koaros en ireo mwohn ke pahn wiahda ahmw pilipil ihs me pwung. [si p. 111 par. 36]