Kalohk—Lelohng Ni Irepen Sampah
Ihs me pahn keieu perenki en pwurpwurehng kilang pak tohto video cassette me oaralap koasoia To the Ends of the Earth? Irail me kin akadeiong wiahla misineri kan ehu rahn. Pwekihda? Pwehki video cassette wet pahn sewese irail en wehwehki mwahu duwen Watchtower Bible School of Gilead. Video cassette wet wiawihda pahr 50 mwurin sukuhl tohrohr wet tepida, oh re wiahda sukuhl wet pwehn kalaudehla doadoahk en kalohk pwehn “lelohng ni irepen sampah.” (Mel. 22:27) Ni ahnsou me ke pahn kilang video cassette wet, ahmw kalahnganki doadoahk en kalohki Rongamwahu oh wehwehki me doadoahk wet inenen kesempwal pahn laudla oh met pahn kamwekid uhk en kalaudehla dahme ke wia nan doadoahk en kalohk. Menlau medemedewe duwen peidek pwukat: (1) Ni tepin pahr 1940, dahme sapwellimen Siohwa pwihn kin keieu nsenohki? (Wiewia 1:8) (2) Nan 1942, mehnia kokohp en Paipel wie pweipweida, oh iaduwen dahme Sounkadehdehn Siohwa kin medemedewe duwen dahme pahn wiawi kin weksang dahme pali laud en tohnsampah kin medemedewe? (Kaudiahl 17:8; w89 4/15 p. 14 par. 12) (3) Koasoandi dahieu wiawi pwehn doadoahngki mwahu ahnsoun meleilei mwurin Mahwen Keriau en Sampah pahn imwisekla? ( jv p. 522 pars. 1-2) (4) Irair mwahu dah kan ke kin kilang rehn irail me wia tepin tohnsukuhl kan en Gilead School (first class)? (5) Tohnsukuhl depe me kesepwil sang Gilead School erein tepin pahr 50 ko, oh tohnsukuhl pwukat kohla lel sahpw depe pwehn kalohk? (6) Ia uwen laud tohnsukuhl kan kin sukuhliki duwen Paipel erein ahnsou me re mihmi nan Gilead School? (7) Soangen aramas dah pahn wiahki misineri mwahu men oh sounpadahk mwahu men? (8) Ia mwomwen mour en misineri, oh soangen kahpwal dah kan re kin lelohng? (9) Iaduwen misineri kan kin kilangwong arail mour, oh soangen peren tohrohr dah kan me re kin ahneki pwehki arail tohnmetei pein arail mour ong kalohk nin duwen misineri men? (10) Dahme misineri kid kid kei wia sangete mahs lel met? Kihda karasepe kan. (11) Ia pein ahmw pepehm duwen brother oh sister kan me kin kalohk “lelohng ni irepen sampah”? (12) Dahme mehn kahlemeng mwahu en misineri kan kin kamwekid uhk en wia, oh pwekihda?