“Katohrehsang Ekis Mwohni”

Nan mwomwohdiso en Kristian en keieun senturi, mie anahn akan en dipwisou me tohnmwomwohdiso anahne kihda. Pwehki irail koaros kin ale neirail mwohni, e kangoang koaros en “katohrehsang ekis mwohni” pwehn sewese kaitarala anahn pwukat. (1 Kor. 16:​1-3) Pwehki re kin kihda arail sawas ni kadek sapan, irail koaros perenki pwe re kin “kapingkalahngan ong Koht sang rehn me tohto.”​​—⁠2 Kor. 9:​11, 12.

Rahnwet, sapwellimen Siohwa aramas akan kin wia doadoahk ehu me kin ahnsou koaros kekeirada, oh anahn ong sewese doadoahk wet kin lalaudla ahnsou koaros. E pil pahn konehng kitail en kaukaule “katohresang ekis mwohni” pwehn kaitarala anahn pwukat. (2 Kor. 8:​3, 4) Kitail kak kihda atail sawas ni ahl tohto. (Menlau tehk Watchtower (lokaiahn wai) en November 1, 2001, pali 28 oh 29.) Ma kitail kin kilangwong atail pwukoa en kihda atail sawas ni ahl me pwung, kitail pahn ahneki peren mehlel.​​—⁠Wiewia 20:⁠35.