Koasoandi En Service Mihding
Wihk me Tepida April 8
13 min: Pakair kan en sahpwet. Ekei pakair kan sang Atail Doadoahk Ong Wehio. Kangoange koaros en kilang video cassette me oaralap koasoia Young People Ask—How Can I Make Real Friends? pwehn kaunopada ong Service Mihding en wihk me tepida April 22. Oh pil, koasoanehdi kamwomwada riau me sounkalohk kan pahn doadoahngki padahk kan me mihmi ni pali 8—emen sounkalohk pahn kihla Watchtower en April 15 oh pil emen pahn kihla Awake! en April 22. Nan ehuehu kamwomwada, kasalehda dahme kitail kak nda ahnsou me tohnihmw pahn nda: “Mie pein ahi pelien lamalam.”—Kilang pwuhken Reasoning, pali 18-19.
12 min: Anahn en sahpwet.
20 min: “Wia Mwahu Ong Aramas Koaros.”a Mwurin ke wia parakrap akan ni peidek oh pasepeng kan, interview sounkalohk emen de riemen me kak kasalehda iaduwen re kalaudehla arail ahnsoun kalohk.
Koul 68 oh kapakap.
Wihk me Tepida April 15
10 min: Pakair kan en sahpwet. Ripoht en mwohni.
15 min: Pioneer kan Sewese Meteikan. Sounapwalih en Kalohk pahn koasoiong emen brother me kin wia Pwuhk Study en Mwomwohdiso, emen pioneer, oh emen sounkalohk. Sounapwalih en Kalohk pahn kousapahlih prokram me adaneki “Pioneer kan Sewese Meteikan” nin duwen me sansalda nan Atail Doadoahk Ong Wehio en October 1998, pali 8. Mwurin mwo, e pahn koasoiong emen emen irail duwen arail pwukoa nin duwen prokram wet oh iaduwen re pahn kak pweida mwahu ni ahnsou me re kapwaiada arail pwukoa. Dahme wiawiher pwe prokramo en pweida mwahu? Sounapwalih en Kalohk pahn luhke sounkalohk koaros en kehsehkin ih ma re men ale sawas nan kalohk. Irail me iang alehdi sawas rahn teio kakete pil pwurehng ale sawas nan pil ehu wiepen kalohk.
20 min: “Peren kin Kohsang Iang Doadoahk en Regular Pioneer.”b Kangoange me pwulopwul kan me papidaislahr en kapedolong neirail doaropwe en Auxiliary Pioneer nan sounpwong kohkohdo kan (sounpwong kan en spring oh summer).
Koul 98 oh kapakap.
Wihk me Tepida April 22
10 min: Pakair kan en sahpwet. Koasoanehdi kamwomwada riau me pahn doadoahngki padahk kan me mihmi ni pali 8, keieun kamwomwada—emen Ministerial Servant pahn kihla Watchtower en May 1 oh mwurin mwo, keriaun kamwomwada—emen sister pahn kihla Awake! en May 8. Mwurin kamwomwada pwukat, pwurehng kasalehda dahme re nda nin tepio (sentence keieu oh keriau) pwehn kasalehda iaduwen re kahrehong tohnihmw en perenki rong.
10 min: Ken Mwadang! Padahk ieu. Wiewia kan me pid atail kaudok nin duwen atail kin papah Siohwa kin kesempwal, eri kitail anahne “koasoanehdi atail ahnsou” ong wiewia pwukat. (Ekl. 3:1) Kitail men ale uwen kamwahu kan me kitail kak sang koasoandi pwukat. Kitail koaros wehwehki kuloak depe mihding kan en mwomwohdiso oh mihding kan ong tuhpene en kalohk kin tepikihda. Siohwa sohte kin pwand ong wia dahme E ketin koasoanehdi. (Apakuk 2:3) Kitail anahne kamwahuwihala pein kitail ni ahl wet? Mehlel, ekei pak, soahng kan kin pwarada oh kitail kakete pwand. Ahpw, ma kitail koasoanehdi atail koasoandi kan mwahu, kitail sohte pahn kalap pwand, duwehte lelodohng mihding mwurin koul oh kapakap me kin tepikihda mihding nekier de lelodohng wasahn kalohk mwurin koasoandi en kalohk kan nekier. Koasoia duwen ekei ahl kan me kak sewese kitail en koasoanehdi atail ahnsou pwe kitail pahn mwadang lelodohng Kingdom Hall oh wasahn tuhpene en kalohk oh soangen koasoandi teikan.—Kilang Watchtower en June 15, 1990, pali 29.
25 min: “Re Uhdahn Mwekidki Arail Kilang Video Cassette wet!”c Ahnsou me ke wia parakrap 1, mweidohng tohnmwomwohdiso en kasalehda ekei arail pepehm kan me pid video cassette me oaralap koasoia Young People Ask—How Can I Make Real Friends? Mwurin mwo, wia peidek kan nan parakrap 2-7 oh mweidohng tohnmwomwohdiso en sapeng. Nan June, kitail pahn kousapahlih video cassette me oaralap koasoia Our Whole Association of Brothers.
Koul 85 oh kapakap.
Wihk me Tepida April 29
10 min: Pakair kan en sahpwet. Katamankin sounkalohk kan en kapedolong neirail ripoht en kalohk ong April.
15 min: “Kalohki Wehin Koht Kak Doarehla Aramas akan!”d Idek rehn tohnmwomwohdiso kan dahme re lemeleme duwen wehwehn iren Paipel kan.
20 min: Research Ni Ahmw Doadoahngki Pwuhken Reasoning. Tohnmwomwodiso pahn iang koasoi. Ekei pak, tohnihmw kan kin wia peidek kan ong kitail me sohte mihmi pahnangin oaralap me koasoia “Principal Subjects” nan pwuhken Reasoning (pali 5-6). Kitail kak doadoahngki “Index” (pali 439-445) pwehn diar mehnia iren Paipel kan kitail kak doadoahngki pwehn kasalehda dahme kitail kin kamehlele. Luhke tohnmwomwohdiso en rapahki pasapeng en peidek pwukat ni arail pahn tehk lepin lokaia kan me ntingihdi wasaht ni nting pinipin: Dahme Kristian kan kin kamehlele duwen national anthems (koul en wehi kan) oh flags (pilaik)? Dahme kahrehda Koht kin mweidohng disasters (melimel, rerrer en sahpw, lapake kan) en wiawi? Iaduwen ke kak kawehwehda duwen dahme Paipel kin mahsanih duwen divorce (mweipeseng)? Dahme kahrehda oh ahnsou dah kan sister kan anahne doadoahngki head covering (koaduhpwaldi moange)? Iaduwen Mother’s Day (rahn en kasarawi nohno kan) tepida? Iaduwen kitail ese me 144,000 uhdahn nempehn irail me pahn kohdahla nanleng me sansal nan Pwuhk Sarawi? Ia wehwehn karasaras me koasoia duwen rich man and Lazarus (ohl kepwehpwe oh Lasarus)? Kangoange koaros en doadoahngki neirail pwuhken Reasoning nan kalohk.
Koul 34 oh kapakap.
Wihk me Tepida May 6
10 min: Pakair kan en sahpwet. Koasoia artikel me oaralap koasoia “En Alehte Kamwahu kan me Kohsang The Watchtower oh Awake!”
10 min: Koasoanehdi Mwowe Ong Sounpwong en Summer kan (June, July oh August). Emen brother pahn wia padahk wet oh tohnmwomwohdiso pahn iang koasoi. Kasalehda duwen wiewia kan me pahn kak wiawi nan sounpwong en summer kan duwehte: Auxiliary Pioneer sounpwong ehu de tohto sang, kamwahuwihala nan imwamwail kan oh likin imwamwail kan, oh mwein seiloak de koasoanehdi mwadong de mehn kamweit. Luhke ekei tohnmwomwohdiso en kasalehda arail koasoandi kan ong summer oh iaduwen re pahn koasoanehdi arail ahnsou pwehn dehr katiasang onop en peneinei, kaukaule iang mihding kan koaros, oh kaukaule iang kalohk, mendahki kumwail seiloak wasakis. Ma mie wasakis nan wasahn kalohk en ahmw mwomwohdiso me sounkalohk kan sohte kin kalap kalohk ie, pakairki koasoandi kan pwehn kalohk wasa pwukat. Katamankin koaros me re anahne mwadang kapedolong neirail riport en kalohk ni imwin sounpwong kan, mendahki ma re seiloak de soh.
25 min: “Peneinei kan me Kehlail ni Pali Ngehn—Iaduwen Met Kak Wiawi?”e Mwurin ke koasoia duwen artikel wet, kasalehda ekei ekspiriens kan sang Watchtower (lokaiahn wai) en February 15, 1999, pali 10-12.
Koul 8 oh kapakap.
[Nting tikitik me mi pah]
a Tepin koasoi pahn mwotomwot sang minit ehu, oh mwurin mwo, peidek oh pasapeng kan.
b Tepin koasoi pahn mwotomwot sang minit ehu, oh mwurin mwo, peidek oh pasapeng kan.
c Tepin koasoi pahn mwotomwot sang minit ehu, oh mwurin mwo, peidek oh pasapeng kan.
d Tepin koasoi pahn mwotomwot sang minit ehu, oh mwurin mwo, peidek oh pasapeng kan.
e Tepin koasoi pahn mwotomwot sang minit ehu, oh mwurin mwo, peidek oh pasapeng kan.