Koasoandi En Service Mihding

Wihk me Tepida July 8

Koul 89

15 min: Pakair kan en sahpwet. Ekei pakair kan sang Atail Doadoahk Ong Wehio. Koasoanehdi kamwomwada riau me pahn kasalehda iaduwen kitail pahn kihla Watchtower en July 15 oh Awake! en July 22 ni sounkalohk kan pahn doadoahngki mehn sawas kan ni pali 4. Nan kamwomwada kan, kasalehda dahme kitail kak nda ma aramas akan pahn nda: “Kiht kin wia Kristian kan wasaht.”​—Tehk pwuhken Reasoning, pali 19.

10 min: Koakon en Peidek. Emen elder pahn wia padahk wet oh e pahn kasalehda iaduwen tohnmwomwohdiso kan kak doadoahngki pasapengpen peidek wet.

20 min: Koasoanehdi Mwahu Ahmw Koasoandi kan Pwehn Kalohk Ni Ahnsou Sohte Lipilipil. Tohnmwomwohdiso koaros kak kasalehda duwen ire kan me kileledi nan pwuhken Our Ministry, pali 93-94. Koasoanehdi kamwomwada mwotomwot kan sang pali 3 en insert en Atail Doadoahk Ong Wehio en January 2002, oh kasalehda ahl riau de siluh iaduwen kitail kak kalohk ong aramas akan me kitail sehse, mehn mpomw, ahmw peneinei, de emen ke ese sang sukuhl de doadoahk oh wasa teikan.

Koul 59 oh kapakap.

Wihk me Tepida July 15

Koul 61

10 min: Pakair kan en sahpwet. Ripoht en mwohni.

15 min: Anahn en sahpwet.

20 min: Kahrepe Mwahu kan en Doadoahngki Paipel Nan Kalohk. Padahk oh tohnmwomwohdiso pahn iang pasapeng. Sises mwahngih iren Paipel kan oh kin kalap doadoahngki irail ahnsou me e kin padahk. (Luk 24:27, 44-​47) Dahme e kin padahki sohte kohsang pein ih. (Sohn 7:​16-​18) E pil kin kesempwal me kitail kin doadoahngki Mahsen en Koht. Mahsen en Koht kin manaman laud sang soahng kan me kitail kin pein nda. (Sohn 12:49, 50; Ipru 4:​12) Mehn kamweit oh koapworopwor me kin mihmi nan Pwuhk Sarawi kin kahrehong aramas mehlel kan en men rong Mahsen en Koht. Kitail en wiahda atail mehn akadei en wadek iren Paipel ehu nan ahmw padahk. Kasalehda me mie iren Paipel kan nan padahk kan ni pali 4 en Atail Doadoahk Ong Wehio. Idek rehn tohnmwomwohdiso kan iaduwen re kin doadoahngki Paipel nan kalohk oh ia imwilahn met ong pein irail oh irail me kin rong arail padahk kan.

Koul 96 oh kapakap.

Wihk me Tepida July 22

Koul 22

10 min: Pakair kan en sahpwet. Emen pahpa de nohno iangahki emen nah seri kin ehu nan kalohk oh emen ira pahn kasalehda iaduwen kitail kak kihla Watchtower en August 1 oh meteio kak kasalehda iaduwen kitail kak kihla Awake! en August 8 ni ara kin doadoahngki padahk kan me mihmi ni pali 4 en Atail Doadoahk Ong Wehio en sounpwonget. Kangoange pahpa oh nohno kan en kaiahne neirail seri kan nan kalohk.

17 min: Dahme Ke Pahn Nda Ma Aramas Emen Idek Rehmw Duwen Islam? Padahk oh kamwomwada. Ni ahmw doadoahngki pwuhk me oaralap koasoia Mankind’s Search for God (irelaud 12), kasalehda ni mwotomwot iaduwen Paipel oh Koran kin wekpeseng. (Kilang koakon ni pali 285.) Kasalehda iaduwen padahk en Islam me pid “soul” (pali 297-300) oh padahk en Paipel me pid duwen “soul” (kilang footnote ni pali 299) kin wekpeseng. Ni e pahn doadoahngki pwuhken Reasoning, pali 375 - 379, koasoanehdi kamwomwada me sounkalohk men pahn kawehwehong aramas kapw me perenki rong duwen dahme Paipel mahsanih duwen soul.

18 min: Iaduwen I Kak Pere Pein Ngehi Sang Keper kan me Pid Internet? Padahk me poahsoanehda pohn Awake! en January 22, 2000, pali 19-21, oh tohnmwomwohdiso pahn iang pasapeng. Kasalehda duwen keper kan me kin pwarada ma emen kin sohte kanahieng doadoahngki Internet, oh kawehwehda iaduwen kitail kak powehdi kasongosong kan me pid doadoahngki Internet. Luhke tohnmwomwohdiso en koasoia iaduwen irail paiekihda sang arail doadoahngki kaweid wet.

Koul 47 oh kapakap.

Wihk me Tepida July 29

Koul 20

10 min: Pakair kan en sahpwet. Katamankin sounkalohk kan en kapedolong neirail ripoht en kalohk en July.

10 min: “Prokram Kapw en Kapokon en Circuit.” Padahk. Pakairki rahn en Kapokon en Circuit me pahn wiawi ni sounpwong kohkohdo kan. Kangoange koaros en iang towehda kapokono oh rong kanahieng prokramo. Kangoange sounkalohk kan me saikinte papidaisla en medemedewe duwen dahme re anahne wia pwehn papidais. Kitail en nantihong luhke aramas akan me kin onop Paipel rehtail en iang towehda kapokono.

25 min: “Miniminpene oh Sawaspene Nanpwungamwail.”a Ni ahnsou me ke koasoia parakrap 3, kasalehda ire kesempwal kan sang Awake! en April 22, 2000, pali 9-​10. Ni ahnsou me ke koasoia parakrap 4, kasalehda ire kesempwal kan sang Watchtower (lokaiahn wai) en April 1, 1995, pali 16-​17, parakrap 4-6.

Koul 36 oh kapakap.

Wihk me Tepida August 5

Koul 17

10 min: Pakair kan en sahpwet.

20 min: “Kapokonpene Aramas akan me Kin Doadoahngki Soangsoangen Lokaia Koaros.”b Koasoia ire kesempwal kan sang Watchtower (lokaiahn wai) en April 1, 2002, pali 24. Ma konehng, ni mwotomwot kawehwehda dahme sounkalohk kan kin wia (nan pein ahmw wasa) pwehn kalohk ong irail me doadoahngki lokaia kan me weksang pein ahmw lokaia, oh koasoanehdi kamwomwada ehu me sounkalohk men pahn doadoahngki padahk nan parakrap 4.

15 min: Ekspiriens Mwahu kan Nan Pein Ahmw Wasa. Luhke tohnmwomwohdiso kan en kasalehda arail ekspiriens mwahu kan ahnsou me re Auxiliary Pioneer, de wia mehkot me pid arail pali ngehn sang tepin summer (June) lel met.

Koul 7 oh kapakap.

[Nting tikitik me mi pah]