Koasoandi En Service Mihding
Wihk me Tepida September 9
13 min: Pakair kan en sahpwet. Ekei pakair kan sang Atail Doadoahk Ong Wehio. Koasoanehdi kamwomwada riau me pahn doadoahngki padahk kan me mihmi ni pali 8 oh kasalehda iaduwen kitail kak kihla Watchtower en September 15 oh pil Awake! en September 22. Nan kamwomwada koaros, kasalehda dahme kitail kak nda ma tohnihmw pahn nda: “I sohte kin perenki rong sang Sounkadehdehn Siohwa kan.”—Kilang pwuhken Reasoning, pali 17-18.
20 min: “Sewese Meteikan en Kalinganahda Siohwa.”a Ma mie ahnsou, kasalehda ire ehu de riau me kitail kak doadoahngki sang nan pwuhken Reasoning, pali 196-199.
12 min: Kapokon en District me oaralap koasoia “Sounkalohk Ngoang kan en Wehio.” Emen elder pahn kasalehda kesempwalpen atail iang towehda rahno pwon, ntingihdi ire kesempwal kan, oh kasalehda tiahk mwahu ni kapokono. Kihda pil ekei mehn kataman kan me pid duwen pein sapwomw.
Koul 43 oh kapakap.
Wihk me Tepida September 16
10 min: Pakair kan en sahpwet. Ripoht en mwohni. Kangoange koaros en kousapahlih ire kesempwal kan me re ntingihdi sang Kapokon en Circuit me wiawi pahr me neko pwehn kaunopada ong Service Mihding en wihk kohkohdo.
18 min: Dahme Kitail Wia Pahr Me Neko Me Pweida? Sounapwalih en Kalohk pahn wia padahk wet. Kasalehda dahme kitail wia me pweida mwahu nan ripoht en mwomwohdiso nan Pahr en Kalohk 2002. Kapinga koaros pwehki soahng mwahu kan me pweidahr. Kasalehda ia mwomwen tohnmwomwohdiso kan kin wia me pid iang towehda mihding kan, pwurehng pwurala rehn aramas me perenki rong, onop en Paipel en aramas teikan, iang doadoahk en Auxiliary Pioneer, oh mwuri kasalehda mehn kaweid kan ong ia mwomwen kitail kak kekeirada. Koasoanehdi mehn akadei mwahu kan ong pahr kohkohdo.
17 min: Kahpwal akan me Kin Lelohng Irail Pahpa kante de Nohno kante me kin Apwalih Neirail Seri kan. Emen elder kin interview emen de riemen me irailte me kin apwalih neirail seri kan (de pahpa de nohno me arail pwoud sohte iang pwoson) pwehn kilang iaduwen re kin powehdi kahpwal kan me pid kaiahne oh kaweidih (pil pali ngehn) neirail seri kan. Iaduwen re kin kapwaiada arail pwukoah kan? Kasalehda iren sawas kan me mihmi nan pwuhk me oaralap koasoia The Secret of Family Happiness, pali 111. Pil kasalehda dahme meteikan kak wia pwehn sewese pahpa oh nohno pwukat.
Koul 76 oh kapakap.
Wihk me Tepida September 23
10 min: Pakair kan en sahpwet. Emen elder pahn wia kamwomwada me pahn kasalehda iaduwen kitail kak doadoahngki padahk ni pali 8 pwehn kihla Watchtower en October 1 oh emen Ministerial Servant pahn wia kamwomwada me pahn kasalehda iaduwen kitail kak doadoahngki padahk ni pali 8 pwehn kihla Awake! en October 8. Mwurin kamwomwada koaros, brother me wia pwais wet pahn pwurehng kasalehda duwen tepin sentence riau me ira koaros doadoahngki pwehn kak ese iaduwen kitail kak kahrehong tohnihmwo en men rong.
10 min: Anahn en sahpwet.
25 min: “Lemmwiki Koht oh Kapinga Ih.” (Kaudiahl 14:7, New World Translation) Padahk oh tohnmwomwohdiso pahn iang koasoia duwen Kapokon en Circuit me wiawi nan Pahr en Kalohk me ahpwtehn nek. Luhke tohnmwomwohdiso en koasoia ire kesempwal kan me re sukuhliki oh iaduwen pein irail doadoahngki ire pwukat de iaduwen irail doadoahngki ire pwukat nin duwen peneinei kan. (Brother me wia pwais wet kak koasoanehdi mwowe pwe ekei nan mwomwohdiso kak kaunopada dahme re pahn nda.) Keieu koasoia padahk kan me oaralap kan koasoia: (1) “Sewese Irail me Kapw kan en Lemmwiki Koht.” Iaduwen kitail kak sewese irail me kapw kan me iang towehda Kataman en kekeirada ni pali ngehn oh wiahla sapwellimen Siohwa ladu kan me kin ngoangki papah Ih? (2) “Lemmwiki Siohwa Wehwehki Kailongki Me Suwed.” (w87 4/15 16-18) Iaduwen Lepin Padahk 6:16-19 kin sewese kitail en kailongki soahng kan me Siohwa kin kalahdeki—aklapalap, likamw, nantihong kepwehpwehla, mehn kamweit me sohte mwahu, doadoahngki Internet ni ahl sapwung? (3) “Karanih Irail kan me Ke Limpoak ong.” Kitail kin limpoak ong Siohwa, Sises, atail peneinei, tohnmwomwohdiso; iaduwen karanih irail pahn kak pere kitail sang suwed kan me kohsang sampah? (4) “Lemmwiki Siohwa, Kaidehn Aramas akan.” Iaduwen ahmw sohte men kansensuwedih Siohwa sewese iuk en powehdi ahmw namenek ahnsoun kalohk, idawehn kaweid me kohsang Koht nan doadoahk oh sukuhl, de powehdi kahpwalo ahnsou me ahmw kaunen doadoahk kin uhwong ahmw koasoandi en iang towehda mihding kan koaros, oh pil iang rahn koaros en kapokon kan? (5) “Mehkoaros me Kumwail Kin Wia, Kumwail Wia ong ni Kalinganpen Koht.” (Melkahka 119:37; Ipru 4:13) Dahme kahrehda atail lemmwiki Koht pahn sewese kitail en dehr nim sakau en wai daulihla, kilang kilel kilisou kan, de wia soangen tiahk kan me suwed oh me kin wiawi ni rir? (6) “Kaukaule Kekeid ni Ahmw Pahn Lemmwiki Siohwa.” Iaduwen Siohwa kapaiadahr uhk pwehki ahmw kin mweidohng sapwellime ngehn sarawi en doadoahk nan ahmw mour?—Mel. 31:19; 33:18; 34:9, 17; 145:19.
Koul 63 oh kapakap.
Wihk me Tepida September 30
12 min: Pakair en sahpwet. Katamankin sounkalohk kan en kapedolong neirail ripoht en kalohk en September. Koasoia koakon me oaralap koasoia “Menlau Kanahieng.”
15 min: Dahme Kin Kahrehong Neitail Makisihn kan en Weksang Makisihn Teikan? Padahk oh tohnmwomwohdiso pahn iang koasoi. Nan October, kitail kin kihla The Watchtower oh Awake! makisihn kan. Kasalehda kahrepe kan me neitail makisihn kan kin weksang makisihn teikan: (1) Irail kin kawauwih mwaren Siohwa. (2) Irail kin kangoange aramas en pwoson Sises. (3) Irail kin pakairki Wehin Koht. (4) Irail kin kasalehda me Paipel kin kaweidih kitail oh sewese kitail en wia pilipil mwahu kan. (5) Irail kin kawehwe iaduwen kokohp en Paipel kin pweida. (6) Irail kin kawehwe duwen wehwehn mwekid en sampah kan. (7) Irail kin kasalehda iaduwen kitail kak powehdi kahpwal en mour rahnwet. (8) Irail kin kahrehong aramas sohte lipilipil en men wadek artikel kan. (9) Irail sohte kin uhpalihki ehu wehi nan sampah. Koasoanehdi kamwomwada mwotomwot riau, me pahn kasalehda iaduwen ehuehu ire pwukat powe kitail kak doadoahngki pwehn tepiada atail koasoiong aramas akan.
18 min: “Kasalehda me Kitail Kalahnganki Neitail Paipel kan oh Sawaspen Paipel kan.”b Emen elder pahn wia pwais wet. Koasoia duwen dahme tohnmwomwohdiso kilang nan pein ahmw wasa oh dahme tohnmwomwohdiso kak wia pwehn doadoahngki mwahu neitail pwuhk kan, brochure kan, makisihn kan oh tract kan. Kangoange koaros en tehk mwahu oaht kan me re kin wia pwehn tehk ma re uhdahn anahne pwuhk pwukat. Tamataman duwen atail pwukoah en wia atail sawas en mwohni pwehn utungada doadoahk en kalohk me kin wiawi wasa koaros nan sampah.—Kilang artikel nan Atail Doadoahk Ong Wehio en December 1996, pali 7 me oaralap koasoia: “Kisekisehki Mehteikan Amwail Dipwisou kan Nin Duwen Arail Anahn akan.”
Koul 8 oh kapakap.
Wihk me Tepida October 7
10 min: Pakair kan en sahpwet.
15 min: Tengedihong Padahk Mehlel Nan Sukuhl. Interview sounkalohk pwulopwul emen de riemen me pwurala sukuhl oh re wehwehki me re anahne kanahieng pwehn dehr werekiong arail classmate kan me sohte iang padahk mehlel. Iaduwen re pahn powehdi kahpwal kan oh kasongosong kan me pid prokram kan me kin kasarawi wehi, kahlek kan me kin wiawi nan sukuhl oh prokram teikan me kin pid sampah, mwadong likin dahme kin wiawi ahnsoun sukuhl, oh tiahk suwed kan? Re pil kak koasoia dahme re koasoanehdi ong kalohk nan sukuhl.
20 min: “Kitail en Dehr Nantihong Alehdi ‘Soahng kan me Sohte Katepe.’ ”c Ni ahnsou me ke koasoia parakrap 5, kasalehda duwen ire kesempwal kan me mihmi nan Watchtower (lokaiahn wai) en October 1, 1994, pali 8, koakon.
Koul 44 oh kapakap.
[Nting tikitik me mi pah]
a Tepin koasoi pahn mwotomwot sang minit ehu, oh mwurin mwo, peidek oh pasapeng kan.
b Tepin koasoi pahn mwotomwot sang minit ehu, oh mwurin mwo, peidek oh pasapeng kan.
c Tepin koasoi pahn mwotomwot sang minit ehu, oh mwurin mwo, peidek oh pasapeng kan.