Koasoandi En Service Mihding
Wihk me Tepida December 9
12 min: Pakair kan en sahpwet. Ekei pakair kan sang Atail Doadoahk Ong Wehio. Koasoanehdi kamwomwada kan me pahn kasalehda iaduwen kitail kak kihla Watchtower en December 15 oh Awake! en December 22.
15 min: “Pakapakairki Wehin Koht.” Ni ahnsou me ke pahn koasoia parakrap 3, kasalehda duwen ekei mehn sawas kan me kitail kak doadoahngki ong iaduwen kitail kak wadek sang Pwuhk Sarawi ni ahnsou me kitail pahn kalohki Rongamwahu.—km 12/01 p. 1 par. 3.
18 min: Nantihong Wah Mwahu Nan Soangen Doadoahk Koaros me Ke Kin Wia. Emen elder pahn wia padahk wet oh tohn mwomwohdiso pahn iang koasoi. Kousapahlih poadoapoad oh kekeirada en mwomwohdiso nan pein ahmw wasa, iangahki soangen doadoahk oh nanti kan me brother oh sister kan wia pwehn wiahda mwomwohdiso. Koasoanehdi mwowe pwe ekei me iang towehda mihding rahno en kasalehda arail ekspiriens kangoang kan. Koasoia duwen soangen kekeirada dah kan me kak wiawi ehu rahn, oh kangoange koaros en utungada koasoandi en mwomwohdiso ni ngoang.
Koul 7 oh kapakap.
Wihk me Tepida December 16
10 min: Pakair en sahpwet. Ripoht en mwohni. Kasalehda duwen koasoandi tohrohr kan ong kalohk en December 25 oh January 1.
15 min: Irail me Ahneki Loalokong Pahn Wehwehki Soahng Tohto. (Daniel 12:3, 10) Kamwomwada: Aramas me perenki rong wia peidek wet ong sounkalohk men: “Iaduwen ahi kak ese ni mehlel ma ahi wehwehki Paipel me pwung de soh?” Sounkalohko eri kawehwehda duwen onop Paipel kin pweida mwahu ahnsou me emen kin onop oaralap kan ni e pahn wia eh research me pid duwen Paipel. (w96 5/15 pp. 19-20) Ni e pahn doadoahngki ire ehu de riau sang pwuhken Reasoning, pali 112-117, e kin kasalehda iaduwen atail kak wehwehkihla duwen kupwuren Koht ong sampah sang ni e pahn kasawih kanahieng iren Paipel kan. Sounkalohko eri kin kawehwehda me kitail kak pil doadoahngki ahlohte en wehwehkihla padahk en Paipel teikan ni ahl me pwung oh idek rehn tohnihmwo ma e men onop Paipel.
20 min: “Tamataman Irail me Mah kan me Lelepek.” Kasalehda ire kesempwal kan sang Watchtower (lokaiahn wai) en August 1, 1994, pali 29. Koasoia duwen koasoandi kapw ong me mah kan oh soumwahu kan me re kak wadek minit 15 kohda me re kin kalohk. Koasoanehdi rehn ekei tohnmwomwohdiso en kasalehda duwen kapai kan me kin kohsang miniminiong me mah kan me lelepek.
Koul 28 oh kapakap.
Wihk me Tepida December 23
8 min: Pakair kan en sahpwet. Kangoange koaros en kilang video cassette me oaralap koasoia “No Blood—Medicine Meets the Challenge” pwehn kaunopada ong Service Mihding en wihk me tepida January 6.
15 min: Anahn en sahpwet.
22 min: “Kitail Naineki Mehn Doadoahk Kapw Ong Tepida Onop en Paipel Rehn Aramas akan!” Sounapwalih en Kalohk pahn wia pwais wet oh tohnmwomwohdiso pahn iang koasoi. Nin tepio, koasoanehdi rehn attendant kan en kihseli rehn koaros me iang mihding doaropwe kapw me oaralap koasoia Ke Men Kalaudehla Ahmw Wehwehki Paipel? Koasoanehdi kamwomwada riau me sounkalohk kan kaunopada mwahu, oh ira en doadoahngki padahk kan ni pali 8 pahnangin sawaspen oaralap: “Dahme Kitail Kak Koasoia Duwen Makisihn kan.” Emen sounkalohk pahn kihla Watchtower en January 1 oh pil emen sounkalohk pahn kihla Awake! January 8. Ni imwin kamwomwada riauwo, sounkalohko pahn kihong tohnihmw neirail doaropwe kapw me oaralap koasoia: Ke Men Kalaudehla Ahmw Wehwehki Paipel? Nan ehu kamwomwada, tohnihmw pahn ale nah makisihn kan oh nan kamwomwada teio, tohnihmw sohte pahn ale makisihn kan. Kangoange sounkalohk koaros en kihong aramas koaros me re kin tuhwong nan kalohk neirail doaropwe kapw.
Koul 33 oh kapakap.
Wihk me Tepida December 30
10 min: Pakair kan en sahpwet. Katamankin sounkalohk kan en kapedolong neirail ripoht en kalohk en December. Kasalehda dahme kitail pahn kihla nan January, oh pil kasalehda mehnia pwuhk kan me mihmi nan Kingdom Hall me kitail kak kihla.
15 min: Kousapahlih pwuhken Worship the Only True God. Padahk oh tohnmwomwohdiso pahn iang koasoi. Kawehwe duwen koasoandi me pwuhk kapwo pahn wia keriaun pwuhk me kitail pahn onop rehn aramas akan. (km 6/00 pali 4 pars. 5-6) Luhke tohnmwomwohdiso en kasalehda duwen ire kan me re perenki nan pwuhk kapwo. Kasalehda me ekei wasa kan nan pwuhko—mie peidek kan oh iren Paipel kan me kin kamwekid aramas me onop Paipel en medemedewe loal duwen Mahsen en Koht. Kasalehda duwen ire kesempwal kan me mihmi ni pali 47-49, parakrap 13.
20 min: “Ke Kin Wia Uwen Me Ke Kak en Sewese Secretary en Kihpene Ripoht en Kalohk me Pwung?” Ni ahnsou me ke pahn koasoia parakrap 2, kasalehda ire kesempwal kan sang pwuhken Our Ministry, pali 106-108.
Koul 50 oh kapakap.
Wihk me Tepida January 6
5 min: Pakair kan en sahpwet.
23 min: Sawas me Kitail Kak Ale Pwe Kitail en Kak Peikiong Sapwellimen Koht Kosonned en Liksang Nta. Emen elder koahiek pahn wia padahk wet, oh ah padahk pahn poahsoanda pohn outline me Branch Ohpis kadarodo. Secretary en mwomwohdiso pahn tehk ma mie itar doaropwe pwukat: Advance Medical Directive/Release card, Identity Card, Health-care durable power of attorney (DPA) form, oh pil Advance Directive Guide. Doaropwe pwukat pahn kohwong irail sounkalohk papidaislahr kan mwurin mihding en ni soutiket, ahpw re SOHTE PAHN audehda doaropwe pwukat ni soutiket. Mwurin Pwuhk Study en Mwomwohdiso Ni Are wet, re pahn sain, wia sounkadehde kan oh ntingihdi rahn me re sain, oh ma re anahne sawas, Sounapwalih en Pwuhk Study pahn sewese irail. Irail me wia sounkadehde pahn anahne uhdahn kilang brothero de sistero ahnsou me e sain doaropweo. Ma ke men audehda DPA, e pahn mwahu en wadek kanahieng Advance Directive Guide. Ma ke koasoanehdier soahng kan koaros me pid DPA me ke audehdahr nan 2001 de mwuri sang, ke sohte anahne wiahda pil ehu DPA. Sounkalohk kan me saikinte papidais pahn kak ntingihdi pein neirail doaropwe kan ong pein irail oh neirail seri kan ni arail pahn kilang pein arail irair kan oh doadoahngki pein arail lokaia oh madamadau kan ni arail pahn wiahda pein neirail doaropwe kan.
17 min: “Ke Anahne Kilang Video Cassette me Oaralap Koasoia “No Blood—Medicine Meets the Challenge.” Emen elder koahiek pahn wia pwais wet. Mwadang tepida koasoiong tohnmwomwohdiso duwen video cassette me oaralap koasoia “No Blood—Medicine Meets the Challenge” ni ahmw doadoahngki peidek kan me mihmi ni pali 7. Mwurin mwo, wadek kaimwiseklahn parakrap.
Koul 35 oh kapakap.
[Nting tikitik me mi pahs]
Tepin koasoi pahn mwotomwot sang minit ehu, oh mwurin mwo, peidek oh pasapeng kan.
Tepin koasoi pahn mwotomwot sang minit ehu, oh mwurin mwo, peidek oh pasapeng kan.