Pakair Kan

◼ Dahme kitail pahn kihla nan January: Padahk Mehlel me Kahluwalahng Mour Soutuk oh Rohngamwahu Wet en Wehio. February: Padahk Mehlel me Kahluwalahng Mour Soutuk oh Rohngamwahu Wet en Wehio. March: Kasalehong tohnihmw kan pwuhken Knowledge That Leads to Everlasting Life, de Ke Kak Mour Kohkohlahte Nan Paradais Nin Sampah, oh nantihong tepida onop en Paipel rehn aramas akan. April oh May: Kasalehong tohnihmw The Watchtower oh Awake! makisihn kan. Ni ahnsou me ke pwurehng pwurala rehn aramas akan me kin perenki rong, nantihong tepida onop en Paipel rehrail.

◼ Tepida sang nan sounpwong en February, oh sohte pwand sang March 2, Sounapwalih en Circuit kan pahn wia kapahrek kapwo me oaralap koasoia “Pitsang Sampah me Rotorot.”

◼ Mwomwohdiso kan anahne wiahda koasoandi mwahu kan ong kasarawi Katamanpen Kamatalahn Krais Ni Esil, April 16, 2003 mwurin kihrlahn ketipin. Kapahreko kak tepida mwadang, ahpw pass-seli pilawa oh wain pahn awih lao lel ketipin kihrlahr. Tehk rehn irail kan nan pein ahmw wasa me kin ese kuloak depe ketipin pahn kihrla rahno pwehn koasoanehdi kuloak depe Kataman pahn tepida. Ni ahnsou me Kataman riau de tohto sang pahn wiawi nan ehu wasa, e pahn mwahu en koasoanehdi minit 40 (de reirei sang) nanpwungen Kataman kan pwe aramas koaros kak paiekihda. E pahn mwahu en wia koasoandi mwahu kan me pid peidi sidohsa oh pil iawasa re pahn peidi ahnsoukis ni ahnsou me aramas doudi oh pil mwurin Kataman ni ahnsou me aramas pahn douda. Pwihn en elder kan pahn pilada koasoandi dah kan me pahn mwahu en wiawi nan pein arail wasa.

◼ Tepida sang sounpwonget: pwuhk, brochure oh tract kapw kan solahr pahn kileledi nan Atail Doadoahk Ong Wehio. E pahn sansal ni doaropwe en “Announcement to All Congregations” (“Pakair kan ong Mwomwohdiso Koaros”) oh doaropwe wet pahn kohwong mwomwohdiso koaros nan sounpwong koaros. Se men katamankin elder kan me: ni ahnsou me kumwail kin alehdi doaropwe en “Announcement to All Congregations,” kumwail anahne pakairkihong ahmw mwomwohdiso nan Service Mihding duwen pwuhk, brochure oh tract kapw kan me kapw pwe kumwail en kak medemedewe ma kumwail men oaht soahng kapw kan. Pakair wet pahn langalang pohn Information Board. Mwurin mwo, brother me kin apwalih pwuhk kan kak nekidala doaropweo nan ah wasahn nekidala doaropwe kan.