Koakon En Peidek

◼ Iahd me e konehng en wiahda ehu pwihn me kin lokaiahki ehu lokaia tohrohr?

Ni ahnsou me wasahn kalohk me mih pahn epwelpen amwail mwomwohdiso​—⁠aramas tohto dierekda me kin lokaiahki ehu lokaia tohrohr, elder kan konehng en koasoanehdi kalohk wasao en doadoahngki pein arail lokaia. (km 7/02 p. 1; km 2/98 pp. 3-4) E kak me koasoan en irail me lokaiahki lokaia tohrohr akan arail kousoan kin dohpeseng oh kin mih nan wasahn kalohk riau de pil tohto sang. Nan soangen irair wet, Sounapwalih en Circuit pahn kihda kaweid, oh sewese mwomwohdiso pwe miniminpene en doadoahk en kalohk en mie. Ekei ahnsou, kapahrek ong wehi pokon de onop en Watchtower en koasoandi pwe en diarada aramas depe pahn iang towehda mihding kan ni lokaia tohrohr wet.

Pwihn en aramas ieu me lokaiahki lokaia tohrohr ieu kak wiawihda ahpw soahng kei me kitail anahne lel mwohn met a pahn kak wiawi: (1) Mie sounkalohk kei de aramas me men rong padahk mehlel me kak uhdahn wehwehki Rongamwahu ni lokaia tohrohro. (2) Mie elder de ministerial servant me kak kaweid oh wia mehnda ma ehute mihding nan ehu wihk. (3) Pwihn en elder kan pwungki utungada pwihno. Ma anahn pwukat koaros mie, elder kan pahn padahkiong Branch Ohpis pwe pwihn wet en kak koukouda oh kaweid kapatapat akan en kak kohda.

Pali tohto en pwihn kin tepikihda Pwuhk Study en Mwomwohdiso nan wihk kan koaros. Mwuri, elder kan kak pwungkihda en kapatahiong mihding teikan, me duwehte Kapahrek ong Wehi Pokon oh Onop en Watchtower. Theocratic Ministry Sukuhl Padahk Keriau, Kesiluh oh Kapahieu kak wiawi nan ehu pere tohrohr ma mie elder de ministerial servant me kak lokaiahki lokaia tohrohro pahn wia soun kihda kaweid. Ahpw, pwihno pahn iang mahs tohn mwomwohdiso teikan ni ahnsou me Padahk Keieu oh Padahk me kin koasoia Ire Kesempwal Kan Sang Wadawad en Paipel, oh Service Mihding. Tuhpene en kolahng kalohk kak pil koasoandi ong pwihn tohrohr wet.

Aramas akan koaros nan pwihno pahn doadoahkpene pahn epwelpen pwihn en elder kan. Elder kan pahn kin kihda kaweid ni toupahrek oh kasalehda nsenohki epwelpen anahnpen pwihno. Ahnsou me Sounapwalih en Circuit pahn mwemweitla rehn mwomwohdiso me kin apwalih pwihno, e pahn koasoanehdi en iang pwihno oh doadoahk pwe en kak kakehlahda ni pali ngehn. Sang ni sapwellimen Siohwa kapai kan, pwihn me lokaiahki lokaia tohrohr wet pahn ahnsoukis mwuhr uhd wiahla mwomwohdiso ieu.